Yoane 9:4 - Mɨkan wu Fi

⁴ Mbáʼ bɨgɨnə bvurɨnɨ ntsi nəzhwɨgɨnɨ lá, bɨgɨnə tsi nɨ ɨ zagɨ faʼnə afaʼ a ŋwɔn wa a tságɨ́nɨ́ aghə; ɨtfúʼ ɨ fɨ́ŋə́ ngyíŋə́ mbáʼ ŋwɔn a chinɨ keʼ bə faʼə.

Yoane 9:4 Referans Kwoze

Yoane 12:35

Yeso a chwɨ́gɨ́ a mbó bo ngə́, “Nkaʼ mɨ bə bvurɨ tsi a tɨtərɨ bən a nye məbaŋtɨ wu sa ghe. A nɨ ndzɔ̌ŋ ndómnji ɨwən mbáʼ nkaʼ ɨ bvurɨnɨ ntsi, taŋ á ndzumnɨ keʼ yen nkubɨnɨ awən; mbɨ́ʼ ngə́ ŋwɔn wa a yenə a mu ndzumnɨ ka a zhi ayi ndóm wa a ghɛnə ɨwu ə.

Ɛfɛso 5:16

Abárɨ́ atsum za nɨ tsinɨ nɨ zɛrə, á nɨ ghɨ ɨbɔŋ, mbɨ́ʼ ngə́ njwi tsiŋ nɨ njwi tsa ɨnu tsɨ tɔmnɨnɨ ghaʼnə.

Yoane 4:34

Yeso a sóŋ a mbó bo ngə́, “Mɨdzɨ ɨman a nɨ ngɨ anu za ŋwɔn wa a tságɨ́nɨ́ aghan a lɔnə abɔʼnɨ ɨ mɛtɨ afaʼ za a ghánɨ́ ngə́ á ma faʼə.

Galesha 6:10

Ma lan, nkfu tsum za bɨgɨnə tsinɨ nɨ abárɨ́, á bɨgɨnə ghɨ ɨbɔŋ a mbó ŋwɔn tsum, tɨ́sə́n tɨ́sə́n a mbó bə ngwəgɨ ɨzɨgɨnə a mu abeməntəm ə.

Yoane 17:4

Ma diʼnə nɨfáŋ ɨno atuəshe; ma mɛtɨnə ɨfaʼ wa o ghánɨ́ ngə́ á ma faʼə.

Kolose 4:5

A nɨ tsi nɨ zóŋ a nye ndóm wa nɨ ghɨnɨ mɨnu bɨŋ bɨ ɨbɛn ba bo se nɨŋ mɨntəm ɨma a nye Ŋwi, ɨ fáʼə nɨ abárɨ́ atsum za nɨ tsinɨ nɨ zɛrə a nye ndóm wu shiʼnɨ ə.

Yoane 5:36

Lá ma tsi nɨ atɛmə-ndzě a nkfu me wa a ghɛnɨ nɨ mbyi ntsa nkənu za Yoane a zhínɨ́ ɨ soŋə: ɨnu tsa ma ghɨnə, ɨ kɨ ghɨ a tsɛrə ɨ ghɛn mɛtɨ, lá be ngə́, ɨnu tsa Ta ɨghan a ghánɨ́ a mbó me a ngɨə, mətsen tsɨ ghamə a nkfu me, ndiʼə ngə́ Tarɨ a tságɨ́ aghə.

Yoane 10:32

Yeso a sóŋ a mbó bo ngə́, “Ma faʼnə ɨfaʼ tsə shiʼnɨ tsə ghaʼnɨ a ɨshi bən tsa Ta ɨghan a ghánɨ́ a mbó me a faʼə ghe; nɨ mɨ tumtɨ aghan nɨ mɨngɔʼ lá mbɨ́ʼ a zɨŋə afaʼ le?”

Yoane 10:37

Nɨ keʼ mɨntəm ɨmən a nye me nɨŋ mbáʼ be a be ngə́ ka ma ngɨə aghan ɨnu tsa Ta ɨghan a lɔnə ngə́ á ma ngɨə ghe.

Ɨfaʼ 4:20

Lá a mbó bɨgɨ, bɨgɨ mboŋ chi keʼ kyɛntɨ a ngamə mbɨ́ʼ anu za bɨgɨ zɛnə nkɨ ndzuʼə.”

Yoane 5:19

Yeso a chwɨ́gɨ́ a mbó bo ngə́, “Ma soŋ nkənu a mbó bɨŋ ə; Mɔn Mbáŋnɨ́ a chi keʼ anu zə tse nɨ atú azhi ghɨə; a ghɨə tsɛʼ anu za a zɛ́nə́ Ta ɨyi a ghɨnə ghe. Anu za Tarɨ a ghɨnə, Mɔn Mbáŋnɨ́ a kə́ ngɨə ghe.

Yoane 7:33

Yeso a sóŋ ngə́, “Ma mɨ tsi bɨgɨnə a nye məbaŋtɨ, ɨ zɔŋtɨ ɨ lo ɨ ghɛn a mbó zɨ wa a tságɨ́nɨ́ aghə.

Matyo 20:7

Bo sóŋ a mbó zɨ ngə́, ‹Mbɨ́ʼ ngə́ ka ŋwɔn tsɛrə a lɔgɨ ayi awɨgɨ afaʼ ə.› Mboŋ njwuʼ wa a tíʼ sóŋ a mbó bo ngə́, ‹Nɨ kɨ ngɛn ɨ faʼ a mu ako atɨ a mɨntam mɨ nyɛtɨ mɨluʼ za.›

Marɨkusɨ 3:3

A tíʼ sóŋ a mbó ŋwɔn akfo abó wa ngə́, “Yen ɨghə”.