1 Tesaloniki 2:2 - Ala la kitabuenu Mɔgɔfin kuma tɔ

² Wo ka a lɔn mɔ to keta wo bata, wo ka a taran anu bata mɔ fɛɛya nun Filipi saa tɔ, anu bata mɔ tɔɔrɔ. Kɔnɔ mɔ Marige Ala ka limaniya dii mɔ ma, mɔ ni mɔ hakkile sɔ a ma, alako mɔ ni naa wo kawandi Ala la kibaru ɲinma la, hali anu to be mɔ kɛlɛla nun han.

1 Tesaloniki 2:2 Referans Kwoze

Kiilanu 4:13

Kuntigenu to be Piyɛri nun Yaya la limaniya yenden, a mɛn anu ka lɔn sɔtɔ a ma wonu mu karanbale mɔgɔ tun de la, anu be kaabɛren. Wo kɔma, anu ka a talɔn, wonu nun Isa le tota ɲɔgɔn na.

Kiilanu 16:37

Kɔnɔ Pɔlu ka a fɔ anu ye, a ko: «Anu bata mɔ botege kɛnɛ tɔ, anu ma mɔ makiiti, mɔle dun mu Rɔmu kaanu le la, anu mɛn ka mɔ lafili geele tɔ. Kɔtɛ anu ni mɔ labɔɔ sutura tɔ ba? Ade! Wo te ma feu! Fɔ anu faŋɛ ni na mɔ labɔɔ!»

1 Tesaloniki 1:5

Mɔ to be kibaru ɲinma lakela nun wo ma tɛmuɛ min tɔ, a ma ma da tɔ kuma tun de la. Mɔ be a maren dɛnkɛnɛya sabatireŋɛ yati le la, Ala Hakkili saniyandeŋɛ tugun ka sɛnbɛ dii mɔ la kibaru ɲinma kawandi koe ma. Mɔ be wo ɲaama tɛmuɛ min tɔ nun, wo ka a lɔn yati mɔ be tagamanna nun ki min na wo la ko la.

Kiilanu 17:17

Wo butɔ, a tota tagala kawandi ma boŋɛ tɔ, a nun Yahudenu nun Ala ɲalakilan mɔgɛnu be kuma masabaala ɲɔgɔn tɛma ɲɔ; a mɛn be tagala makite tɔ lun go lun, a be minnu taranna ɲɔ, a nun wonu tugun be kumala.

Kiilanu 14:3

Hali wo bɛ to mata, Pɔlu nun Baranabasi ka tɛmu yanfama le ma ɲɔ. Anu be yigi saren Marige ma, anu be kumala limaniya la. Marige be kabanakoenu nun misalenu mala anu sabu la, wo butɔ, anu be kuma min nakela a la hinnɛnteya la ko tɔ, Marige be wo kuma seedeɲɔgɔya bɔɔla ɲɔgɔnna le.

Kiilanu 5:41

Kiilanu to bɔɔta Yahude kuntigenu la mamadɛŋɛ tɔ, anu juse diyata anu ye, bayi Ala ka ande le masubɛ, anu ni tɔɔrɔ Isa tɔgɛ la ko la.

Kiilanu 4:31

Anu to ka Ala mataraŋɛ ban, anu be madɛnden dula min tɔ, ɲɔ sɛrɛnta. Hakkili saniyandeŋɛ ka sɛnbɛ dii anu bɛ ma, anu fɔlɔta Ala la kuma fɔla limaniya la.

Kiilanu 4:20

Mɔle kan ka koe minnu yen, mɔ ka anu mɔɛ, a fɛrɛ bele fɔ mɔ ni wonu fɔ tekku.»

Kiilanu 19:8

Wo tanbi kɔma, kari saba kɔtɔ, Pɔlu ni kɛnɛ donna Yahudenu kawandi ma boŋɛ butɔ, a be kumala limaniya la. Wo butɔ, a tota Ala la mansabaya la ko ɲatabɔla anu ye, a be katala a ni mɔgɛnu manɔ minnu be anu tolomasɔren a la.

Kiilanu 16:12

Mɔ bɔɔta ɲɔ, mɔ tagata Filipi, Masedoni duge saa fɔlɛ tɔ; Rɔmu kaanu la sariya be sabatiren ɲɔ. Mɔ ka wagati do latanbi wo saa tɔ.

Kiilanu 14:5

Wo butɔ, Yahudenu anun anu la kuntigenu anun sii gbɛtɛ mɔgɛnu bɛnta a ma anu ni ko koroŋɛ ma Pɔlu nun Baranabasi la, anu ni anu mabun ka anu faga.

Kiilanu 16:19

Awa, ale muse marigenu to ka a yen anu te nɔ tɔnɔ sɔtɔla a fɛ bitugun, anu ka Pɔlu nun Silasi bita, anu ka anu sabaa ka anu nati saa mansanu ɲakɔtɔ saa tɛma.

Kiilanu 17:1

Wo kɔma, Pɔlu nun Silasi ka Anfipoli saa nun Apoloni saa matagaman, anu mɛn tagata don Tesaloniki saa butɔ. Yahudenu la kawandi ma boŋɛ do be ɲɔ.