Luki 2:49 - Ala la kitabuenu Mɔgɔfin kuma tɔ

⁴⁹ A ka a fɔ anu ye, a ko: «Wo be n ɲinila fenna? Wo ma a lɔn ba, a fɛrɛ bele fɔ n ni to n Baaba la boŋɛ tɔ le?»

Luki 2:49 Referans Kwoze

Yaya 6:38

N bele jigiren bɔɔla saŋɛ tɔ, n yɛtɛ sagoe ma koe la, ade, n be jigiren n Kiilá sagoe le ma koe la.

Yaya 8:29

Nde nun n Kiilá le mu. A ma n dɔrɔn to, bayi tɛmuɛ bɛ, n be a sagona koe mala.»

Yaya 4:34

Isa ka a fɔ anu ye: «N na balue mu n Kiila sagoe ma koe le la, a la wale lakamali koe la.

Luki 2:48

A tigenu ka a yen wagate min tɔ, anu kaabɛta koola. A nɛɛnɛ ka a fɔ a ye, a ko: «N na den, i ka kɛ ma mɔ la fenna? I ma a yen, mɔ nun i baaba bata i ɲini, mɔ bata hanmɛ i la ko la.»

Yaya 5:17

Kɔnɔ Isa ka anu jaabi, a ko: «Fanni n Baaba Ala be walila, fɔ nde tugun ni wali.»

Yaya 9:4

Fanni ɲɔ be kɛnɛren, a fɛrɛ bele fɔ n ni n Kiilá tɛn wale ma. Sue tini don, mɔgɔ yo te nɔ walila wo tɛmuɛ.

Yaya 5:36

Kɔnɔ seede do gbɛtɛ be n bolo, min tanbita Yaya tɛŋɛ la: n be wale minnu mala, wonu yɛtɛ mu n ɲɛ seede le la, ka a fɔla n Baaba le be n kiiren. N Baaba bata wo walenu don n bolo, anu dalafa koe la.