Yoane 8:12 - Mɨkan wu Fi

¹² Yeso a bə́ nkwiʼ ngám a mbó bə Farisao ngə́, “Ma nɨ nkaʼ wu atuəshe ə. Ŋwɔn tsum wa a zɔŋnɨ aghan, a mɨ tsi nɨ nkaʼ ntsi ntən, ɨ láʼ keʼ a mu ndzumnɨ yiŋə.”

Yoane 8:12 Referans Kwoze

Yoane 12:46

Ma yen atuəshe tso nkaʼ, taŋ ŋwɔn tsum wa a nɨŋnɨ ntəm ɨyi a nye me a mɨ keʼ ghɔŋ a mu ndzumnɨ ə.

Yoane 9:5

Adzaŋ za ma bvurɨnɨ ntsi atuəshe lá, ma nɨ nkaʼ a mbó atuəshe.”

Yoane 12:35

Yeso a chwɨ́gɨ́ a mbó bo ngə́, “Nkaʼ mɨ bə bvurɨ tsi a tɨtərɨ bən a nye məbaŋtɨ wu sa ghe. A nɨ ndzɔ̌ŋ ndómnji ɨwən mbáʼ nkaʼ ɨ bvurɨnɨ ntsi, taŋ á ndzumnɨ keʼ yen nkubɨnɨ awən; mbɨ́ʼ ngə́ ŋwɔn wa a yenə a mu ndzumnɨ ka a zhi ayi ndóm wa a ghɛnə ɨwu ə.

Matyo 5:14

Nɨ tsi lá tso nkaʼ a mu mbyi ɛ. Ntáʼmbagə wu wi wa bɨ korɨnɨ atú a ntáʼ chi keʼ lyɛmtə.

Yoane 3:19

Nə nɨ adzaŋ za Ŋwi a sáʼnɨ́ mbyi ɛ, lá be ngə́, nkaʼ ɨ yenə a mu mbyi, lá ɨbɛn kɔŋ ndzumnɨ ntsa nkaʼ, mbɨ́ʼ ngə́ ngɨnɨ mɨnu ɨma nɨ mə tɔmnɨnɨ ə.

2 Bita 2:4

Ŋwi a sé ghɨʼtɨ mbó ɨmyi a nye bɨtsen bɨ ndá bɨ Ŋwi ba bɨ ghɨ́nɨ́ mɨbvu, lá wɛrə a máʼ awa a mu ɨmugɨ nɨnkoŋ wa, adiʼ wa bɨ korɨnɨ awa nɨ mɨnkɨ ndɛn a mu ndzumnɨ, ntsǐŋ Njwi Nɨsáʼ ə.

Ɨfaʼ 13:47

Mbɨ́ʼ ngə́ ntɨgə za Maʼmbyí a ghanə a mbó bɨgɨ ɨ zɛnə ngə́: ‹Ma ghɨnə awən a nye nkaʼ a mbó ba a se bə Yuda be, taŋ á bɨ chi loŋ mbyi tsum ə.› ”

Ɨfaʼ 26:23

Wa bɨ Zɔ́ʼnɨ́ wa a mɨ zagɨ ze ngɨ́ʼ, ɨ be ntsambyi ŋwɔn a nzhwémnə́ a mbó nɨvwo taŋ ɨ chwítɨ́ nkən wen a mbó bə Yuda abɔʼnɨ ba a se bə Yuda be ngə́ bɨ chi loŋ awa, á məzen a be lá tso nkaʼ a mbó bo ghe.”

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yoane 7:17

Ŋwɔn tsum wa ntəm ɨyi kɔŋnɨ ngɨ anu za Ŋwi a lɔnə, a mɨ zhi ngə́ a lə anu za ma diʼnə a lo a mbó Ŋwi kə ma ghamə be nɨ mɨtən ɨmə.

Nkyɛʼə 21:24

Nkaʼ ntáʼmbagə wu wi mɨ kyɛʼtɨnɨ ɨlaʼ ɨtsum atuəshe á bo númə́ ngɨ̌ mɨnu ɨma ghe. Bɨfɔ bɨ atuəshe mɨ tiʼ kɨ yen nɨ afuʼ aza ɨwu ə.

Alukasɨ 2:32

Nkaʼ wa ɨ ghɨnɨ diʼ anu za Ŋwi a lɔnə a mbó ba a se bə Yuda be ɨ kɨ gha nɨfáŋ a mbó ɨbɛn ɨbo ba a nɨ bə Izrai lá.”

Judɨ 1:13

Bo be lá tso nkyiɛ yiŋənɛmə wu tən a mu sagɨrə wu ngwi, nɨ ɨnu adɨrətú ɨtsa tsa tsɨ kɔ́ʼnə́ tso mɨfuʼ ə. Bo be lá tso mɨndzɔŋ ma mɨ ghə́nkɨ́nə́, bo məba, ba Ŋwi a lɛnə adiʼ a mbó bo nɨnkoŋ a mu adiʼ a ndzumnɨ za ɨ fɨ́ŋnə́ ntsa mbó lá.

2 Bita 2:17

Ɨbɛn məbiŋ tsi lá tso bɨnáŋə́bə́rə ba bɨ zomnkɨnə, tso mbaʼ za kɨfɛrə wu ntən a tíŋnə́ ngěn nɨ zɛrə; Ŋwi a lɛnə adiʼ a mbó bo a mu ndzumnɨ za ɨ fɨ́ŋnə́ ntsa mbó ə.

Judɨ 1:6

Waʼtɨnə bɨtsen bɨ ndá bɨ Ŋwi ba bɨ sé ghɔŋ a mu ɨfɨʼ za mɨtən ɨma kɔʼnɨ nkuʼ ɨwu, lá mbaŋnɨ nyɛʼ adiʼ a nchyɛ aza lá: bɨ korɨ awa nɨ mɨnkɨ mɨ atɨŋə mə nɨnkoŋ a mu ndzumnɨ za ɨ tsinɨ a mbyishe, adiʼ wa Ŋwi a lɛnɨ awa ɨwu ntsǐŋ Njwi zɨ ngwi za bɨ ghɨnɨ sáʼ awa ɨ sóŋ ngə́ bo vwo ɨsáʼ lá.

Yoane 12:36

A nɨ tíʼ lá nɨŋ mɨntəm ɨmən a nye ŋwɔn wa a ghánɨ́ nkaʼ, mbáʼ a bvurɨnɨ ntsi bɨŋ bo, taŋ ɨ be ɨbɛn ba bɨ tsinɨ a mu nkaʼ ə.” Yeso a ghɨnə mɛ́tɨ́ a sóŋ məzen lá, ndo ɨ fu ayi ngɛn ndyɛmtɨ taŋ á bo keʼ ayi ze.

1 Yoane 1:6

Be a be ngə́ bɨgɨ tiʼ soŋ ngə́ bɨgɨ dzɨ́nə́ bɨgɨ bɨ wɛrə, lá, tsɛʼ a nyom məwa ntsi a mu ndzumnɨ, bɨgɨ chwě lá ɨnu a nye mɨgham ɨmɨgɨ abɔʼnɨ ngɨnɨ mɨnu ɨmɨgɨ ə.