Ko fɔlɔfɔlɛ 21:14 - Ala la kitabuenu Mɔgɔfin kuma tɔ

¹⁴ Iburahima wulita saguma piri. A ka dɛgɛ jigan, a ka je sa ji sa feŋɛ butɔ, a ka wo dii Hagara ma. Wo butɔ, a ka feŋɛnu sa a gabakunkuŋɛ ma, a ka a la deŋɛ don a bolo, a ka anu lasanba anu ni bɔɔ a bata. Hagara bɔɔta, a tagata a matagaman janfue butɔ, ka min tɔgɔ Bɛri-Seba.

Ko fɔlɔfɔlɛ 21:14 Referans Kwoze

Yaya 8:35

Marige do la joŋɛ te nɔ tola a tige la boŋɛ tɔ tɛmuɛ bɛ, kɔnɔ a la den kayireŋɛ kan si nɔ tola le ɲɔ tɛmuɛ bɛ.

Ko fɔlɔfɔlɛ 26:31

Wo saguma piri anu wulita, anu ka anu kali ɲɔgɔn ye. Wo la bɔɔreŋɛ a la, Isiyaka saarata anu la. Anu bɔɔta hɛra butɔ, anu tagata.

Ko fɔlɔfɔlɛ 25:6

Kɔnɔ a la den kayiren tɔɛnu minnu ma ma a la musu Sara tɛn deŋɛ la, a ka wonu bɛ kɔ fondonu la yannun a ni faga. Iburahima ka anu lasanba jamanɛ do tɔ tele yɛlɛ mafanna, alako anu ni yanfaya a la den Isiyaka la.

Ko fɔlɔfɔlɛ 21:31

Wo kɔma le, anu ka wo dula tɔgɔ sa Bɛri-Seba, bayi Iburahima nun Abimelɛki ka anu kali ɲɔgɔn ye wo dula le tɔ.

Ko fɔlɔfɔlɛ 16:7

Alatala la maleka ka Hagara taran tenge do kɛnna janfue butɔ. Wo tenge be Suri kila dala le.

Ko fɔlɔfɔlɛ 46:1

Yaguba tagata, a ka a sɔtɔfeŋɛnu bɛ doni a fɛ. A la kereŋɛ Bɛri-Seba, a ka sarikanu bɔɔ a baaba Isiyaka Marigi Ala ye ɲɔ.

Ko fɔlɔfɔlɛ 37:15

A la tagareŋɛ, kaye do ka a yen, a be a matagamanna wula butɔ, a ka a maɲininka, a ko: «I be fen de ɲinila?»

Ko fɔlɔfɔlɛ 26:33

Isiyaka ka wo kɔlɔŋɛ tɔgɔ sa Seba, wo be a fɔren de «Kalire». Wolo be a maren wo saa be tɔgɔ fɔla han bi Bɛri-Seba.

Ko fɔlɔfɔlɛ 24:54

Wo la bɔɔreŋɛ a la, anun a kafuɲɔgɛnu ka dɔmɔre ma, anu ka je min, anu kita. Anu to kunɛnta saguma, jon kaye ka a fɔ Rebeka sɔtɔlanu ye, a ko: «Wo hakkɛ to n ɲɛ, n ni tasaagi n tige Iburahima bata.»

Ko fɔlɔfɔlɛ 22:19

Iburahima nun a la den kayireŋɛ tasaagita, anu tagata walilanu taran. Anu bɛ ka kila bita tagala Bɛri-Seba, bayi Iburahima be sabatiren ɲɔ le.

Ko fɔlɔfɔlɛ 22:3

Iburahima wulita saguma piri a ka sarika bintan lɔgɛ fara, a ka a la sofale tabɛn. A ka mɔgɔ fila jigan a la walilanu tɛma, sa a la den kayireŋɛ Isiyaka kunma, anu bɛ bɔɔta anu tagata Ala ka ka min na ko fɔ a ye.

Ko fɔlɔfɔlɛ 21:33

Iburahima ka lɔgɛ do ki Bɛri-Seba min tɔgɔ Tamarisi. A ka Alatala batu ɲɔ le, a ka a tɔgɔ sa «Abada Ala».

Ko fɔlɔfɔlɛ 19:27

Wo saguma jonna tɔ, Iburahima wulita a tagata dula do tɔ, a tota sɔren Alatala ɲakɔtɔ ka min na.

Ko fɔlɔfɔlɛ 21:13

Kɔnɔ i la jon muse la den kayireŋɛ, n si wo tugun ma le jama banba tige la, bayi a bɔɔta ile le tɔ.»

Ko fɔlɔfɔlɛ 21:15

Je banta ji sa feŋɛ butɔ tɛmuɛ min tɔ, Hagara ka a la deŋɛ to saren bapɛ do kɔtɔ.

Ko fɔlɔfɔlɛ 28:18

A wulita saguma piri, a ka kure min nasori a kun kɔtɔ nun, a ka wo jigan a ka a sɔ, a ka a ma kuru manditɛreŋɛ la, a ka tule sa a kun tɛma ma.

1 Samiyɛli 15:12

Samiyɛli wulita saguma piri, taga koe la Sayulu yendula. Anu ka a fɔ a ye, aa Sayulu bata taga Karimɛli saa tɔ, aa a ka kure sɔ ɲɔ kɛlɛ matalɔŋɛ tɔnkuma la a ni ma a yɛtɛ la biliya la, aa a naata tanbi pon, a jigita Giligali.