Ko fɔlɔfɔlɛ 44:20 - Ala la kitabuenu Mɔgɔfin kuma tɔ

²⁰ Mɔ ka i jaabi: ‹Mɔ baaba kayiba be ɲɔ, anun mɔ dɔgɛ Bunyamin, a ka min sɔtɔ a la kayibaya butɔ. Ale le di a baaba ye. A nɛɛnɛ la deŋɛnu tɔ, a dɔrɔn de be toren, bayi a kɔtɔ bata faga.›

Ko fɔlɔfɔlɛ 44:20 Referans Kwoze

Ko fɔlɔfɔlɛ 37:3

Kɔnɔ Yusufu le di a baaba ye fisa a la deŋɛnu bɛ ko, bayi a ka a sɔtɔ a la kayibaya le butɔ. A ka doroki banba ɲinma dii a ma.

Ko fɔlɔfɔlɛ 42:38

Yaguba ka a jaabi, a ko: «Ade, n na deŋɛ nun wole te taga, bayi a kɔtɔ bata faga, a dɔrɔn de be toren. N bata kɔtɔya. Ka ko do tagata a masɔtɔ wo la biyase tɔ, n be fagala le n be suunuuren wo la tiɲare la.»

Luki 7:12

A la sutuyareŋɛ saa dondula la, a ka jama banba do yen bɔɔla saa tɔ, anu be kamareŋɛ fure donila gaburudula tɔ. Wo ka a taran, ale kamareŋɛ nɛɛnɛ la kaye tugun fagata nun. Den bele a bolo, fɔ wo kamaren dɔndɛ.

Ko fɔlɔfɔlɛ 49:8

Juda, i baaba dɔndɛnu si ile le tantu, i si naa nɔɛ sɔtɔ le i jaguenu kunma. I baaba la den kayireŋɛnu si anu majigi le i ye.

Ko fɔlɔfɔlɛ 46:21

Bunyamin tɛn den kayireŋɛnu le ka: Bela, Bekeri, Asibeli, Gera, Nayaman, Eyi, Rosi, Mupin, Hupimu, anun Aradi.

Ko fɔlɔfɔlɛ 42:36

Anu baaba Yaguba ka a fɔ anu ye a ko: «Wo bata n nafo n na deŋɛnu la: Yusufu bata bɔɔ n bolo, Simeyɔn tugun bata bɔɔ n bolo. Wo mɛn be diren Bunyamin le tugun jiganna ka. Kɛ kote bɛ be sigila nde le kunma.»

Ko fɔlɔfɔlɛ 42:13

Anu ka a jaabi anu ko: «Mɔle, i la joŋɛnu, mɔ mɔgɔ tan nun fila le nun, mɔ bɛ mu kayi dɔndɔ le la deŋɛ la Kanana duge tɔ. Mɔ dɔgɛ be mɔ baaba kɛnna boŋɛ tɔ. Kɔnɔ dɔndɔ kan bata bɔɔ mɔ la.»

Ko fɔlɔfɔlɛ 37:19

Anu tota a fɔla ɲɔgɔn ye: «Ale kibolá le be nala wo la.

Ko fɔlɔfɔlɛ 35:18

Rakeli bata a lɔn a be fagala le, a be a nɛ makɛlɛla tɛmuɛ min tɔ, a ka a la deŋɛ tɔgɔ sa Bɛn Oni, wo be a fɔren de «Ɲagankata deŋɛ». Kɔnɔ a baaba kan ka a kele Bunyamin «Bolo ɲinma deŋɛ».