Kiilanu 14:15 - Ala la kitabuenu Mɔgɔfin kuma tɔ

¹⁵ anu ko: «Baabanu, wo be fen de maren ka? Mɔle tugun mu Adamadeŋɛnu le la, mɔ be toren iko wole. Mɔ be naren de mɔ ni kibaru ɲinma fɔ wo ye, ka a fɔla wo ni bɔɔ kɛ fufafu koenu kɔma, wo ni wo fan nasaagi Ala kisi tige ma, min ka saŋɛ nun duge da anun ba nun anu butɔ feŋɛ bɛ.

Kiilanu 14:15 Referans Kwoze

Yaguba 5:17

Eliya mu nabiyonmɛ le la, kɔnɔ adamadeŋɛ le mu iko wo mɔle. A to ka Ala mataran a juse bɛ la alako sange kana na, sange ma boe duge tɔ han san saba kari wɔɔrɔ.

Kiilanu 10:26

Kɔnɔ Piyɛri ka a lawuli, a ko: «Ile, yandi wuli! Nde yɛtɛ tugun mu mɔgɛ le la.»

1 Samiyɛli 12:21

Wo kana bɔɔ Alatala kɔma de! Ka wo ma, a si taran de wo be sɔren ko fufafuenu le kɔma, munanfan yo bele minnu tɔ, min te mɔgɛ lafulen, bayi ko tɛsɛŋɛnu le mu anu la.

Ko fɔlɔfɔlɛ 1:1

A fɔlɔfɔlɛ la, Ala ka saŋɛ nun duge da.

1 Tesaloniki 1:9

Mɔgɛ minnu bɛ be mɔ la ko ɲamakaranna, anu be a fɔla wo ka mɔ labɛn ki min na, wo mɛn bɔɔta kuyenu kɔma ki min na. Anu ko, aa wo ka wo ɲamatelen Ala ma, Ala min be baluren, Ala min na ko mu tɔɲa la, alako wo ni a batu,

Yunusa 2:8

N nɛ be bɔɔla n tɔ tɛmuɛ min tɔ nun, n ka ile Alatala la ko talɔn. N na mamataraŋɛ tagata han a keta i ma i batu bon saniyandeŋɛ tɔ.

Kiilanu 4:24

Anu to ka wo mɔɛ, anu bɛ ka anu kulɛ labɔɔ Ala mataraŋɛ la hanige dɔndɔ la, anu ko: «Batu mansa, ile min ka saŋɛ nun duge da, anun ba nun anu butɔ feŋɛ bɛ la.

Hɔrɔya 20:11

Bayi nde Alatala ka saŋɛ nun duge nun ba nun a butɔ feŋɛnu bɛ da tele wɔɔrɔ le kɔtɔ. Tele wɔrɔwila luŋɛ n ka n sulen. Wolo ka a ma, n ka barikɛ sa sulen lɔ́gɛ́ la ko tɔ, n ka a to a dana ma.

Kiilanu 14:21

Pɔlu nun Baranabasi to be Deribe saa tɔ, anu ka kibaru ɲinma lake, mɔgɔ siyama mata talibe la ɲɔ. Wo kɔma anu tasaagita Lisitiri nun Ikoni nun Antiyoki min be Pisidi duge tɔ.

Yaya 7:18

Min be kumala a yɛtɛ la mira la, wo tigi be a yɛtɛ tɛn biliya le ɲinila. Kɔnɔ min be a kiilá tɛn biliya ɲinila, tɔɲa tige le wo la. Telenbaliya yo bele a la ko tɔ.

Kiilanu 27:25

Wolo mu, n tagamanɲɔgɛnu, wo ni limaniya: n be laaren Ala la ka a fɔla a si ma le, iko a fɔta n ɲɛ ki min na.

Kiilanu 27:21

Awa, bɔɔla bima mɔgɔ bele dɔmɔre mala. Wo butɔ, Pɔlu naata sɔ anu tɛma, a ko: «N tagamanɲɔgɛnu, a bɛnta le nun wo ni n na kuma bita ka a fɔla wo mɔ kana bɔɔ Kirɛti sure tɔ. Wolo mu wo mɔ te kɛ tɔɔrɛ nun kasara sɔtɔ nun.

Kiilanu 27:10

«N biyasi makafuɲɔgɛnu, n ka a lɔn kɛ ji kunma tagamaŋɛ si naa ma le tɔɔrɛ nun kasara banba la, kote nun kuluŋɛ tun ma, anun wo mɔ nɛ tugun.»

Kiilanu 16:30

Wo kɔma, a ka anu labɔɔ, a ko: «N tigenu, n bɛnta n ni fen ma alako n ni kisi?»

Kiilanu 14:7

Anu tota kibaru ɲinma lakela ɲɔ.

Kiilanu 13:32

Awa, mɔle tugun be kɛ kibaru ɲinma lakela wo ma, ka a fɔla Ala ka lahire min jigan wo mɔ benbanu ye,

Kiilanu 7:26

Wo lun tabantaka, a ka bani Isirayila kaa fila taran kɛlɛla. A katata kɛlɛ ban koe la anu tɛma, a ko: ‹N nɛɛnɛdɔndɛnu, barenmanu ma wo la ba? Awa, fenna wo be ɲɔgɔn kɛlɛla?›

Yaya 5:26

Kise tige le mu n Baaba la, a bata sɔn kise to koe la nde a la den kayireŋɛ tugun bolo iko ale.

1 Samiyɛli 17:36

Mansa, n be jata nun wo wula butɔ sube botegela ɲɔgɔnna le, minnu be nala mɔ la kolofeŋɛnu kɔma. Awa, n be kɛ Filisiti kaa bilakore tugun na ko mala ɲɔgɔnna le, bayi a be mɔnɛ donna Ala la sɔɔrenu ma, Ala min be baluren.»

1 Samiyɛli 17:26

Dauda ka kɛ mɔgɛnu maɲininka minnu be kumala nun a kɛnna, a ko: «Ka min ka kɛ Filisiti kaa faga, a ka mɔnɛ bɔɔ Isirayila ma a be min donden mɔ ma, anu be fen de mala wo tigi ye? Bɔ, ɲɔmɔ le ɲan mu kɛ Filisiti kaa la, kɛ bilakore, han a ni mɔnɛ don Ala la sɔɔrenu ma, Ala min be baluren?»

Ko fɔlɔfɔlɛ 41:16

Yusufu ka Misira mansa jaabi, a ko: «Nde ma, Ala le si nɔ i la kiboe ɲatabɔla, min si ma hɛra la i ye.»