Lewi bɔnsɛnu la sariya 23:27 - Ala la kitabuenu Mɔgɔfin kuma tɔ

²⁷ «Kari wɔrɔwilaɲɔgɛ tele tan luŋɛ, wo ni ma Kunsara Luŋɛ le la. Wo ni mamadɛn saniyandeŋɛ ma, wo ni sun wo lun, wo ni sarika bintannɛŋɛnu bɔɔ nde Alatala ye.

Lewi bɔnsɛnu la sariya 23:27 Referans Kwoze

Hɔrɔya 30:10

San yo san kunɲama dɔndɔ, Harona be wo sorayi saniyandeŋɛ bintandula lasaniyanna base la: a ni junubu kafari sarika base do jigan, a ni a madon sorayi saniyandeŋɛ bintandula binanu ma. Wo be wolo mala bɔɔla bɔnsɔ han bɔnsɔ. Wo sorayi saniyandeŋɛ bintandula be mala fondo saniyandeŋɛ fisamante le la nde Alatala ɲala.»

Lewi bɔnsɛnu la sariya 16:24

A ni taga a bale ko je la dula do tɔ ka min be saniyanden, a ni kuta gbɛtɛnu don. A tini wo ban, a ni bɔɔ, a ni sarika bintannɛŋɛ fila bɔɔ, dɔndɛ a yɛtɛ tɛŋɛ, doe jama tɛŋɛ. Wo butɔ a si kunsara sɔtɔ le a yɛtɛ ye anun jama ye.

Lewi bɔnsɛnu la sariya 16:15

Wo kɔma, a ni bɔɔ, a ni naa sikule kannatɛgɛ jama la junubu kafari sarika la. A ni a base doni parawan bakkureŋɛ kɔma la. A ni wo base lasulen lahiri kankira dataguraŋɛ ma, anun duge tɔ wo dataguraŋɛ ɲatɔ, iko a ka tuura base ma ki min na.

Lewi bɔnsɛnu la sariya 25:9

Wo san bi looluɲɔgɛ kari wɔrɔwilaɲɔgɛ tele tan luŋɛ, wo ni binanu fe jama ye duge butɔ. Kunsara luŋɛ le mu, wo ni bina fe wo la jamanɛ bɛ tɔ.

Lewi bɔnsɛnu la sariya 16:11

Awa, Harona ni wo tuura fɔlɔ bɔɔ a tɛn junubu kafari sarika la, a ni ma ale nun a la denbaya kunsara la. A ni wo tuura kannatɛgɛ junubu kafari sarika la.

Yaguba 4:9

Wo ni di, ka suunu, ka jusu makasa belebele layɛlɛ. Wo la jele ni masara wo ye dire la, wo la sɛɛwa ni ma suunɛ banba la.

Kiilanu 27:9

Awa, wagati siyama to bata tanbi han súŋɛ́ sale wagate ɲan bata ban tanbila, wo tɛmuɛ ji kunma tagamaŋɛ bata ma mamakilan koe la, wo butɔ Pɔlu ka anu lasii, a ko:

Lewi bɔnsɛnu la sariya 23:26

Alatala mɛn takumata Musa ye, a ko:

Lewi bɔnsɛnu la sariya 23:28

Wo kana wali yo ma wo lun, bayi Jama bɛ Kunsara Luŋɛ le mu, wo be kunsarala Alatala ɲala le, wo Marige Ala.

Lewi bɔnsɛnu la sariya 16:16

Dula saniyandeŋɛ fisamante be kunsara sɔtɔla ɲɔgɔnna le, Isirayila kaanu la saniyanbaliya la, anu la ko koroŋɛnu, nun anu la junubenu la ko la. Harona ni naa a ma ɲɔgɔnna hɔrɔma dingira tanta butɔ tɔɛ tugun ye, bayi a be sɔren Isirayila kaanu saniyanbalenu tɛma.