Luke 13:4 - Te Gongo Gaoi

⁴ Po te tino anga hugu tuma'a e bagu noko mamate i te 'aso noko too ai te taoa i Siloam o ta'ota'o ia te kigatou? E tegeu'a ake koutou ko kigatou na pegea noko hu'ai maase'i o sigi i gaa pegea manga noho 'aki i Jerusalem?

Luke 13:4 Referans Kwoze

John 9:11

Koia noko haka tau atu, “Te tangata e mate e kigatou ko Jesus, te natu e Ia na kege o hugu ai oku mata, kae kaunaki e Ia kau hano o huhu'i oku mata i te bai i Siloam. Nimaa hano au o huhu'i, ma te ina ai au.”

John 9:7

Ma te hai atu kia te ia, “Hinatu o huhu'i ou mata i te bai i Siloam.” (Te ingoa nei e haka gaataki: Te Haka to'o). Ka te tangata na hano o huhu'i na mata, nimaa hokimai kua ina.

Matthew 18:24

Te gholoba noko hai ke haka tu'u ai te haka tino gaoi 'anga, kae kakabe ake 'ia kinai te tangata noko kaone eia te noa (1,000) mane.

Matthew 6:12

Haka noka mai kia te kimatou ni hai 'anga songo hai e kimatou, ke noho pe na haka noka hai 'anga a matou ki na pegea hai 'oosongo kia te kimatou.

Luke 11:4

Haka noka mai omatou 'oosongo, na'e ko kimatou manga haka noka ma'u ki na pegea e hai agatou hai 'anga songo kia te kimatou.’ Ma te noka te tuku ia te kimatou ki ni pakenga.”

Luke 13:3

Ko Au e hai atu kia te koutou, Si'ai! Koutou ma'u, nimaa he'e he keu 'aki giu mai i outou 'oosongo, koutou e hai ke go mamate ma'u.

Luke 13:5

Ko Au e hai atu kia te koutou, Si'ai! Koutou ma'u nimaa he'e he keu 'aki giu mai i outou 'oosongo, koutou e hai ke go mamate ma'u.”