Hɔrɔya 37:20 - Ala la kitabuenu Mɔgɔfin kuma tɔ

²⁰ Feere naani le tota lanpu sigifeŋɛ kute ma, minnu be toren iko tɔnbile, a kukureŋɛnu nun a yanbanu tugun be wolo ɲaama.

Hɔrɔya 37:20 Referans Kwoze

Hɔrɔya 25:33

Bala yo bala, feere saba le be tola a ma; feere dɔndɔ yo feere dɔndɔ, a be toren iko tɔnbile, a kukureŋɛnu nun a yanbanu tugun be wolo ɲaama.

Hɔrɔya 25:31

«I be sanuɛ yati le botegela jɔnjɔnna la, i ni a ɲiɲa lanpu sigifeŋɛ la. A kɛŋɛ yo, a kute yo, a balanu yo, a la sigidulanu yo, anun a la yangufeŋɛnu, wo bɛ be ɲiɲala sanu wundu dɔndɔ le la.

Hɔrɔya 25:34

Lanpu sigifeŋɛ kute, feere naani le be tola a ma, anu be toren iko tɔnbile, a kukureŋɛnu nun a yanbanu tugun be wolo ɲaama.

Hɔrɔya 37:19

Bala yo bala, feere saba le be a ma; feere dɔndɔ yo feere dɔndɔ, a be toren iko tɔnbile, a kukureŋɛnu nun a yanbanu tugun be wolo ɲaama.

Hɔrɔya 37:21

Bala fila be bɔɔla a kute tɔ ka min na, kukuren dɔndɔ le tota ɲɔ kɔtɔ: bala fila tɛma, minnu be a kute kɔtɔ, ɲɔ kɔtɔ kukuren dɔndɔ; bala fila tɛma minnu be a kute tɛma, ɲɔ tugun kɔtɔ kukuren dɔndɔ; bala fila tɛma minnu be a kute kunma, ɲɔ tugun kɔtɔ kukuren dɔndɔ.