Yoane 6:2 - Mɨkan wu Fi

² Ɨnɔ ɨbɛn wu wi zɔ́ŋ ayi, mbɨ́ʼ ngə́ bo zɛ́nə ɨnu tsɨ yerɨnɨ-yerɨnɨ tsa a ghɨ́nɨ́ a ntsúʼ ɨbɛn ə.

Yoane 6:2 Referans Kwoze

Matyo 12:15

Mbáʼ Yeso a zúʼnɨ́ a mɨnaŋ wa bɨ kɨ́nə́ nkyáŋtə́ mbɨ́ʼ ayi lá, a ló ayi adiʼ wa; ɨnɔ ɨbɛn tiʼ ndzɔŋ ayi ɛ. Wɛrə a tsúʼ ngaŋ mɨghɔ mɨtsum

Yoane 2:11

Yeso a ghɨ́ a ntsambyi anu zə yerɨnɨ-yerɨnɨ zen lá a Kana a mu Galili; ɨwu wɛrə a kyɛ́ʼ nɨfáŋ ɨni, bɨyɛʼ ɨbyi tiʼ nɨŋ mɨntəm ɨma wə ɨnye ə.

Marɨkusɨ 6:33

Lá, ɨbɛn bə ghaʼnɨ ba bɨ zɛ́nɨ́ awa bo ghěnə, bo zhi ɨbɛn ba bo bénɨ́ bɛrə ghe. Bo tíʼə nkɨə nɨ mɨku, ndǒ a mu ntáʼmbagə ɨtsum, ngwasɨ ntsi adiʼ wa bɔŋ á bo tiʼə ngyíŋə́ ghe.

Matyo 14:14

Yeso a fú a mu abáŋ a nkyi za a ngə́rɨ́ sagɨrə wa, ndzɛn ɨnɔ ɨbɛn, mɨlɨŋnɨ ɨwa a lon wə ntəm, a tiʼ ntsuʼ a ba bɨ kɨ́nə́ ngǒ ghe.

Matyo 8:1

Mbáʼ Yeso a shíʼnɨ́ atú ntáʼ wa lá, ɨnɔ ɨnɔ ɨbɛn ɨ zɔ́ŋ ayi ɛ.

Matyo 13:2

Ɨnɔ ɨbɛn wa ɨ kárɨ́sɨ́nɨ́ ayi ɨ gháʼ be tɨ́sə́n adzaŋ za wɛrə tíʼnɨ́ nkón a mu abaŋ a nkyi ɨ shiʼtɨ ntsi ɨwu, ɨnɔ ɨbɛn wa tɛmnkɨ a ngə́rɨ́ ghe.

Marɨkusɨ 1:45

Lá a ghɛ́n ɨ númə́ ndáʼə anu za a fúnɨ́ nɨ ɨdiʼ ɨtsum ə. Ma lan, Yeso a kɨ chi keʼ bə nkon a mu ntáʼmbagə tse asaŋəsaŋ ə. Wɛrə a báŋnɨ́ ntsí a nye ɨdiʼ tsa ɨbɛn sé ɨwu ghaʼtɨ, lá ɨbɛn kə́ mbvúrə́ ngyíŋə́ wəmbo tsɛʼ yenɨ nɨdiʼ nɨdiʼ ə.

Yoane 2:23

Mbáʼ Yeso a bvúrɨ́nɨ́ ntsí a Yerosalɛm a nkfu nɨdorɨ nɨ Tsa-yɛʼnɨ na, bə ghaʼnɨ nɨ́ŋ mɨntəm ɨma wə ɨnye mbáʼ bo zɛ́nɨ́ ɨnu tsɨ yerɨnɨ-yerɨnɨ tsa a ghɨ́nə́.

