Ko fɔlɔfɔlɛ 44:15 - Ala la kitabuenu Mɔgɔfin kuma tɔ

¹⁵ Yusufu ka a fɔ anu ye: «Wo be fen de maren ka? Wo ma a lɔn kaye, iko nde, n si nɔ fɛrile mala koe bɛ la?»

Ko fɔlɔfɔlɛ 44:15 Referans Kwoze

Hɔrɔya 32:1

Bani Isirayila kaanu to ka a yen, Musa bata mɛ jigi koe la bɔɔla kɔnkɛ kunma, jama naata na Harona digii ma, anu ka a fɔ a ye, anu ko: «Ile! Ala do ɲiɲa mɔ ye, min si sɔ mɔ ɲatɔ, bayi ale Musa min ka mɔ labɔɔ Misira duge tɔ, mɔ ɲan ma a lɔn fenfen min be a masɔtɔren.»

Ko fɔlɔfɔlɛ 39:8

Yusufu ma sɔn, a ka a fɔ a marige la muse ye: «I ka a lɔn, bɔɔla n nata n marige bata, a bele a hakkili sɔren fenfen ma bitugun a la boŋɛ butɔ. A bata a la harige bɛ to n sagoe tɔ n ni a mɛnni.

Ko fɔlɔfɔlɛ 21:26

Abimelɛki ka Iburahima jaabi, a ko: «N ma wo tigi lɔn. Ile tugun ma a fɔ n ɲɛ, fɔ bi n ka a mɔɛ.»

Ko fɔlɔfɔlɛ 4:10

Wo kɔma, Ala ka a fɔ a ye, a ko: «I ka fen de ma ka? Base min bɔɔta i dɔgɛ ma a sata duge tɔ, wo base kulɛ be bɔɔla duge tɔ a ni ke n ma ka a fɔla n ni a tɛŋɛ yɔgɔ.

Ko fɔlɔfɔlɛ 3:13

Marigi Alatala ka a fɔ muse ye: «I ka wo ma fenna?» Muse ka a jaabi, a ko: «Kaa le ka n natantan han n ka kɛ lɔgɔ wole dɔmɔ.»

Ko fɔlɔfɔlɛ 44:16

Juda ka a jaabi, a ko: «Mɔ si nɔ fen fɔla n marige ye? Mɔ si kuma a ye kama le? Mɔ si nɔ beeyaala kɛ koe tɔ kama le? Ala bata i la joŋɛnu la ko koroŋɛ makɛnɛn. Mɔle, anun kɛ kaalise ji min pɔɔte be yenden mɔgɛ min bolo, mɔ bɛ le bata ma n marige la joŋɛ la.»