Kiilanu 4:1 - Ala la kitabuenu Mɔgɔfin kuma tɔ

¹ Piyɛri nun Yaya to be kumala jama ye, sarika lakelanu anun Ala batu bon banba kɔsɔbile kuntige nun Sadusinu nata anu digii ma.

Kiilanu 4:1 Referans Kwoze

Luki 22:4

A si naa Isa don anu bolo ki min na, a tagata sumundula wolo la anun sarika lakela kuntigenu anun Ala batu bon banba kɔsɔbile kuntigenu.

Kiilanu 6:12

Wo butɔ, anu ka jama nun kayibanu, anun sariya karamɔgɛnu tugun bu tadon, wo kɔma anu tagata giripɛ a ma, anu ka a doni Yahude kuntigenu la mamadɛŋɛ dula.

Kiilanu 5:26

Awa, kɔsɔbilenu anun anu la kuŋɛ tagata kiilanu kɔma. Kɔnɔ anu ma nɔɛ laboe anu ma, bayi anu be kilanden jama kana naala anu mabunna kurenu la.

Kiilanu 5:24

Ala batu bon banba kɔsɔbile kuntige, anun sarika lakela kuntigenu la wo kumanu mɔɛreŋɛ, anu kɔntɔfilita kiilanu la ko la, fen min be tanbiren.

Kiilanu 4:6

anun Hanasi sarika lakela kuntigi banba, anun Kayifa, anun Yaya nun Alɛsandiri, anun minnu bɛ mu sarika lakela kuntige bareŋɛ la.

Yaya 18:3

Sarika lakela kuntigenu nun Farisinu ka kɔsɔbilenu don Judasi bolo. A mɛn ka Rɔmu kaanu sɔɔri kuruŋɛ banba sɔtɔ. Lanpuenu be anu bolo anun ta lɔgɛnu anun kɛlɛmafeŋɛnu. Awa, Judasi ka wonu bɛ doni a fɛ sunte tɔ.

Yaya 15:20

Wo hakkili to n na kuma ma n ka min fɔ wo ye, n ko: joŋɛ ma fisa a tige ko. Anu to bata kiti nde ɲagankata koe la, anu si wole tugun ɲagankata le. Kɔnɔ ka anu be nde la kuma labaturen, anu si wole tugun tɛŋɛ labatu le.

Kiilanu 6:7

Ala la kuma tota yiriwala, talibenu kɔnte tota kunmasala a banba la Darisalamu. Sarika lakela jama banba tugun sɔnta dɛnkɛnɛya kila la ko ma.

Luki 20:1

Lun do, Isa be mɔgɛnu kawandila Ala batu bon banba butɔ, a be kibaru ɲinma lakela anu ma. Sarika lakela kuntigenu anun sariya karamɔgɛnu, anun kayibanu tagata a taran ɲɔ,

Kiilanu 5:17

Wo butɔ, sarika lakela kuntige nun minnu be a kɔma, minnu be tabɛnden Sadusinu ma, bɛsɛnkɔnnɛya tota anu tɔ koola, anu wulita,