Yoane 7:16 - Mɨkan wu Fi

¹⁶ Yeso a chwɨ́gɨ́ ngə́, “Anu za ma diʼnə lá, a se azan be, a lo be a mbó Ŋwi, zɨ wa a tságɨ́nɨ́ aghə.

Yoane 7:16 Referans Kwoze

Yoane 14:24

Ŋwɔn tsum wa ka a kɔŋ ayi aghan, ka a ndzúʼnə́ ayi ɨnu tsa ma diʼnə ghe. Ɨnu tsa nɨ zuʼnɨ ma diʼ ka ɨ be ayi ɨtsə, tsɨ lo lá a mbó Tarɨ, zɨ wa a tságɨ́nɨ́ aghə.

Yoane 14:10

Firɨbɔ, o so ntəm ɨgho ɨwu nɨŋ, ngə́ ma tsi a mu ɨnye Tarɨ, Tarɨ a kɨ ntsi a mu ɨnye me le?” Yeso a sóŋ a mbó bɨyɛʼ ɨbyi ngə́, “Mɨgham ma ma ghamnə a mbó bən lá, ka mɨ lo awa lá a mbó me ghe. Tarɨ, zɨ wa a tsínə́ a mu ɨnye me, a fǎʼ ɨfaʼ ɨyi ɛ.

Yoane 17:8

Ma ghá nkən wa o ghánɨ́ a mbó me a mbó bo, bo kɨ nkwarɨ a wɛrə; bo zhi ngə́ a nɨ nkənu ngə́ ma ló lá a mbó gho, bo kɨ nɨŋ mɨntəm ɨma ɨwu ngə́ o tságɨ́ aghə.

Yoane 5:30

“Ma chi kaʼ ghɨ anu zə tse be nɨ mɨtən ɨmə; ma sáʼə tsɛʼ adzaŋ za Ŋwi a soŋnɨ a mbó me, ma lan, nɨsáʼ ɨnan nɨ tɛmnɨ, mbɨ́ʼ ngə́ ka ma njwə́ŋtə́ aghan be a ngɨ za ma lɔnə, lá ma ghɨə tsɛʼ za zɨ wa a tságɨ́nɨ́ aghan a lɔnə ghe.

Yoane 17:14

Ma ghá nkən ɨgho a mbó bo, ɨbɛn bɨ atuəshe tiʼ mban awa, mbɨ́ʼ ngə́ bo se bə atuəshe be, ndəŋndəŋ adzaŋ za ma sa wu atuəshe be lá.

Yoane 8:28

Ma lan, Yeso a tíʼ sóŋ a mbó bo ngə́, “Nkfu za nɨ ghɨnɨ kɔ́ʼsɨ́ a Mɔn Ŋwɔn atɨ́, nɨ mɨ zhi ngə́ ‹Ma nɨ Wɛrə wa ma nɨ Wɛrə›; ɨ kɨ zhi ngə́ ka ma ngɨə aghan anu zə tsɛrə nɨ ɨmə mɨtən, lá ɨ sóŋə́ tsɛʼ za Tarɨ a tɨ́gɨ́tɨ́nɨ́ aghan a ngamə ghe.

Yoane 3:11

Tsɛʼ a nkənu, tsɛʼ a nkənu, ma soŋ a mbó gho ghe: bɨgɨ ghamə lá a za bɨgɨ zhinə, nkə́ sóŋə́ lá a za bɨgɨ tsinɨ ɨwu nkɨ ndzɛn; lá nɨ keʼ mbémə́ a za bɨgɨ sóŋnə́ a mbó bɨŋ ə.

Yoane 6:44

Ka ŋwɔn tse a chi yen ayi a mbó me tɨgha Tarɨ, zɨ wa a tságɨ́nɨ́ aghan a shwuŋtɨ ayi a ɨnye me; á ma tiʼ nzhwemnɨ ayi a tsi ntən a ntsɨrɨ ndzum njwi ɛ.

Yoane 3:31

Zɨ wa a lonɨ atɨ́ a tsi atú atsum ə. Zɨ wa a lonɨ atuəshe a tsi lá a mbó atuəshe, nkə́ ngǎm ɨnu atuəshe. Lá zɨ wa a lonɨ a fɔməbvurə a tsi atú atsum ə.

Nkyɛʼə 1:1

Aŋwaʼnɨ zen a lá aŋwaʼnɨ za bɨ ŋwaʼnɨnɨ ɨnu tsa Yeso Kristo a Kyɛ́ʼnɨ́ wə mu ə. Ŋwi a ghá nkyɛʼə məzen wəmbo lá taŋ ɨ kyɛʼ a mbó ɨbɛn ba bɨ zɔŋnə ayi ɨnu tsa tsɨ mɨ zagɨ fu mbáʼ abaŋ a se bə satə. Kristo a fɨ́ʼtɨ́ ɨnu mətsen a mbó ngaŋ afaʼ ɨzhi Yoane ntsa lá a ndzum ntsagɨ ntsendá ɨzhi a mbó zɨ,

2 Yoane 1:9

Ŋwɔn tsum wa mbáʼ a se ghɔŋ a mu za Kristo a díʼnɨ́, lá ntsa fəŋ a zɛrə, ka a tsi ayi nɨ Ŋwi ə. Ŋwɔn tsum wa a ghɔŋnɨ a mu ndiʼə zɨ Kristo, a tsi a mbúm bo Tarɨ nɨ Mɔn ə.