Luki 15:28 - Ala la kitabuenu Mɔgɔfin kuma tɔ

²⁸ Wo butɔ, den fɔlɛ dumɛnta, a bele sɔnden donna boŋɛ tɔ. Wolo ka a ma, a baaba bɔɔta boŋɛ tɔ, a tota a madiyala a ni don.

Luki 15:28 Referans Kwoze

Yunusa 4:9

Ala ka Yunusa maɲininka, a ko: «Tɔɲa le i be dumɛnden de kɛ lɔgɛ faga koe la?» Yunusa ka a jaabi, a ko: «Iyon, tɔɲa be n bolo n ni dumɛn kɛ lɔgɛ la ko la han n ni faga.»

1 Samiyɛli 18:8

Sayulu to ka wo sige mɔɛ, a dumɛnta koola, wo koe ka a juse maɲaku a ma, a ka a fɔ, a ko: «Anu ka Dauda tɛŋɛ ma wulu tan na, anu ka nde tɛŋɛ ma wulu dɔndɔ la, awa, mansaya koe le tun be toren a ye kɔtɛ.»

Luki 15:2

Farisinu anun sariya karamɔgɛnu be Isa la ko fɔla anu da kɔtɔ: «Kɛ kaye be junubutɔɛnu labɛnna a ɲinma la, a mɛn be dɔmɛ dɔmɔla anu fɛ.»

Luki 7:39

Farisi kaye min ka Isa kele dɔmɔre ma koe la, a ka muse la wo wale bɛ lasaga, a ka a mira a hakkile tɔ, a ko: «Ka kɛ kaye mu nabiyonmɛ yɛtɛ yɛtɛ le la nun, muse mɔle min be magaren a la, a si a lɔn de nun, ka a fɔla a musu jeenante le la.»

Kiilanu 14:2

Kɔnɔ Yahude minnu balanta dɛnkɛnɛyala, wonu ka saa mɔgɛnu bu tadon minnu bele maren Yahudenu la, alako anu juse ni yɛlɛ dɛnkɛnɛyabaganu ma.

Kiilanu 13:45

Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma.

Luki 24:47

A la ko kibare si lake Darisalamu fɔlɔ, jɔ a ni lake dunuya seenu bɛ ma, Ala la mɔgɔ masubɛreŋɛ tɔgɛ la, ka a fɔla anu ni tuubɛ, alako anu ni junubu kafare sɔtɔ.

Luki 13:34

A mɛn ko: «Darisalamu kaanu, Darisalamu kaanu, wo be nabiyonmɛnu fagala; Ala ka kiilanu minnu kii wo ma, wo be anu mabunna kurenu la, wo ni anu faga. N dita le kunɲama siyama n ni wo madɛn iko susu konbira be woofila a la deŋɛnu kunma ki min na a gabataŋɛnu kɔtɔ, kɔnɔ wo ma sɔn wo la.

Luki 5:30

Farisinu nun anu la sariya karamɔgɛnu ŋunuŋuta Isa la talibenu ma, anu ko: «Wo be dɔmɔre mala, ka je min duuti makelelanu nun junubutɔɛnu fɛ fenna?»

1 Samiyɛli 17:28

A kɔtɔ kinama Eliyabu ka Dauda kulɛ mɔɛ kumala wo mɔgɛnu ye, a dumɛnta a ma, a ko: «I be jigiren yan fenna? Wo kolofen wɔɔrɛ lanma go, i be a toren ɲɔmɔ le bolo janfue tɔ? Da takoloya nun mira koroŋɛ min be i juse tɔ, n ka wo lɔn go! I be naren de tun alako i ni kɛlɛ fɛlɛ.»

1 Tesaloniki 2:16

Wo kɛlɛ tɛgɛ butɔ, anu be diren mɔ ɲamɔla mɔ kana sii gbɛtɛnu kawandi alako wonu ni kisi. Wo butɔ, anu be anu la junube minnu mala bɔɔla bima, anu be a kɔnte kunmasala han a ni tanbi a tɔ. Kɔnɔ, Ala la dumɛ bata anu bita.

Kiilanu 14:19

Kɔnɔ Yahudenu nata bɔɔla Antiyoki anun Ikoni saa tɔ, anu ka jama bu tadon han anu ka Pɔlu mabun a faga koe la. Wo kɔma anu ka a sabaa ka a labɔɔ saa butɔ, a be toren anu ye a bata faga.

Kiilanu 13:50

Kɔnɔ musu tɔgɔ bɔɔreŋɛnu minnu be donden Yahudenu la diina tɔ, anu nun saa butɔ kuntigenu, Yahudenu ka wonu bu tadon, anu kitita Pɔlu nun Baranabasi ɲagankata koe la, anu ka wonu bee, ka anu bɔɔ anu la jamanɛ tɔ.

Luki 15:27

Wo ka a fɔ a ye, a ko: ‹I dɔgɛ bata na. I baaba ka tuura den kɛndeŋɛ faga a ye, bayi a bata a la deŋɛ yen, a be kendeyaren.›

Luki 15:29

Kɔnɔ a ka a baaba jaabi, a ko: ‹I ka a lɔn, a bata san siyama bɔɔ n be tɔɔrɔla i ye, n bele balanna i la yamɔre hali dɔndɔ la feu. Kɔnɔ hali baa deŋɛ yati i ma a dii n ma, alako n ni murade sɔ n nun n kafuɲɔgɛnu ye.