Luki 11:2 - Ala la kitabuenu Mɔgɔfin kuma tɔ

² Isa ka a fɔ anu ye, a ko: «Wo tini be Ala mataraŋɛ mala, wo ni a fɔ: Mɔ Baaba Ala, mɔgɛnu bɛ ni i tɔgɔ saniyandeŋɛ biliya, i la mansabaya nɔɔra ni na.

Luki 11:2 Referans Kwoze

1 Tesaloniki 1:3

Tɛmuɛ bɛ tɔ, mɔ hakkile to be wo la ko ma, mɔ be a fɔla wo mɔ Baaba Ala ye, mɔ be a tantula le wo la wale la min be fatanden wo la dɛnkɛnɛya la, anun wo be min maren kanunteya sabu la. Mɔ be a tantula le bayi wo be wo timiladiyaren wo yigi sɔ koe la Ala la mɔgɔ masubɛreŋɛ Marige Isa ma.

Filipi 4:20

Ala mu a mala tantue ni to wo mɔ Baaba Ala ye abada. Amina.

Filipi 1:2

Wo mɔ Baaba Ala nun mɔ Marige Isa Ala la mɔgɔ masubɛreŋɛ ni hinnɛ nun jususa dii wo ma.

1 Tesaloniki 1:1

Bataakɛ le mu ka, a be fatanden nde Pɔlu, Silasi nun Timote le la, tagala wole Tesaloniki saa dɛnkɛnɛyabaga jama ma, minnu bata ma Baaba Ala nun a la mɔgɔ masubɛreŋɛ, Marige Isa tɛŋɛ la. ⸂Ala nun a la mɔgɔ masubɛreŋɛ Isa⸃ ni hinnɛ nun jususa dii wo ma.

2 Tesaloniki 2:16

Wo mɔ Marige Isa yati min mu Ala la mɔgɔ masubɛreŋɛ la, anun wo mɔ Baaba Ala, min bata wo mɔ kanu, min be hinnɛla wo mɔ la a ka yigi sɔdula ɲinma don wo mɔ bolo anun limaniya min te ban abada,

Lewi bɔnsɛnu la sariya 22:23

Ninge ka wo ma saaka min dula do kayan, ka wo ma a wutu, i si nɔ wo bɔɔla i la hanige ma sarika la, kɔnɔ i te nɔ wo bɔɔla lahiri lakamali sarika kan na.

Lewi bɔnsɛnu la sariya 10:3

Musa ka a fɔ Harona ye a ko: «Alatala ka wo lalɔn de nun kɛ la, a to ka a fɔ, ‹Minnu be madonden n na, anu ni a lɔn n saniyanta, anu ni n biliya jama bɛ ɲakɔtɔ.›» Harona ka a mɔdɛ jen.

Luki 11:1

Lun do, Isa be Ala mataraŋɛ tɔ kan do. A to ka a ban, a la talibe do ka a fɔ a ye, a ko: «N marige, i ni mɔ degen Ala mataraŋɛ la, iko Yaya ka a la talibenu degen ki min na.»