Yoane 3:2

Ŋwɔn məwen a ghɛ́n a mbó Yeso nɨ ɨtfúʼ tse ɨ soŋ wəmbo ngə́, “Rabai, bɨgɨ zhi ngə́ o nɨ ndiʼ aŋwaʼnɨ wa a lonɨ a mbó Ŋwi; mbɨ́ʼ ngə́ ŋwɔn tsɛrə a chi keʼ ghɨ ɨnu tsɨ yerɨnɨ-yerɨnɨ tsen tsa o ghɨnə, tɨgha Ŋwi a tsi bo zɨə.”

Yoane 6:14

Mbáʼ ɨbɛn ba ɨwu a bɨ zɛ́nɨ́ anu zə yerɨnɨ-yerɨnɨ za Yeso a ghɨ́nɨ́ lá, bo sóŋ ngə́, “Tsɛʼ a nkənu, nə nɨ Ntom Ŋwi za ɨ tsínɨ́ ɨ ghɨ yen atuəshe lá!”

Yoane 6:22

Njwi zɨ mɔʼɔ ɨ lanə, ɨnɔ ɨbɛn wa ɨ tsínɨ́ a ndaŋ ndzɨŋə wa bo bɨ Yeso tsínɨ́ ɨwu lá zɛ́n ngə́ a tsí tsɛʼ táʼ abáŋ a nkyi ɨwu ə. Bo zhí ngə́ Yeso a sé kón a mu abáŋ a nkyi za bo bɨ bɨyɛʼ ɨbyi á bo bo ghen. Bo zhí ngə́ bɨyɛʼ bɨ Yeso nyɛ́ʼtɨ́ ayi a ndzum ə.

Yoane 6:26

Yeso a chwɨ́gɨ́ ngə́, “Tsɛʼ a nkənu ma soŋə awɨŋ ə: nɨ lǒ aghan lá mbɨ́ʼ ngə́ nɨ kɨ kfurɨ abán za nzhwurɨ ntiʼ ntsi nɨ atsum za nɨ kɨ chinə ndǒ, ka a be ayi be mbɨ́ʼ ngə́ nɨ kɨ zuʼ nkɨ nji ɨnu tsɨ yerɨnɨ-yerɨnɨ ɨtsan tsa.

Yoane 6:30

Bo chwɨ́gɨ́ ngə́, “O mɨ ghɨ lá a zɨŋ anu zə yerɨnɨ-yerɨnɨ taŋ á bɨgɨ chi zɛn ɨ tiʼ nɨŋ mɨntəm ɨmɨgɨ a nye gho le? O mɨ ghɨ lá ake le?

Yoane 11:47

Bɨntumshe bə wi abɔʼnɨ bə Farisao tíʼ mbomnkɨ bo bɨ Ngaŋ Sáʼ Abyɛn, ntiʼ soŋ ngə́, “Bɨgɨnə mɨ ghɨ lá ɨ nə́ le? Ze ɨnu tsɨ yerɨnɨ-yerɨnɨ tsa ŋwɔn wen a ghɨnə ghe!

Yoane 12:18

Lá nɨ anu za a ghɨ́nɨ́ ɨnɔ wa fu ngɛn mbom ayi ɛ — mbɨ́ʼ ngə́ bo zúʼ ngə́ a ghɨ́ anu zə yerɨnɨ-yerɨnɨ məziŋ ə.

Yoane 12:37

A báʼtɨ́ ngɨ ɨnu tsɨ yerɨnɨ-yerɨnɨ tsen a ɨnɔ ɨnɔ a ɨshi ɨmɨgɨ bo ɨ ghɨnɨ lá, bo bvúrɨ́ nkeʼ mɨntəm ɨma wə ɨnye nɨŋ,

Yoane 20:30

Yeso a ghɨ́ ɨnu tsɨ yerɨnɨ-yerɨnɨ tsə mɔʼɔ tsə ghaʼnɨ a ɨshi bɨyɛʼ ɨbyi tsa bɨ se a mu aŋwaʼnɨ zen ŋwaʼnə.