Ko fɔlɔfɔlɛ 29:32 - Ala la kitabuenu Mɔgɔfin kuma tɔ

³² Leya ka bue jigan, a ka den kayireŋɛ sɔtɔ, a ka a tɔgɔ sa Rubɛn. A ka a fɔ, a ko: «Alatala to bata n na maluya yen, kɔtɛ n na kaye si n nadiya le.»

Ko fɔlɔfɔlɛ 29:32 Referans Kwoze

Hɔrɔya 4:31

Jama laata. Anu to ka a lɔn, ko Alatala bata bani Isirayila kaanu la tɔɔrɛ yen, a mɛn nata hinnɛ anu la, anu ka anu majigi, anu sujuduta duge ma.

Hɔrɔya 3:7

Alatala mɛn ko: «N bata a yen yati anu be n na jama ɲagankatala ki min na Misira. N bata anu diri kulɛ mɔɛ, anu ɲagankatalanu sabu la. Iyon, n ka anu la tɔɔrɛ lɔn.

Luki 1:25

A ko: «Nde le mu ka, den sɔtɔbaliya maluya min be n na mɔgɛnu ɲala, Marige Alatala bata kinikini n ma a ni wo maluya bɔɔ n ma.»

1 Samiyɛli 1:20

wo saŋɛ butɔ le, Hana ka bue labɛn, a nata den kayireŋɛ sɔtɔ. Wo butɔ, a ko: «N to bata Alatala táran kɛ deŋɛ la ko la, wolo mu n be a tɔgɔ sala ‹Samiyɛli›.»

1 Samiyɛli 1:11

A ka lahire jigan Alatala ye, a ko: «Alatala dunuya bɛ da Mansa, nde i la jon muse be tɔɔrɛ min tɔ, i ni i ɲa lajigi n ma, i ni n na ko talɔn, i kana ɲina nde i la jon muse ma. Ka i ka den kayiren dɔndɔ dii nde i la jon muse ma, n si a dii le i ma a la simaya bɛ butɔ. A kuŋɛ te sii ma.»

Ko fɔlɔfɔlɛ 42:27

Anu to keta anu ki dula tɔ, dɔndɔ ka a la bɛkke da laka alako a ni dɔmɛ dii a la sofale ma. A ka a la nafule yen saren bɛkke butɔ.

Ko fɔlɔfɔlɛ 42:22

Rubɛn ka a fɔ anu ye, a ko: «N ma a fɔ le nun wo ye wo mɔ kana ko koron ma Yusufu la? Kɔnɔ wo ma sɔn wo tolomasɔla n na. Awa, a hakkɛ le be wo mɔ takeren ka.»

Ko fɔlɔfɔlɛ 31:42

N baaba Isiyaka be kilanden Ala min na, Iburahima Marigi Ala, ka a ma sɔ n fɛ nun, i be n nasaagila n bolo tɛsɛŋɛ le la nun bi. Kɔnɔ Ala bata n na kunmajige yen, anun n be wali bɛlɛŋɛ minnu mala. A ka n na kiite sa kɛ su tanbireŋɛ la.»

Ko fɔlɔfɔlɛ 16:11

Alatala la maleka ka a fɔ tugun, a ko: «I be bue le fɛ ka. I si naa den kayireŋɛ sɔtɔ, i ni a tɔgɔ sa Isumayila, bayi maluya min be sigiren i ma, Alatala bata i kulɛ mɔɛ.

Ko fɔlɔfɔlɛ 37:29

Anu kɔtɔ Rubɛn mɛn tanata kɔlɔŋɛ tɔ, a ma Yusufu yen ɲɔ feu. A suunuta, han a ka a tɛn kutanu bɛ fara a ma.

Ko fɔlɔfɔlɛ 35:22

A to sabatita ɲɔ duge tɔ, Rubɛn tagata ki a baaba la jon muse Bila fɛ. Kɔnɔ Yaguba ka wo koe mɔɛ. Yaguba ka den kayiren mɔgɔ tan nun fila le sɔtɔ.

Ko fɔlɔfɔlɛ 29:31

Alatala to ka a yen Leya la ko bele banden diyala Yaguba ye iko Rakeli, a ka Leya ma den sɔtɔla la, Rakeli mata den sɔtɔ bale la.

Ko fɔlɔfɔlɛ 35:23

Yaguba la musu Leya ka Rubɛn sɔtɔ a ye, a la den fɔlɛ le wo la, a bɔɔta ɲɔ a ka Simeyɔn sɔtɔ, a ka Lewi sɔtɔ, a ka Juda sɔtɔ, a ka Isakari nun Sabulɔn sɔtɔ.