Filipi 1:6 - Ala la kitabuenu Mɔgɔfin kuma tɔ

⁶ N be laaren a la, Ala min be wali ɲinma fɔlɔren wo tɛma, a be tola wolo tɔ han a ni a lakamali, a la mɔgɔ masubɛreŋɛ Isa be tanala lun min na.

Filipi 1:6 Referans Kwoze

Filipi 2:13

Ale Ala le be koe lagirila wo tɛma alako wo hanige ni bɛn a tɛŋɛ ma, wo ni a diyanan koe ma.

1 Piyɛri 5:10

Ka wo banta tɔɔrɔla wagatinden, Ala hinnɛnte si naa wo la ko tabɛn, a ni wo lalimaniya, a ni sɛnbɛ dii wo ma, a ni wo lasabati. Ale le be wo keleren wo ni to a la nɔɔra kɔtɔ abada a la mɔgɔ masubɛreŋɛ Isa kɔma.

2 Tesaloniki 1:11

Wo butɔ, mɔ be Ala mataranna wo ye wagati bɛ, mɔ ko wo mɔ Marige Ala ni wo to iko a dagɛta ki min na mɔgɛ ye a be min keleren. Mɔ mɛn ko a ni wo la hanige ɲinma bɛ lakamali, anun wo la wali ɲinma min be maren dɛnkɛnɛya sabu la. Wo be mala a sɛnbɛ le sabu la.

Yaya 6:29

Isa ka anu jaabi, a ko: «Ala be diren wale min ye, wolo mu kɛ la: a bata nde min nasanba kiilá la, wo ni dɛnkɛnɛya nde ma.»

Filipi 1:10

Wolo si a ma wo ni nɔ koenu fatanfasila ɲɔgɔn ye, minnu sɔdula kolo. Wo butɔ, wo juse ni beeya, malakɔrɔsi yo kana to wo ma Ala la mɔgɔ masubɛreŋɛ tana luŋɛ.

1 Tesaloniki 1:3

Tɛmuɛ bɛ tɔ, mɔ hakkile to be wo la ko ma, mɔ be a fɔla wo mɔ Baaba Ala ye, mɔ be a tantula le wo la wale la min be fatanden wo la dɛnkɛnɛya la, anun wo be min maren kanunteya sabu la. Mɔ be a tantula le bayi wo be wo timiladiyaren wo yigi sɔ koe la Ala la mɔgɔ masubɛreŋɛ Marige Isa ma.

Filipi 1:29

Iyon, Ala bata hinnɛ wo la kɛ ko fila bɛ la: wo la dɛnkɛnɛya la a la mɔgɔ masubɛreŋɛ ma, anun wo la tɔɔrɔ koe la a ye yati.

2 Tesaloniki 3:4

Mɔ be laaren Marige la wo la ko tɔ, ka a fɔla mɔ bata wo yamɔri koe minnu la, wo be anu mala. Mɔ mɛn be laaren a la, wo mɛn si naa wonu ma tugun.

Kiilanu 11:18

Yahude dɛnkɛnɛyareŋɛnu to ka wo mɔɛ, anu sabarita anu ka Ala matɔgɔ, anu ko: «Awa, Ala bata sii gbɛtɛ mɔgɛnu tugun natuubɛ, anu ni kisi!»

Kiilanu 16:14

Wo musenu tɔ, dɔndɔ tɔgɔ Lidiya: jula le mu a la, a be kuta dubalamanɛŋɛ sɔnbɛlɛŋɛ mayitala, a be bɔɔren Tiyatiri saa butɔ, a be donden Yahudenu la diina tɔ. Awa, a to be a tolomasɔla, Marige ka a sondoŋɛ laka, alako Pɔlu be min fɔla a ni sabati wo kuma tɔ.

Filipi 2:12

Awa, n kanunteŋɛ ɲinmanu, wo ka Ala sagoe ma tɛmuɛ bɛ. Wo ka wo ma n be wo tɛma wagate min tɔ, kɔnɔ n to bele wo ɲaama ka, wo la wakkilɛ ɲan ni fisaya doe ko. Wo ni to wakkilɛla wo lakisi koe la, wo ni to Ala kɔma a ɲalakilaŋɛ la.

Filipi 2:16

wo ni to kisi kuma fɔla tɛmuɛ bɛ. Wolo si a ma, n ni ɲagalin wo la koola Ala la mɔgɔ masubɛreŋɛ na luŋɛ ɲatɔ, ka a fɔla n ma n na kiilaya wale lakamali tɔɔrɛ butɔ fufafu la.