Ko fɔlɔfɔlɛ 22:17 - Ala la kitabuenu Mɔgɔfin kuma tɔ

¹⁷ N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

Ko fɔlɔfɔlɛ 22:17 Referans Kwoze

Ko fɔlɔfɔlɛ 15:5

Wo kɔma, Ala ka Iburama labɔɔ bara tɔ, a ka a fɔ a ye: «Saŋɛ fɛlɛ ba, i ni loolenu kɔnti ka i si nɔ anu kɔnte lɔnna.» A mɛn ka a fɔ a ye: «I bɔnsɛ si siya le iko i be loolenu yenden ki min na kantɔ.»

Ko fɔlɔfɔlɛ 13:16

N si i bɔnsɛ lasiya iko mɛɲɛŋɛ min be duge tɔ. Ka mɔgɔ si nɔ mɛɲɛŋɛ kɔntila, i bɔnsɛ tugun si kɔnti le.

Ko fɔlɔfɔlɛ 26:4

N si i bɔnsɛ lasiya iko loolenu be siyaren ki min na kantɔ, n si wo duge bɛ dii anu ma. Dunuya mɔgɛ min bɛ be duge kunma, a bɛ si hɛra sɔtɔ i bɔnsɛnu fɛ,

Ko fɔlɔfɔlɛ 24:60

Rebeka la mɔgɛnu dubata a ye, anu ko: «Mɔ barenmuse, Ala mu a mala i bɔnsɛ ni siya a ni ma mɔgɔ wulu siyama siyama la. I bɔnsɛ ni nɔ sɔtɔ mɔgɛnu ma, minnu be i kɔnna.»

Ko fɔlɔfɔlɛ 32:12

N bata i táran, i ni n natanga n kɔtɔ Esayu ma, bayi n bata kilan a la. N be kilanden de a kana na n kɛlɛ a ni n na denbayanu tugun faga.

Ko fɔlɔfɔlɛ 28:3

Ala mu barikɛ sala i la ko tɔ, Ala sɛnbɛ tige, a ni den siyama dii i ma, a ni i bɔnsɛ lasiya i ni ma jama siyama benba la.

Ko fɔlɔfɔlɛ 17:6

N si i la jiide lasiya koola, n si i ma bɔnsɔ siyama tige la. Mansa banbanu si bɔɔ i bɔnsɛ tɔ.

Ko fɔlɔfɔlɛ 12:2

N si i ma jama banba tige la. N si barikɛ sa i la ko tɔ, n si i tɔgɛ lakoloya. Mɔgɛnu si hɛra sɔtɔ i fɛ.

Ko fɔlɔfɔlɛ 25:11

Iburahima la faga kɔma, Ala ka barikɛ sa a la den kayireŋɛ Isiyaka la ko tɔ, wo be sigiren nun Lahayi-Royi kɔlɔŋɛ kɛnna le.

Ko fɔlɔfɔlɛ 26:24

Alatala ka a yɛtɛ labɔɔ a ma wo sue tɔ, a ka a fɔ a ye, a ko: «Nde le mu i baaba Iburahima la Ala la; N be i fɛ, wo butɔ, i kana kilan. N si barikɛ sa i la ko tɔ n ni i bɔnsɛ lasiya, n na jondeŋɛ Iburahima la ko la.»

Ko fɔlɔfɔlɛ 28:4

Ala mu Iburahima la barikɛ sala i nun i bɔnsɛ la ko tɔ, alako kɛ duge ni ma i tɛŋɛ la, i be luntanya tɔ duge min tɔ ka, Ala ka duge min dii Iburahima ma.»

Ko fɔlɔfɔlɛ 32:13

I ma a fɔ le n ɲɛ, i ko aa i si naa ko ɲinma ma le n ɲɛ? I si naa n bɔnsɛ lasiya le iko mɛɲɛŋɛ min be ba dala, a kɔnte te nɔ lɔnna.»

Hɔrɔya 32:13

I ni lahire talɔn i ka min kiti i nun i la jondeŋɛnu Iburahima nun Isiyaka nun Yaguba tɛma, i ka i lakali i yɛtɛ tɔgɛ la, i ka a fɔ anu ye: ‹N si wo bɔnsɛ lasiya le iko loolenu be siyaren ki min na kantɔ. N ka duge min na ko lahire jigan wo bɔnsɛ ye, n si a dii le anu ma, a ni ma anu tɛŋɛ la kudai.› »