Ko fɔlɔfɔlɛ 5:22 - Ala la kitabuenu Mɔgɔfin kuma tɔ

²² Matisalɛmu la sɔtɔreŋɛ kɔma, Enoki ka san kɛmɛ saba ma, a be sɔren Ala la kila kɔma, a ka den kayireŋɛnu nun den musereŋɛnu sɔtɔ.

Ko fɔlɔfɔlɛ 5:22 Referans Kwoze

1 Tesaloniki 2:12

ka a fɔ wo ye a beeyareŋɛ la, wo tagamanɲa ni bɛn Ala ye, min be wo makeleren wo ni to a la mansaya niiniŋɛ nun a la nɔɔra kɔtɔ.

Ko fɔlɔfɔlɛ 17:1

Iburama la sɔtɛ ka san bi kɔnɔntɔ nun kɔnɔntɔ bɔɔ tɛmuɛ min tɔ, Alatala ka a yɛtɛ labɔɔ Iburama ma, a ka fɔ a ye: «Nde le mu Ala sɛnbɛ tige la. I ni n na kila jokki, i ni ma mɔgɔ telendeŋɛ la.

Luki 1:6

Anu fila bɛ mu mɔgɔ telendeŋɛ le la Ala ye. Anu be sɔren Marige Alatala la yamɔrenu kɔma anun a la sunnanu. Fenfen bele anu la.

Ko fɔlɔfɔlɛ 6:9

Nuha bɔnsɛ la tarigu le ka. Nuha dɔrɔn de mu mɔgɔ telendeŋɛ la adamadeŋɛnu bɛ tɛma, fenfen bele a la. A be sɔren Ala la kila kɔma.

Lewi bɔnsɛnu la sariya 26:12

N si tagaman de wo tɛma. Wo butɔ, n si ma wo Marige Ala la, wo ni ma n na jama la.

1 Tesaloniki 4:1

Awa, n nɛɛnɛdɔndɛnu, mɔ ka wo degen nun tagamaŋɛ la min si diya Ala ye, wo ka wo karan de mɔ bolo. Wo ɲan be tagamanna ɲɔgɔnna le. Kɔnɔ mɔ be wo madiyala, ka wo kawandi Marige Isa tɔgɛ la, wo ni to kunmasala wo ye tun.

Ko fɔlɔfɔlɛ 48:15

A dubata Yusufu ye, a ka a fɔ a ye, a ko: «N mankayi Iburahima nun n baaba Isiyaka be Ala min na kila kɔma, ile Ala min mu n dankunna la kabɔɔ n sɔtɔ luŋɛ han bi,

Ko fɔlɔfɔlɛ 24:40

A ka n jaabi, a ko: ‹N be Alatala min na kila kɔma, wolo si naa a la maleka sɔ i ɲatɔ a si i la kila ladiya. Wo butɔ, i ni muse futu n na den kayireŋɛ ye n baaba dɔndɛnu tɛma, n baaba bata saa tɔ.›

Kiilanu 9:31

Wo wagate, dɛnkɛnɛyabaga jama minnu be Juda nun Galile nun Samari duge bɛ tɔ, anu bɛ tota jususa tɔ. Anu sɛnbɛ be koloyala, anu be tagamanna Marige la ɲalakilaŋɛ la, Ala Hakkili saniyandeŋɛ la dɛmare ka a ma anu tota siyala.

Hɔrɔya 16:4

Alatala ka a fɔ Musa ye, a ko: «I tolomasɔ, n be naala dɛgɛ layɛlɛnna le wo ye bɔɔla saŋɛ tɔ iko sange. Lun go lun, jama ni bɔɔ anu be min bere dɔmɔla anu ni wo matɔnbɔn. Wo butɔ, n si naa anu hakkile mafɛlɛ, ka anu be tagamanna n na sariya yati le la.

Ko fɔlɔfɔlɛ 5:24

Wo bɛ, Enoki be sɔren Ala la kila kɔma. Wo kɔma, Ala ka a jigan, a ka a doni a kɛnna. Enoki ma yen bitugun.

Ko fɔlɔfɔlɛ 5:21

Enoki la simaya ka san bi wɔɔrɔ nun loolu bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Matisalɛmu.

Ko fɔlɔfɔlɛ 5:23

Enoki la simaya bɛ tabɛnta san kɛmɛ saba san bi wɔɔrɔ anun loolu le ma.