Yoane 8:9 - Mɨkan wu Fi

⁹ Mbáʼ bo zúʼnɨ́ a məzen lá, bo shɛ́mnɨ́, ɨ mɔ́ʼɔ́ mɔ́ʼɔ́, mbiʼnɨ a nye ndəmə a tɨtərɨ bo bɨtsum ə. Yeso a tíʼ ngɔ́ŋ adiʼ wa zɨzɨ nɨ mangye wa a tɛm wə mbyi ɛ.

Yoane 8:9 Referans Kwoze

Roma 2:15

Mbɔm məzen ɨ diʼ ngə́ anu za Nyɔngɔŋ wa a sóŋnə́ a tsi a mu alɛm aza ghe. Mɨntəm ɨma kə́ ntíʼə ndiʼə ngə́ məzen a nɨ nkənu, mbáʼ nkfu tsɨ mɔʼɔ mɨntəm ɨma ghɨnə ngə́ á bo zhi ngə́ bo ghɨ ɨbvu ə; nkfu tsɨ mɔʼɔ mɨntəm ɨma diʼ a mbó bo ngə́ ɨnu tsa bo ghɨnɨ tsɨ kuʼnɨ ə.

1 Yoane 3:20

Be mɨntəm ɨmɨgɨnə soŋ ngə́ bɨgɨnə vwo ɨsáʼ, bɨgɨnə zhi ngə́ Ŋwi a ghaʼ ntsa mɨntəm ɨmɨgɨnə, nkɨ nji ɨnu ɨtsum ə.

Roma 2:22

Gho wa o sóŋnə́ ngə́ á bɨ keʼ nchwúrə́, o nchwurə le? Gho wa o lanɨ mban ɨbɔ bɨ abe tsɛʼ nkan, o bɛ́ʼə mɨshim ma bɨ lɛnɨ ɨbɔ bɨ abe ɨwu le?

Yoane 8:10

Yeso a bíʼtɨ́ ayi, mbitɨ wəmbo ngə́, “Mangye, bo me? Njingə tsɛʼ táʼ ŋwɔn a se tsi ɨghan a sóŋə́ ngə́ o vwo ɨsáʼ le?”

Yoane 8:12

Yeso a bə́ nkwiʼ ngám a mbó bə Farisao ngə́, “Ma nɨ nkaʼ wu atuəshe ə. Ŋwɔn tsum wa a zɔŋnɨ aghan, a mɨ tsi nɨ nkaʼ ntsi ntən, ɨ láʼ keʼ a mu ndzumnɨ yiŋə.”

Alukasɨ 13:17

Achwɨgə zen a nɨ́ŋ adɨrətú a nye ngaŋ kɨban ɨchi ɛ, lá abvuʼ a ɨbɛn a tíʼə ndórɨ́kə́ mbɨ́ʼ ɨnu tsɨ tsanɨnɨ tsa a ghɨ́nə́.

Yoane 8:2

A tənjwi a nye njwi za ɨ zɔ́ŋtɨ́nɨ́, Yeso a bə́n nɨ ndzum ngɛn a Ndáŋwi zɨ Ngwi ə. Ɨbɛn bɨtsum yén wəmbo, ɨ shiʼtɨ ntsi nkarɨsɨ ayi, a shiʼtɨ ntsi a ɨshe ntiʼ mbiʼnɨ ndǐʼ bo ghe.

Yoane 8:3

Bɨdiʼ bɨ Nyɔngɔŋ bo bɨ bə Farisao tíntɨ́ a mangye ngyen nɨ wɛrə wa bɨ kónɨ́ afɔn achwurɨ, ntɛgɨ ayi a ɨshi bo bɨtsum ə.

Yoane 8:8

Yeso a bə́ nkwiʼ nkfúʼnɨ́ ɨ ŋwaʼnɨ nɨ shwi abó ɨyi a tɨshe.