Luki 2:14 - Ala la kitabuenu Mɔgɔfin kuma tɔ

¹⁴ «Tantue be Ala ye saŋɛ tɔ. Jususa be mɔgɛnu ye duge tɔ, minnu la ko be diyaren Ala ye.»

Luki 2:14 Referans Kwoze

Luki 19:38

anu tota a fɔla: «Barikɛ be kɛ mansa ye, min be naren Marige Ala tɔgɛ la! Hɛra be saŋɛ tɔ! Nɔɔra be Ala ye kantɔ!»

Luki 1:79

alako wo mɔle minnu be dibe tɔ, saya dibe be wo mɔle minnu mabutinden, a ni wo mɔ lakɛnɛ, alako a ni wo mɔ kɛŋɛ latelen jususa kila tɔ.»

Kiilanu 10:36

A ka kuma lasanba bani Isirayila deŋɛnu ma, a ka kibaru ɲinma lake anu ma ka a fɔla, jususa be sɔtɔla Ala la mɔgɔ masubɛreŋɛ Isa le fɛ, mɔgɛ bɛ Marige mu ale len na.

Yaya 17:4

Nde bata i la nɔɔra makɛnɛn dunuya, bayi i ka wale min don n bolo, n bata wo lakamali.

2 Tesaloniki 2:16

Wo mɔ Marige Isa yati min mu Ala la mɔgɔ masubɛreŋɛ la, anun wo mɔ Baaba Ala, min bata wo mɔ kanu, min be hinnɛla wo mɔ la a ka yigi sɔdula ɲinma don wo mɔ bolo anun limaniya min te ban abada,

Filipi 2:11

Anu bɛ ni a yita ka a fɔla, «Ala la mɔgɔ masubɛreŋɛ Isa le mu Marige la.» Anu to si wo fɔ, wo ni ma mamatɔgɛ la Baaba Ala ye.

Luki 3:22

Ala Hakkili saniyandeŋɛ jigita a ma a kɛɲa be toren iko legetere. Kumari kulɛ tugun bɔɔta saŋɛ tɔ, a ko: «N na den kayireŋɛ le mu ile la, n be min makanuren. N be ɲagalinden ile la koola.»

Filipi 2:13

Ale Ala le be koe lagirila wo tɛma alako wo hanige ni bɛn a tɛŋɛ ma, wo ni a diyanan koe ma.

Yaya 14:27

N be jususa tola wo bolo kɔtɛ, min be fatanden nde la. Wo jususa bele fatanden dunuya la. Wo juse kana bɔɔ, wo kana kilan.

Yaya 3:16

Bayi Ala ka dunuya mɔgɛnu kanu le han a ka nde a la den kayiren dɔndɛ dii, alako ka min yo dɛnkɛnɛyata n ma, wo tigi kana bɔnɔ, a ni abada kise sɔtɔ.

Luki 2:13

Wo dula tɔ ɲɔ kisanna, maleka jama bɔɔta saŋɛ tɔ ka na sa maleka fɔlɔnɛŋɛ kunma. Anu bɛ tota Ala tantula kɛ kuma la:

Luki 2:15

Awa, malekanu to bɔɔta anu kunma saagi koe la saŋɛ tɔ, kolofen kantalanu tota a fɔla ɲɔgɔn ye: «Wo mɔ ke Betilɛmu. Marige Alatala bata kuma min nake mɔ ma, mɔ ni taga wo koe lasaga min mata.»