Tsɛʼ a nkənu, tsɛʼ a nkənu, ma soŋ a mbó bɨŋ ə, ŋwɔn wa a zúʼnə́ nɨgham ɨnan, ntiʼ nkɨ nɨŋ ntəm ɨyi a nye zɨ wa a tságɨ́nɨ́ aghan a tsi nɨ ntsi ntən nɨnkoŋ ə; bɨ mɨ keʼ ayi bə sáʼə; a binə ntsa a ntsu nɨvwo, nkon a mu ntsi ntɨŋ ə.
Waʼtɨnə anu za ma sóŋnɨ́ a mbó bɨŋ ə: ‹Ka ɨbuʼ be awa ɨbɛn bə wi ntsatɨ a tabuʼ ɨwa ghe.› Be a be ngə́ ɨbɛn dɨ́gɨ́ aghan, bɨ ghɨ kɨ dɨgɨ awɨŋ ə; be a be ngə́ bo zúʼnɨ́ ɨnu tsa ma díʼnɨ́, bo ghɨ kɨ zuʼnɨ ɨtsɨŋ ə.
A ndzum abeməntəm, bɨ lɔ́gɨ́ a Ɛnɔkɨ nkɔ́ʼ nɨ wɛrə a fɔməbvurə taŋ á keʼ nɨvwo ze. Bɨ sé ayi zɛn mbɨ́ʼ ngə́ Ŋwi a lɔ́gɨ́ ayi ɛ. Aŋwaʼnɨ a Ŋwi a soŋ ngə́ bɔŋ á bɨ ndɔgə a Ɛnɔkɨ, wɛrə a ghɨ́nə ɨnye Ŋwi bɔŋə.
Nɨ láʼnə mbvurɨ ayi tɨ zhyɛ, lá ma zhi ayi ɛ. Be ma soŋ ngə́, ka ma zhi aghə ayi, muŋ ma nɨ ŋwɔn ɨchwenu tso bɨŋ ə. Lá ma zhi ayi, nkə́ ndzúʼnɨ́ nɨgham ɨni ɛ.
Yeso a bə́ nkwiʼ ngám a mbó bə Farisao ngə́, “Ma nɨ nkaʼ wu atuəshe ə. Ŋwɔn tsum wa a zɔŋnɨ aghan, a mɨ tsi nɨ nkaʼ ntsi ntən, ɨ láʼ keʼ a mu ndzumnɨ yiŋə.”
Bə Yuda sóŋ ngə́, “Tɨtsɔŋnɨ bɨgɨ zhi ɨ shiʼnɨ ngə́ o tsi nɨ dzɨŋ ə! Abraʼm a kfó, ntóm Ŋwi kɨ nkfokə; lá o soŋ ngə́ ŋwɔn tsum wa a zúʼnɨ́nɨ́ ɨnu tsa o diʼnə a láʼ keʼ kfoə.
Yeso a chwɨ́gɨ́ wəmbo ngə́, “Ŋwɔn tsum wa a kɔŋnɨ aghan, a mɨ zuʼnɨnə ɨnu tsa ma diʼnə ghe. Ta ɨghan a mɨ kɔŋ ayi, á bɨgɨ Ta ɨghə ghɨ ngyen wəmbo, ntsi bɨgɨ bo ghe.
Lá bɨgɨnə zě a Yeso, zɨ wa bɨ ghɨ́nɨ́ a tsi a shwúrɨ́ bɨtsen bɨ ndá bɨ Ŋwi a nye məkum a nkfu; taŋ a ntsǎ a ndzum abɔŋəntəm a Ŋwi a nye ɨbɛn, á wɛrə a ze ngɨ́ʼ nkfo atú ŋwɔn tsum ə. Tɨtsɔŋnɨ, bɨgɨnə zě ayi a mu nɨfáŋ, ŋwɔn tsum a tiʼə nkɔʼsə ayi atɨ́ mbɨ́ʼ abə́ŋ a nɨvwo za wɛrə a kfónə́.