Ko fɔlɔfɔlɛ 4:2 - Ala la kitabuenu Mɔgɔfin kuma tɔ

² Wo kɔma, a mɛn ka bue talabɛn a ka Kabila dɔgɔ Habila sɔtɔ. Habila mata kolofen kantala la. Kabila mata sɛnɛ salá la.

Ko fɔlɔfɔlɛ 4:2 Referans Kwoze

Luki 11:51

ka fɔlɔ Habila la faga ma, han ka taga sigi annabi Jakariyawa tɛŋɛ la, min fagata sarika bintannɛŋɛ bɔɔdula nun Ala batu bon banba tɛma. Iyon, n ni tɔɲa fɔ wo ye, bi mɔgɛnu si maɲininka le wo bɛ la.

Yaya 8:44

Iyon, wole baaba mu Sentanɛ yati le la, wo be sɔnden a sagona koe mala. Mɔgɔ fagalá le mu a la kabɔɔ a fɔlɛ la. A bele toren tɔɲa ko tɔ, bayi a te tɔɲa fɔ muku! A be foniya le fɔla, bayi a kɛɲa le wo la. Foniyante le mu a la, a mɛn mu foniya baaba le la.

Ko fɔlɔfɔlɛ 47:3

Misira mansa ka Yusufu kɔtɔnu maɲininka, a ko: «Wo la wale mu fen de la?» Anu ka Misira mansa jaabi, anu ko: «I la joŋɛnu, mɔ mu kolofen daɲinila le la, iko mɔ benbanu ka a ma ki min na nun.»

Hɔrɔya 3:1

Musa tota a bitan kaye Yetoro la kolofeŋɛnu daɲinila min mu sarika lakela la Madiyana. Lun do, Musa ka kolofeŋɛnu doni janfue butɔ kan yanfa, a tagata han a keta Hɔrɛbi, Ala la kɔnkɛ tɔ.

Ko fɔlɔfɔlɛ 37:13

Lun do, Yaguba ka a fɔ Yusufu ye, a ko: «I kɔtɔnu be tagaren kolofeŋɛnu daɲinidula Sisɛmu. Na yan, n ni i kii anu ma.» A ka a fɔ a ye: «Awa.»

Ko fɔlɔfɔlɛ 9:20

Nuha mata sɛnɛ sala le la. Ale le fɔlɔ ka rɛsɛn lɔgɛ ki.

Ko fɔlɔfɔlɛ 3:23

Wo butɔ, Marigi Alatala ka a labɔɔ Edɛn laakɔ ɲinma butɔ. A ko anu ni taga duge lawali, Ala ka anu bɔɔ duge min tɔ.

Luki 11:50

Wo butɔ, bɔɔla dunuya da fɔlɛ, nabiyonmɛ yo nɛ bɔɔta, wonu bɛ la faga be mala bi mɔgɛnu le la kote la,

Ko fɔlɔfɔlɛ 4:1

Adama nun a la musu Hawa kafuta. Hawa ka bue jigan ka Kabila sɔtɔ. Hawa ko: «N bata den kayireŋɛ sɔtɔ Alatala sabu la.»

Ko fɔlɔfɔlɛ 4:3

Tɛmuɛ do latanbireŋɛ kɔma, Kabila ka min sɔtɔ a la sɛnɛ wale tɔ, a ka wonu donu jigan a ka a dii sarika la Alatala ye.