Kiilanu 26:22 - Ala la kitabuenu Mɔgɔfin kuma tɔ

²² Kɔnɔ n to bata Ala la dɛmare sɔtɔ han bi, wolo be a maren n be tola a seedeɲɔgɔya bɔɔla dendeŋɛnu nun kayibanu ye. Nde bele fenfen fɔla, fɔ annabi Musa nun nabiyonmɛ doenu ka koe minnu na koe fɔ,

Kiilanu 26:22 Referans Kwoze

Kiilanu 24:14

Kɔnɔ n si min yita i la, wolo mu ka: n be mɔ benbanu la Ala le batula, iko Isa la kila be a yitaren ki min na, ande be a fɔla min ma aa foniya kila. Iyon, kuma min bɛ be sɛbɛren Taureta Musa nun nabiyonmɛnu la kitabuenu tɔ, n be laaren wonu bɛ la.

Yaya 5:46

Ka wo laata Musa la nun, wo si laa nde tugun na, bayi a ka n na ko sɛbɛ le.

Kiilanu 10:43

Nabiyonmɛ bɛ ka ale len na ko fɔ, anu ko: ka min dɛnkɛnɛyata a ma, wo tigi junube si kafari le a tɔgɛ la ko la.»

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Luki 24:27

Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

1 Samiyɛli 7:12

Awa, Samiyɛli ka kure jigan a ka a sa Misipa saa nun Siyeni saa tɛma. A ka a fɔ: «Alatala ka mɔ dɛman de han yan.» Wolo mu, a ka ɲɔ tɔgɛ sa: «Ebɛn-Eseri».

Kiilanu 28:23

Awa, anu ka lun dɔndɔ lakoti Pɔlu ye. Wo luŋɛ to keta, anu siyama tagata a ma a yigiya tɔ. A tota seedeɲɔgɔya bɔɔla kabɔɔ saguma han wura la, a be Ala la mansabaya la ko ɲatabɔla anu ye. Wo butɔ, a be katala a ni anu lalaa ka a fɔla Isa yati le mu Ala la mɔgɔ masubɛreŋɛ la, Taureta Musa nun nabiyonmɛnu la kitabuenu sabu la.

Kiilanu 26:17

N be i latangala Yahudenu nun sii gbɛtɛ mɔgɛnu ma, n be i kiila sii gbɛtɛ minnu ma kɔtɛ,

Kiilanu 26:6

Kɔtɛ, Ala ka lahire min jigan wo mɔ benbanu ye, n be sɔren yan n makiiti koe le la, bayi n be n yigi saren wo lahiri lakamali koe le la.

Yaya 5:39

Wo be Ala la sɛbɛrenu tefila ka a fɛlɛ a ɲinma la, bayi a be wo juse tɔ, ko abada kise be sɔtɔla wo sɛbɛre le tɔ. Awa, wo sɛbɛrenu tugun de mu n seede la.

Yaya 1:45

Filipu tagata mɔgɛ do taran min tɔgɔ Natanayeli, a ka a fɔ a ye: «Musa ka min na ko fɔ Taureta tɔ, a nun nabiyonmɛnu tugun ka min na ko fɔ, mɔ bata a yen: Isa Nasarɛti kaa le mu, Yusufu la deŋɛ.»

Yaya 1:17

Iyon, Ala ka a la sariyanu don wo mɔ bolo Musa sabu la, a ka kanunteya nun tɔɲa tugun yita wo mɔ la Isa Ala la mɔgɔ masubɛreŋɛ sabu la.

Luki 24:46

A ka a fɔ anu ye, a ko: «A be sɛbɛren kaa le, ka a fɔla Ala la mɔgɔ masubɛreŋɛ si ɲagankata le, kɔnɔ a la faga tele saba luŋɛ, a si tawuli le.

Luki 16:28

bayi n baaba dɔndɔ den kayireŋɛ mɔgɔ loolu be ɲɔ. I ni diɲa Lasari ni taga anu lasii, alako ande tugun kana na kɛ ɲagankata dula tɔ yan.›

Kiilanu 13:29

Sɛbɛre ka min bɛ fɔ a la ko tɔ, anu ka wo lakamali wagate min tɔ, anu ka a fure bɔɔ lɔgɛ tɔ, anu ka a lajigi, anu ka a sa gabure tɔ.