Mark 10:47 - Te Gongo Gaoi

⁴⁷ Te gholoba na haka gongo ai o na'a eia ko Jesus te pegea mai Nazareth, ma te haka tu'u ngege, “Jesus, te Hosa o David, 'agoha mai kia te au.”

Mark 10:47 Referans Kwoze

Mark 1:24

o hai atu, “Jesus mai Nazareth, niaa te siahai kinai Koe ia te kimatou? Ko Koe e a'u ke taa ia te kimatou? E na'a eau ia te Koe: Te Pegea Tapu o te 'Aitu!”

Matthew 9:27

Nimaa hano 'aatea a Jesus i te kungaa, te toka gua taangata kikibi noko tata'o ia Jesus, o ngengege atu, “Ko Koe, te Hosa o David, 'agoha mai ia te kimaaua!”

John 7:52

Ko kigatou na haka tau o hai atu kinai, “ 'Ai ko koe ma'u te pegea mai Galilee? Haka sahe atu na Kanukanu Tapu o na'a ai e koe, e si'ai he taauga ke a'u mai Galilee.”

Matthew 26:71

Ma te hano a Peter ki te aga o te hage, ka noko ina ma'u kinai tegaa hahine, o hai atu ki na pegea noko i te kungaa, “Te pegea nei noko manga haka pata ma'u kia Jesus mai Nazareth.”

Matthew 15:22

Ka noko iai te hahine 'aatea mai Canaan noko manga kakai i te kungaa, na hinake o ngege atu kia te Ia, “Hakahua, ko koe te Hosa o David, 'agoha mai kia te au. Taku tama 'ahine e hu'ai higosia i tena uguhia 'anga.”

John 19:19

Ko Pilate noko hai tena kanukanu 'anga o tuku i 'agunga ia Jesus. Konei na me'a noko kanukanu, “Ko Jesus mai Nazareth, te Hakahua o na Jew.”

John 7:41

Ka noko hai atu kogaa, “Ko Ia te 'Agiki Taga'ia.” Ka kogaa pegea noko manga hai atu, “Te 'Agiki Taga'ia ka he'e a'u i Galilee!

John 1:46

Ma te hakaanu atu a Nathaniel, “Nazareth! Te kunga na ma 'aonga te sopo mai ai he hai 'anga gaoi?!” Ma te hai atu kinai a Philip, “Manga a'u o ina kinai.”

Luke 4:16

Ka na hano a Jesus ki Nazareth, te kunga noko haka tu'u ngasogo ai Ia. Nimaa te 'ao oki oki, ko Ia noko hano ki te Hage hai paaunga, iteme'agaa tena toonginga. Ko Jesus noko tu'u ke haka sahe.

Matthew 21:11

Ka te 'apitanga noko tata'o ai noko haka tau o hai atu, “Ko Jesus tenei, te taauga mai Nazareth i Galilee!”

Matthew 21:9

Te 'apitanga noko mumu'a kogaa kae mumugi kogaa ia Jesus, o manga ngengege ngatahi o hai ake, “Te haka e'eha kia te Hosa o David! Te haka gaoinga kia te Ia e a'u i te ingoa o te 'Aitu! Te haka e'eha kia te 'Aitu Ma'u 'agunga.”

Matthew 20:30

Ka noko iai te toka gua taangata kikibi, noko manga noho 'aki i te taha aga. Nimaa haka gongo kigaaua ko Jesus e sigi, ko kigaaua na ngengege, “Hakahua, te Hosa o David, 'agoha mai kia te kimaaua.”

Matthew 12:23

Te 'apitanga na hu'ai he tu'ia 'aki ai, o konei agatou gegea, “Mano tenei te Hosa o David?”

Matthew 2:23

Koia na hano o noho i te manaha i Nazareth. Te hai 'anga nei na haka maa'ogi ai nia noko gegea ai na taauga: “Ko Ia e hai ke go haka ingoa 'ia te tangata mai Nazareth.”

Matthew 1:1

Tenei te hanohano o Jesus Christ, te makupuna o te hakahua ia David, te makupuna o Abraham: