1 Piyɛri 2:24 - Ala la kitabuenu Mɔgɔfin kuma tɔ

²⁴ Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.

1 Piyɛri 2:24 Referans Kwoze

Yaguba 5:16

Awa, wo ni wo la junubenu fɔ ɲɔgɔn ye, wo ni Ala mataran ɲɔgɔn ye, alako wo ni kendeya. Telenbaga be Ala mataraŋɛ min mala, wo Ala mataraŋɛ la wale sɛnbɛ kolo.

Yaya 1:29

Wo tabantaka, Yaya ka Isa yen nala a ma, a ka a fɔ mɔgɛnu ye: «Wo a fɛlɛ, Ala la saaka kontoŋɛ le ka! min be dunuya junube jiganna a ni taga a fɛ.

Kiilanu 5:30

Wo mɔ benbanu la Ala ka Isa lawuli, wo ka min banban lɔgɛ tɔ, ka a nɛ bɔɔ.

Luki 4:18

Marige Alatala Hakkili saniyandeŋɛ be n fɛ, bayi a ka n masubɛ kibaru ɲinma lake koe la tɔɔrɔbaganu ma. A bata n sɔ kiilaya la, n ni a fɔ bolo tɔ mɔgɛnu ye anu si kunka. N ni a fɔ ɲabɔnɛnu ye anu ɲa si laka. Nɔɛ be saren minnu ma n ni a fɔ wonu ye anu si hɔrɔya.

Kiilanu 13:29

Sɛbɛre ka min bɛ fɔ a la ko tɔ, anu ka wo lakamali wagate min tɔ, anu ka a fure bɔɔ lɔgɛ tɔ, anu ka a lajigi, anu ka a sa gabure tɔ.

Kiilanu 10:35

kɔnɔ mɔgɔ yo min be kilanden Ala la, a be ko telendeŋɛ mala, a mata sii yo la, Ala si wo tigi kanu le.

Kiilanu 10:39

A ka koe min bɛ ma Yahudenu la jamanɛ tɔ han ka ke Darisalamu saa butɔ, mɔle mu wonu bɛ seede la. Ɲɔ le, anu ka a banban lɔgɛ tɔ ka a faga,

Lewi bɔnsɛnu la sariya 16:22

Wo sikule be junube bɛ donila a kunma janfue tɔ, a bolokata ka min na.

Hɔrɔya 28:38

Awa, a be tola Harona tindɛ kunma le. Wo tɛmuɛ, a si nɔ le junube kote jiganna bani Isirayila kaanu be min mala anu la sarika diidula nde Alatala ma. Wo wala lanma si to le a tindɛ ma tɛmuɛ bɛ, alako nde Alatala ni anu la sarika bɔɔreŋɛnu jigan.

Yaya 19:1

Wo kɔma, Pilati ka yamɔre dii a la sɔɔrenu ni Isa jigan ka a botege lonba la. Anu ka wo ma.

Lewi bɔnsɛnu la sariya 22:9

Sarika lakelá ni n na yamɔrenu labatu anu la dɔmɛ la ko la, alako anu kana junube sɔtɔ, anu ni faga. Nde le mu Alatala la, min be anu kɛrɛkɛrɛla.

Filipi 1:11

Wo lun, wo si a taran, Isa Ala mɔgɔ masubɛreŋɛ ka wo juse lafa ko matelendeŋɛnu la, alako Ala ni biliya sɔtɔ, a ni matɔgɔ.

Ko fɔlɔfɔlɛ 22:6

Iburahima ka sarika bintan lɔgɛ sigi a la den kayireŋɛ Isiyaka kunma, a ka a la mure jigan anun ta kenbue. Anu fila bɛ tagata ɲɔgɔn na.