Filipi 3:1 - Ala la kitabuenu Mɔgɔfin kuma tɔ

¹ Awa kɔtɛ, n nɛɛnɛdɔndɛnu, wo ni sɛɛwa wo Marige Isa la. Wo ka kuma min mɔɛ n na nun, n mɛn be saagila wondelen sɛbɛla. N te kori wo la. A munanfaŋɛ be wole tugun ye.

Filipi 3:1 Referans Kwoze

Filipi 4:4

Wo ni sɛɛwa Marige la ko la wagati bɛ. N mɛn ni a fɔ wo ye, wo sɛɛwa!

Yaguba 1:2

N nɛɛnɛdɔndɛnu, ka tɔɔrɛ mɔɔle min yo ka wo masɔtɔ a ni ma wo ye ɲagaliŋɛ la,

1 Piyɛri 4:13

Tɔɔrɔ koe Ala la mɔgɔ masubɛreŋɛ fɛ, wo ni ma sɛɛwa le la wo ye. Wo butɔ, wo mɛn si ɲagalin a banba la a la nɔɔra yita luŋɛ.

1 Tesaloniki 5:16

Wo ni sɛɛwa tɛmuɛ bɛ.

Filipi 4:8

N nɛɛnɛdɔndɛnu, n na kuma tɔɛ le ka. Wo ni wo hakkile to kɛ koenu ma: koe min yo mu tɔɲa la, min yo mu sɔɔbɛ la, min yo be telenden, koe min yo saniyanta, min yo diyata Ala ye, min yo kaɲin, biliya nun mamatɔgɛ be sɔtɔla min bɛ ma koe tɔ. Wo ni wo hakkile sigi wo koenu le bɛ ma.

1 Piyɛri 3:8

Wo bɛ butɔ, wo ni bɛn ɲɔgɔn ma, hanige dɔndɔ ni to wo tɛma, anun nɛɛnɛdɔndɔya kanunteya. Wo ni kinikini ɲɔgɔn ma. Wo mɛn ni wo yɛtɛ majigi ɲɔgɔn ye.

Luki 1:47

N be sɛɛwaren n nɛ tɔ Ala la ko la, n na malakisila,

Filipi 3:3

Wo mɔle le mu sii sunnareŋɛnu la a tɔɲa kii ma, wo mɔle minnu be Ala batula a Hakkili saniyandeŋɛ sabu la. Mɔ be ɲagalinna Ala la mɔgɔ masubɛreŋɛ Isa la ko la, wo butɔ mɔ bele laaren mɔ yɛtɛ wunde la.

1 Samiyɛli 2:1

Wo kɔma, Hana ka kɛ beete bɔɔ Alatala ye, a ko: «N be ɲagalinden Alatala la koola, Alatala bata n kun nawuli. N da bata mafulen n jaguenu digii ma, n bata sɛɛwa bayi ile Alatala bata n dɛman.

1 Tesaloniki 4:1

Awa, n nɛɛnɛdɔndɛnu, mɔ ka wo degen nun tagamaŋɛ la min si diya Ala ye, wo ka wo karan de mɔ bolo. Wo ɲan be tagamanna ɲɔgɔnna le. Kɔnɔ mɔ be wo madiyala, ka wo kawandi Marige Isa tɔgɛ la, wo ni to kunmasala wo ye tun.