Luki 24:26 - Ala la kitabuenu Mɔgɔfin kuma tɔ

²⁶ A fɛrɛ bele fɔ Ala la mɔgɔ masubɛreŋɛ ni kɛ tɔɔrɛ sɔtɔ, jɔ a ni don a la nɔɔra tɔ.»

Luki 24:26 Referans Kwoze

1 Piyɛri 1:11

Ala Hakkili saniyandeŋɛ ka Ala la mɔgɔ masubɛreŋɛ la tɔɔrɛ yita anu la, anun a be nala kunnawule min sɔtɔla wo tanbi kɔma. Nabiyonmɛnu ka tefira ma anu ni wo koenu na wagate lɔn, anun anu na kɛɲa.

Kiilanu 17:3

A be kitabue fasarila, a be a yitala a ko, a fɛrɛ yo bele fɔ Ala la mɔgɔ masubɛreŋɛ ni tɔɔrɔ, a mɛn ni tawuli fagabaganu tɛma. A ko: «N be Isa min na ko lakela wo ma ka, ale le mu Ala la mɔgɔ masubɛreŋɛ la.»

Luki 24:46

A ka a fɔ anu ye, a ko: «A be sɛbɛren kaa le, ka a fɔla Ala la mɔgɔ masubɛreŋɛ si ɲagankata le, kɔnɔ a la faga tele saba luŋɛ, a si tawuli le.

1 Piyɛri 1:3

Tantue be Ala ye, wo mɔ Marige Isa Ala la mɔgɔ masubɛreŋɛ Baaba Ala. A bata kinikini wo mɔ ma koola, han a ka a ma wo mɔ ni tasɔtɔ a nama la Isa la malawule sabu la. A to ka Isa lawuli faga ma, wolo ka a ma yige be wo mɔ ma, yige min te ban.

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Luki 24:7

A ka a fɔ le wo ye nun, a ko aa fɛrɛ bele fɔ ale Adamadeŋɛ ni don junubutɔɛnu bolo, anu ni a jigan ka a banban lɔgɛ tɔ. A mɛn si tawuli a tele saba luŋɛ.»

Yaya 2:22

A la talibenu ma wo kuma fahamu, fɔ Isa to wulita fagabaganu tɛma wagate min tɔ, anu naata na a talɔn ka a fɔla, a tota wo fɔla le anu ye nun. Wolo ka a ma, anu naata na laa Ala la sɛbɛre la anun Isa tugun ka kuma min fɔ.

Yaya 20:9

Wo tɛmuɛ, talibenu ma Ala la sɛbɛre kɔtɔ fahamu betunna, a fɔ koe la, a fɛrɛ bele fɔ Isa ni tawuli a ni bɔɔ fagabaganu tɛma.

Ko fɔlɔfɔlɛ 22:6

Iburahima ka sarika bintan lɔgɛ sigi a la den kayireŋɛ Isiyaka kunma, a ka a la mure jigan anun ta kenbue. Anu fila bɛ tagata ɲɔgɔn na.