John 13:18 - Te Gongo Gaoi

¹⁸ “Ko Au e he'e gea kia te koutou ngatahi, e na'a e Au oku pegea noko ligo, ka te hai 'anga ke haka maa'ogi ai na Kanukanu Tapu, noko hai ake: ‘Te pegea manga kai 'aabaki i aku utunga, e hai ke go taka hugi o haka makau ia te Au.’

John 13:18 Referans Kwoze

Matthew 26:23

Ma te haka tau atu a Jesus, “Te pegea kua gogomi te gima ki te besini ma to 'Oku, tenaa ia kago haka soko e ia ia te Au.

John 17:12

Na 'aso e haka pata ai Au kia te kigatou, e ge'o e Au ia te kigatou i tou ingoa noko haiga'a kia te Au. E si'ai he launatasi ia te kigatou kua hano 'aatea, ka manga te pegea noko haka pau ke go he'e kitea, ke haka maa'ogi ai na Kanukanu Tapu.

Mark 14:20

Ma te haka tau atu a Jesus, “Koia te launatasi i te katoa tuma'a e gua pegea, manga baa mene a maua momo bred ki te supu e i-te peleti e tasi.

John 13:26

Ma te haka tau kinai a Jesus o hai atu, “Tegaa te pegea te hai kau gogomi 'ia te potu bred nei i te besin o 'abange kinai.” Ma te sa'u e Ia te potu bred o gogomi kae 'abange kia Judas Iscariot, te hosa o Simon.

John 6:70

Ma te haka tau a Jesus o hai atu, “Te katoa tuma'a e gua o 'outou noko hakapupugu e Au, ka e iai te launatasi ia te koutou te 'atua!”

John 15:19

Koutou poi na pegea o gago nei, ko kigatou kua ma'ine kia te koutou ke noho pe agatou ma'ine 'anga ki ogatou pegea. Ka koutou na ligo e Au ke haka maabae mai i na pegea o gago nei, tenei te hai 'anga kago gotoa'a ai na pegea o gago nei kia te koutou.

John 15:16

Koutou noko he'e ligo ia te Au, ka ko Au te noko ligo e Au ia te koutou, o tuku ke boo ke tau hua. Na hua e hai ke go noho goa, ka ke go haiga'a ai e Tamau kia te koutou, nia kago haka ene 'aki ai koutou kia te Ia i toku ingoa.

Matthew 10:36

Na makau o te pegea kago hai i na 'atima'ogi o'ona.

John 21:17

Nimaa gea haka togu a Jesus o hai atu kia Peter, “Simon, te hosa o John, ko koe e ma'ine kia te Au?” Ko Peter na haka gongo songo i te noko gea haka togu kinai a Jesus, “Ko koe e ma'ine kia te Au?” Ma te hai atu ia kia Jesus, “Hakahua, manga na'a e Koe ba'i hai 'anga. E na'a e Koe, koau e ma'ine kia te Koe.” Ma te hai atu a Jesus kia Peter, “Ge'o atu aku sipisipi.

Matthew 26:21

Nimaa i te gholoba noko manga kai ai kigatou, hai atu Ia, “Ko Au e gea maa'ogi kia te koutou: E iai te launatasi ia te koutou ka haka soko e ia ia te Au.”

Mark 14:17

Nimaa ahiahi, kae hetae mai a Jesus ma tona katoa tuma'a e gua pegea.

Mark 14:18

Te gholoba noko manga koi noho 'aki ai kigatou i te kaupea o kai, ko Jesus noko hai atu, “Ko Au e gea maa'ogi kia te koutou: E iai te pegea ia te koutou ka haka soko eia ia te Au. Koia manga kai haka pata kia te Au.”

Luke 22:21

Ka te pegea kago haka soko eia ia te Au manga haka pata kia te Au i te kunga e kai nei.

John 13:21

Mugi i te gea 'anga a Jesus i te hai 'anga nei, ko Ia na hu'ai haka gongo songo, ma te hogahoga haka tinogaoi e Ia, “Ko Au e gea maa'ogi kia te koutou: E iai te launatasi ia te koutou, e hai ke haka soko eia ia te Au.”

John 13:22

Ona pegea haka ako na he hiina'i 'aki, iteme'agaa noko he'e na'a po koai te gea kinai.

John 15:25

Ka te hai 'anga nei manga hai ke haka maa'ogi ai nia na 'oti i te kanukanu ki agatou tagangonga: ‘Ko kigatou manga muna o gotoa'a kia te Au.’

John 18:32

Te hai 'anga nei noko hai o haka maa'ogi ai na gea 'anga a Jesus, noko haka maahoga ai e Ia, poe hai ke go kohea ana mate.

John 19:24

Ko kigatou na hai ake, “Kitatou noka te lagilagi 'ia, ka kitatou manga ligo 'ia i te babage 'anga i na daes ke kite ai po koai e hai ke hai mo'ona.” Te hai 'anga nei noko hai o haka maa'ogi ai na Kanukanu Tapu, noko hai ake: “E hai kigatou go tuhatuha 'ia oku ake, kae tuku toku ake ki goto ke babage kinai.” Ka na konei na hai ena solodia.

John 19:36

Na hai 'anga nei noko hai o haka maa'ogi ai na Kanukanu Tapu: “Kago si'ai he launatasi i na ibi o'ona ke totohi.”