Kiilanu 14:3 - Ala la kitabuenu Mɔgɔfin kuma tɔ

³ Hali wo bɛ to mata, Pɔlu nun Baranabasi ka tɛmu yanfama le ma ɲɔ. Anu be yigi saren Marige ma, anu be kumala limaniya la. Marige be kabanakoenu nun misalenu mala anu sabu la, wo butɔ, anu be kuma min nakela a la hinnɛnteya la ko tɔ, Marige be wo kuma seedeɲɔgɔya bɔɔla ɲɔgɔnna le.

Kiilanu 14:3 Referans Kwoze

Kiilanu 20:32

Awa kɔtɛ, n be wo taakula Ala nun a la nɛɛma kuma la, min si nɔ wo sɛnbɛ sala, a ni kɛɛ dii wo ma a be min diila mɔgɔ saniyandeŋɛ bɛ ma.

Kiilanu 20:24

Kɔnɔ n nɛ sɔdula yo bele n ɲɛ, fɔ n ni n na kiilaya wale lakamali Marige Isa be min taakuren n na, min be tabɛnden kibaru ɲinma lake koe ma, Ala la nɛɛma la ko tɔ.

1 Tesaloniki 2:2

Wo ka a lɔn mɔ to keta wo bata, wo ka a taran anu bata mɔ fɛɛya nun Filipi saa tɔ, anu bata mɔ tɔɔrɔ. Kɔnɔ mɔ Marige Ala ka limaniya dii mɔ ma, mɔ ni mɔ hakkile sɔ a ma, alako mɔ ni naa wo kawandi Ala la kibaru ɲinma la, hali anu to be mɔ kɛlɛla nun han.

Kiilanu 5:32

Mɔ mu wo koenu seede la. Ala bata Hakkili saniyandeŋɛ min dii a la kuma bitalanu ma, wo Hakkile saniyandeŋɛ tugun mu kɛ koenu seede la.»

Kiilanu 2:22

Wole bani Isirayila bɔnsɛnu, wo kɛ kuma lamɔɛ: Ala le ka Isa Nasarɛti kaa sɔ wo ye: a ka a yita wo la, ko sɛnbɛmanu nun kabanakoenu nun laamutenu le fɛ, a ka minnu ma ale la ko tɔ wo tɛma, iko wole yɛtɛ ka a lɔn ki min na.

Kiilanu 13:46

Pɔlu nun Baranabasi kumata anu ye limaniya la, anu ko: «Fɔ Ala la kuma ni fɔ wole len Yahudenu fɔlɔ ye, kɔnɔ wo balanta a la. Wo butɔ, wo bata a yita, ka a fɔla wo haju yo bele abada kise la ko tɔ. Awa kɔtɛ, mɔ si mɔ firifiri sii gbɛtɛ mɔgɛnu ma.

Yaya 4:48

Wo butɔ, Isa ka a fɔ a ye, a ko: «Ka wo ma tɔnkumanu nun kabanakoenu yen wo te dɛnkɛnɛya feu!»

Kiilanu 4:31

Anu to ka Ala mataraŋɛ ban, anu be madɛnden dula min tɔ, ɲɔ sɛrɛnta. Hakkili saniyandeŋɛ ka sɛnbɛ dii anu bɛ ma, anu fɔlɔta Ala la kuma fɔla limaniya la.