Luki 23:26 - Ala la kitabuenu Mɔgɔfin kuma tɔ

²⁶ Anu to be Isa donila, wo ka a taran Sirɛni kaa do be bɔɔla sɛnɛ tɔ, a tɔgɔ Simɔn. Anu ka a bita anu ka Isa la lɔgɛ bangalandeŋɛ sa a kan ma, a ni a wakkɛ a ni sɔ Isa kɔma.

Luki 23:26 Referans Kwoze

Kiilanu 6:9

Kɔnɔ Yahudenu minnu be bɔɔren Sirɛni nun Alɛsandiri saanu tɔ anun minnu be bɔɔren Silisi nun Asi duge tɔ, minnu be madɛnna kawandi ma boŋɛ tɔ, min tɔgɔ hɔrɔya mɔgɛnu la kawandi ma boŋɛ, wonu donu wulita, anu ka Etiyɛn nasɔnkɔ.

Kiilanu 6:6

Anu ka wonu dantɛgɛ kiilanu ye. Wonu ka Ala mataran anu ye, anu ka anu bole sa anu kuŋɛ ma.

Kiilanu 2:10

anun Firigi, anun Panfili, anun Misira jamanɛnu tɔ, anun Libi jamanɛ dula donu tɔ, minnu be Sirɛni saa mafanna, anun mɔle minnu be bɔɔren Rɔmu saa butɔ,

Luki 14:27

Min ma sɔn a tɛn lɔgɔ bangalandeŋɛ jiganna a faga koe la, a ni sɔ n kɔma, wo te nɔ mala n na talibe la.

Luki 9:23

A ka a fɔ jama tugun ye, a ko: «Ka mɔgɛ min be diren tola n kɔma, a ka diɲa a yɛtɛ la ko ma, a ni sɔn ɲagankata bɛ la, a ni n jokki lun go lun, hali a mata faga la, lɔgɔ bangalandeŋɛ tɔ.

Kiilanu 13:1

Nabiyonmɛnu nun karamɔgɛnu be Antiyoki dɛnkɛnɛyabaga jama tɛma minnu be tabɛnden Baranabasi ma, anun Simeyɔn min tɔgɔ Fata fiŋɛ, anun Lusiyusi Sirɛni kaa, nun Manahɛn, min nun mansa Herodu koloyata ɲɔgɔn na, anun Sɔlu.

Luki 23:25

Anu ka gelemanɛ min na ko fɔ, min ka mɔgɛnu lamurutɛ, a ka mɔgɛ faga, Pilati ka wo boloka, a mɛn ka Isa to anu sagoe tɔ.