Hɔrɔya 23:2 - Ala la kitabuenu Mɔgɔfin kuma tɔ

² I kana jama jokki ko koron ma koe la. Jama la yeŋɛ mɛn kana a ma, i ni foniya seede bɔɔ, anu tini be sariya sɔsɔla.

Hɔrɔya 23:2 Referans Kwoze

Kiilanu 25:9

Kɔnɔ Fɛsitu to be diren de Yahudenu diyanankoe mala, a ka Pɔlu maɲininka, a ko: «I si sɔn ba i ni yɛlɛ Darisalamu, i ni taga makiiti kɛ koenu ma n ɲala ɲɔ?»

Kiilanu 24:27

San fila la tanbireŋɛ, Felikisi la mansaya danta, Pɔrusu Fɛsitu sɔta a faliŋɛ la. Felikisi to be diren, a ni Yahudenu diyanankoe le ma, a ka Pɔlu to geele tɔ.

Lewi bɔnsɛnu la sariya 19:15

Wo kana kiite sa fisamanteya la. Wo kana fisamanteya yita mɔgɔ yo la, a mata fondobɔnɛ la ba, a mata banná la ba. Wo ni kiiti telendeŋɛ sa wo nɛɛnɛdɔndɛnu tɛma.

Ko fɔlɔfɔlɛ 19:4

Kɔnɔ wo ka a taran malekanu nun Luti bata don boŋɛ tɔ, Sodɔmu kaanu bɔɔta dula bɛ tɔ anu ka boŋɛ lamilin. Kamareŋɛnu yo, kayibanu yo, a bɛ nata le.

Ko fɔlɔfɔlɛ 6:12

Ala ka a yen duge bata tiɲa ko koroŋɛ la, bayi mɔgɛ bɛ la wale bata tabɛn ko koron ma le ma, han anu ka a dan natanbi.

Ko fɔlɔfɔlɛ 7:1

Wo kɔma, Alatala ka a fɔ Nuha ye a ko: «I ni don kulun banba butɔ i nun i la denbaya, bayi n bata a yen Adamadeŋɛnu bɛ tɛma i dɔrɔn de be telenden n ɲɛ.

1 Samiyɛli 15:9

Kɔnɔ, Sayulu nun a la jama bɛ ka Agagi to a nɛ la. Kolofen bɔrɔgɛreŋɛnu minnu be kolofen banbanu nun a lanmanu ɲaama, anu ma wonu tugun faga. Hali minnu la ɲinmaya ma ke wo doenu la, anu ka wo bɛ to le ɲɔ. Kolofeŋɛ min bɛ munanfaŋɛ be, anu ma sɔn anu fagala. Anu ka anu la fondo koroŋɛnu le kan tugunsan, anun min bɛ sɔdula bele.

1 Samiyɛli 15:24

Awa, Sayulu ka a fɔ Samiyɛli ye, a ko: «N bata junube ma, bayi n bata Alatala la yamɔre tiɲa, n bata ile tugun kulɛ sɔsɔ. N be kilanden jama le la nun han n ka n tolomasɔ anu la.