Filipi 2:13 - Ala la kitabuenu Mɔgɔfin kuma tɔ

¹³ Ale Ala le be koe lagirila wo tɛma alako wo hanige ni bɛn a tɛŋɛ ma, wo ni a diyanan koe ma.

Filipi 2:13 Referans Kwoze

Yaya 3:27

Yaya ka anu jaabi, a ko: «Mɔgɔ te nɔ fenfen bitala, fɔ ka min donta a bolo ka bɔɔ saŋɛ tɔ.

2 Tesaloniki 1:11

Wo butɔ, mɔ be Ala mataranna wo ye wagati bɛ, mɔ ko wo mɔ Marige Ala ni wo to iko a dagɛta ki min na mɔgɛ ye a be min keleren. Mɔ mɛn ko a ni wo la hanige ɲinma bɛ lakamali, anun wo la wali ɲinma min be maren dɛnkɛnɛya sabu la. Wo be mala a sɛnbɛ le sabu la.

Luki 12:32

Isa mɛn ko: «N na kɛ saaka kurun lanma, wo kana kilan. Wo ni a lɔn a diyata wo Baaba Ala ye a ni mansaya dii wole ma.

Yaya 6:65

A mɛn ka a fɔ: «Wolo mu, n be a fɔren wo ye, mɔgɔ yo te nɔ nala n ma, fɔ n Baaba ni dɛnkɛnɛya dii wo tigi ma.»

Yaya 6:45

A be sɛbɛren nabiyonmɛ la kitabue tɔ ɲɔgɔnna le, ka a fɔla: Ala le be lɔnnɛ diila a bɛ ma. Min bɛ ka n Baaba la kuma lamɔɛ, a ka lɔnnɛ sɔtɔ, wo tigi si naa ke n ma.

1 Piyɛri 1:3

Tantue be Ala ye, wo mɔ Marige Isa Ala la mɔgɔ masubɛreŋɛ Baaba Ala. A bata kinikini wo mɔ ma koola, han a ka a ma wo mɔ ni tasɔtɔ a nama la Isa la malawule sabu la. A to ka Isa lawuli faga ma, wolo ka a ma yige be wo mɔ ma, yige min te ban.

Kiilanu 11:21

Marige bole be anu kɔtɔ han mɔgɔ siyama dɛnkɛnɛyata, anu ka anu yɛtɛ lasaagi Marige ma.

Luki 2:14

«Tantue be Ala ye saŋɛ tɔ. Jususa be mɔgɛnu ye duge tɔ, minnu la ko be diyaren Ala ye.»