Kiilanu 20:29 - Ala la kitabuenu Mɔgɔfin kuma tɔ

²⁹ Nde ka a lɔn, n tini taga wagate min tɔ, mɔgɔ koroŋɛ si naa don de wo tɛma, iko wuula butɔ wulenu be donna wɔɔrɛ tɔ ki min na, anu te kinikini wo ma.

Kiilanu 20:29 Referans Kwoze

Kiilanu 20:28

Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na.

Yaya 10:12

Min be walila nafulu koe la, kolofen kantala yati ma wo la feu, ale tɛn ma wo kolofeŋɛnu la. A tini suluke yen nala, a be kolofeŋɛnu tola ɲɔ le, a ni a kuŋɛ kata. Suluke ni donu bita, a tɔmanu ni malansan.

Luki 10:3

Wo taga, wo a fɛlɛ, n bata wo kii wo ni ma iko saaka deŋɛnu minnu be tagala wuula-butɔ-wulenu tɛma.

Luki 12:32

Isa mɛn ko: «N na kɛ saaka kurun lanma, wo kana kilan. Wo ni a lɔn a diyata wo Baaba Ala ye a ni mansaya dii wole ma.

Yaya 21:15

Anu to ka kɔɔjɔbɔɛ ban, Isa ka Simɔn Piyɛri maɲininka, a ko: «Simɔn, Yaya la den kayireŋɛ, i be n kanuren tanbi kɛnu bɛ la ba?» A ka a jaabi: «Iyon, Marige, ile ka a lɔn ka a fɔla i di n ɲɛ.» Isa ka a fɔ a ye: «Ka a ɲɔgɔnna le, i ni na saakadeŋɛnu daɲini.»

1 Piyɛri 5:2

N bata wo lalimaniya, wo ni wo hakkile to Ala la jama ma min be wo la mamakantare butɔ, iko kolofen kantalá be mɛnnila a la wɔɔrɛ ma ki min na. Wo ni dɛnkɛnɛyabaganu dankun wo hanige la, wo kana a ma iko anu tini wo karahan. Wo kana a ma nafule la ko miila la. Wo ni a ma wo juse bɛ la.