Lewi bɔnsɛnu la sariya 4:35 - Ala la kitabuenu Mɔgɔfin kuma tɔ

³⁵ A ni kɛ́ŋɛ bɛ bɔɔ saaka tɔ, iko kanunteya sarika be mala ki min na, a ni wo bintan sarika doenu kunma minnu be kɛnɛ bintanna sarika bintandula kunma. Wo butɔ sarika lakelá be sarika bɔɔla le mɔgɛ ye min si a kunka, alako a la junube ni kafari.»

Lewi bɔnsɛnu la sariya 4:35 Referans Kwoze

Lewi bɔnsɛnu la sariya 4:26

A ni kɛ́ŋɛ bɛ bintan wo sarika bintandula kunma, iko kanunteya sarika be mala ki min na. Wo butɔ sarika lakelá be sarika bɔɔla le min si wo kuntige kunka, alako a la junube ni kafari.

Lewi bɔnsɛnu la sariya 4:20

A ni kɛ tuura bɔɔ sarika la iko min be bɔɔla a tɛn junubu kafari sarika la. Anu bɔɔ ɲa bɛ dɔndɔ. Wo butɔ, sarika lakelá be sarika bɔɔla le min si anu kunka, alako anu la junube ni kafari.

Lewi bɔnsɛnu la sariya 14:18

Tulu tɔɛ min tota sarika lakelá bolo butɔ, a ni wo sa bandibaga kuŋɛ ma. Awa, sarika lakelá be wo bandibaga kunsarala nde Alatala ɲala ɲɔgɔnna le.

Lewi bɔnsɛnu la sariya 6:7

«Sariya le ka sugu kolo sarika la ko tɔ. Harona la deŋɛnu ni wo sarika nati sarika bintandula ɲakɔtɔ nde Alatala ɲala.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.

1 Piyɛri 2:24

Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.

1 Piyɛri 2:22

«A ma junubu ma, a ma janfanteya kuma fɔ.»

Lewi bɔnsɛnu la sariya 14:53

A ni konden kende boloka saa kɔma wula butɔ. Wolo be a mala, wo boŋɛ la ko koroŋɛ ni ban, a ni saniyan.

Lewi bɔnsɛnu la sariya 12:8

Ka fɛrɛ bele a bolo saaka sɔtɔ koe la, a si nɔ gabu fila donila, ka wo ma legetere fila. Dɔndɛ ni bɔɔ sarika bintannɛŋɛ la, doe ni bɔɔ junubu kafari sarika la. Sarika lakelá ni wo bɔɔ, a ni ma kunsara la muse ye, a ni saniyan.»

Lewi bɔnsɛnu la sariya 9:7

Wo butɔ, Musa ka a fɔ Harona ye a ko: «I madon sarika bintandula la. I ni junubu kafari sarika nun sarika bintannɛŋɛ bɔɔ kunsara la i yɛtɛ ye, anun jama ye. Wo kɔma, i ni wo sarika doe bɔɔ jama kunsara la, iko Alatala be a yamɔriren ki min na.»

Lewi bɔnsɛnu la sariya 5:13

Wo butɔ, sarika lakelá si sarika bɔɔ wo mɔgɛ tigi ye min si a kunka, alako a ka junube min ma, a ni kafari. Suge kolo munge tɔɛ min be tola, a be mala sarika lakelá tɛŋɛ le la.»

Lewi bɔnsɛnu la sariya 5:10

Sarika lakelá ni wo konden filaɲɔgɛ bɔɔ sarika bintannɛŋɛ la iko a bɛnta mala ki min na. Wo butɔ, sarika lakelá be sarika bɔɔla wo mɔgɛ tigi ye min si a kunka, alako a be junube min maren, a ni kafari.

Lewi bɔnsɛnu la sariya 5:6

A ni saaka muse bɔɔ sarika la, ka wo ma baa muse. Wo kolofeŋɛ ni ma fan nasaagi sarika la nde Alatala ye. Awa, sarika lakelá si a kunka wo la, alako a la junube ni kafari.

Lewi bɔnsɛnu la sariya 15:15

Sarika lakelá ni dɔndɛ bɔɔ junubu kafari sarika la, doe sarika bintannɛŋɛ. Wo butɔ, sarika lakelá ni a kunsara a la bandiya la ko la nde Alatala ɲala.

Lewi bɔnsɛnu la sariya 19:22

Sarika lakelá ni wo saaka kontoŋɛ ma kunsara la a ye Alatala ɲala. A ni ma fan nasaagi sarika la alako a be junube min maren, a ni kafari.