Ko fɔlɔfɔlɛ 37:16 - Ala la kitabuenu Mɔgɔfin kuma tɔ

¹⁶ A ka a jaabi, a ko: «N be n kɔtɔnu le ɲinila. Yandi a fɔ n ɲɛ anu be kolofeŋɛnu daɲinila ka min na.»

Ko fɔlɔfɔlɛ 37:16 Referans Kwoze

Luki 19:10

Wo ni a lɔn, nde Adamadeŋɛ bata na mɔgɔ samareŋɛnu le ɲinidula ka anu lakisi.»

Ko fɔlɔfɔlɛ 37:15

A la tagareŋɛ, kaye do ka a yen, a be a matagamanna wula butɔ, a ka a maɲininka, a ko: «I be fen de ɲinila?»

Ko fɔlɔfɔlɛ 37:17

Kɛ kaye ka a fɔ a ye, a ko: «Anu tagata yanna le, bayi n ka anu kulɛ mɔɛ le anu be a fɔla, wo mɔ ma Dotan.» Yusufu sɔta a kɔtɔnu tagaman baa kɔma han a ka anu taran Dotan.