Yoane 5:44 - Mɨkan wu Fi

⁴⁴ Nɨ kɔŋ mbontɨ ɨtumbəm ɨtsən nɨ bən nɨ bɨŋ ə, lá nɨ se kɔŋ ngɨə ngə́ á ŋwɔn wa a nunɨ zɨzɨ, mbe Ŋwi a bontɨ awɨŋ ə; nɨ chi tiʼ nɨŋ mɨntəm ɨmən a nye me lá ɨ nə́ le?

Yoane 5:44 Referans Kwoze

Yoane 12:43

Bo kɔ́ŋ abemtɨ a ŋwɔn mɨsɔŋ ntsa abemtɨ a Ŋwi ə.

Roma 2:29

Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.

Filibi 2:3

A nɨ keʼ ghɨ anu zə tsɛrə a ntɛ́mə́ a mbyi ŋwɔn tsum taŋ á bɔŋ tsɛʼ a mbó bən kə a ndiʼ ɨnye, lá nɨ shíʼtə́ nɨ ɨnye ɨtsən a tɨshe a mbó ŋwɔn nɨ ŋwɔn, nkwáʼtə́ anu mbɨ́ʼ ɨbɛn bə mɔʼɔ a mbyi ntsa awɨŋ ə.

Matyo 23:5

Ngɨnɨ mɨnu ɨma mɨtsum tsi lá tsɛʼ ngə́ á ɨbɛn zɛn awa ghe. Nɨ ze ɨbobtɨ tsɨ sa mɨnkɨ tsa bɨ vwuŋnɨ anu a Ŋwi ɨwu, tsa tsɨ dzənkɨnɨ a nye mɨdzenɨ ɨma abɔʼnɨ mɨnkwe ɨma ghe. Nɨ ze adzaŋ za tsɨ fankɨnɨ ə! Nɨ kɨ ndze adzaŋ za mɨndzə́gɨ́rɨ́ mɨ ɨtsɛʼ tsa sakɨnə!

1 Bita 1:7

Njwəŋtə məzen tsi lá a ndiʼə ngə́ abeməntəm azən a nɨ ngótɨ́ zɛrə ghe. Tsɛʼ ŋwaʼŋwaʼ mbáʼ a nɨ azúm za bɨ chinɨ tsənkɨ, bɨ zhwə́ŋtə́ a wɛrə nɨ ɨmugɨ; ma lan, abeməntəm azən mbáʼ a nɨ azúm za a bɔŋnɨ ntsa a ŋwaʼŋwaʼ, bɨ tsi nɨ ɨ kɨ zagɨ zhwəŋtɨ a zɛrə, taŋ á chi diʼ ngə́ a nɨ ngótɨ́ abeməntəm ə. Nɨ ghɨ tíʼ kwarɨ mbontə, nɨfáŋ abɔʼnɨ nkɔʼsə atɨ́ a Njwi wa bɨ ghɨnɨ kyɛʼ a Yeso Kristo ghe.

1 Korɨnto 4:5

Ma lan, nɨ keʼ chɛrɨ ɨsáʼ tsɛrə bɔŋ nkfu za ɨ kuʼnɨnɨ ɨ yiŋə. Ɨsáʼ tsi nɨ ɨ zagɨ zhwiʼtɨ ɨ kɔʼ kuʼ nkfu za Maʼmbyí a ghɨnɨ yiŋə. A mɨ lɔgɨ ɨnu ndzumnɨ tsə nkubə ɨ yen nɨ tsɛrə a mu nkaʼ ə, ɨ kɨ kyɛʼ ɨkyaŋtɨ tsə lwɛʼnɨ tsa tsɨ tsinɨ a mu mɨntəm mɨ ɨbɛn ə. Ŋwi a mɨ tiʼ bontɨ a ŋwɔn tsum ɨ mɔ́ʼɔ́ mɔ́ʼɔ́ tsɛʼ adzaŋ za a kuʼnɨnɨ wəmbo ə.

Roma 2:10

Lá wɛrə a mɨ gha nɨghaʼ, nkɔʼsə atɨ́ abɔʼnɨ mbɔnɨ a mbó ɨbɛn bɨtsum ba bɨ ghɨnɨ ɨnu tsɨ shiʼnɨ, ɨ biʼnɨ a nye bə Yuda bɔŋ tiʼ kon a nye ba a se bə Yuda be ə.

Roma 2:7

Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe.

Alukasɨ 19:17

A sóŋ ngə́, ‹O ghɨ ɨ shiʼnɨ ə, o nɨ ŋwɔn afaʼ wu shiʼnɨ ə! Mbáʼ o kɨ wɛmnɨ a mɨnya mɨ azúm ɨ shiʼnɨ lá, ma mɨ lɛn agho o ndə́ŋtɨ́ ntáʼmbagə tsə wi tsi nɨghúm ə.›

Jemsɨ 2:1

Ɨbɔmbɨma ɨban, tso ɨbɛn ba bɨ nɨŋnɨ mɨntəm ɨma a nye Maʼmbyí Yeso Kristo ɨwɨgɨnə, Maʼmbyí wu nɨfáŋ, nɨ mɨ zagɨ ɨ keʼ ngɨ̌ ɨnu a nye ɨbɛn atú atú ndzɔ̌ŋ adzaŋ za nkyerɨ za ɨ benə.

Ɛbal 3:12

Ɨbɔmbɨma ɨban, á nɨ lə̌ ɨtú ɨtsən mbɨ́ʼ táʼ ŋwɔn a tɨtərɨ bən a ghɨ ntsí nɨ abɨgəntəm, nkeʼ nɨŋ ntəm ɨyi a nye Ŋwi, ɨ ghɨ ayi á furɨ ndzum ɨzhi nga a mbó Ŋwi, zɨ wa a tsinɨ ntɨŋ ə.

2 Korɨnto 10:18

Ɨbɛn ba Maʼmbyí a wíʼtɨ́nɨ́ ɨ shiʼnɨ mbɨ́ʼ awa, a nɨ bo ba wɛrə a bémtɨ́nə́, nkeʼ be ɨbɛn ba bɨ kwaʼtɨnɨ ɨ shiʼnɨ mbɨ́ʼ ɨtumbəm ɨtsa be ə.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Yoane 8:43

Nɨ se ndzúʼə nkə́ njiɛ anu za ma sóŋnə́ lá ngə́ ke le? A be lá ngə́ nɨ chi keʼ wɛmtɨ mɨntəm ɨmən ndzuʼ nkən ɨghə.

Yoane 3:20

Ŋwɔn tsum wa a ghɨnɨ ɨnu tsɨ tɔmnɨnɨ a bə̂ nkaʼ, ɨ keʼ kɨ ngyen a mu nkaʼ, mbɨ́ʼ ngə́ ka bo ndǒ awa ngə́ á ɨnu tsɨ tɔmnɨnɨ nɔŋ asaŋəsaŋ ə.

Yoane 5:41

Ka ma ndǒ aghə mbontə za ɨ lonɨ a mbó ŋwɔn mɨsɔŋ ə.

1 Tesalonaika 2:6

Bɨgɨ sé ndǒ nkwarɨ mbontə a mbó ŋwɔn tsɛrə, a mbó bən, kə a mbó ɨbɛn bədaŋ,

1 Timotyo 1:17

A nkɔʼsə atɨ́ abɔʼnɨ nɨfáŋ tsi a mbó Ɨfɔ, zɨ wa a tsinɨ nɨnkoŋ, zɨ wa a láʼ keʼ kfo, bɨ keʼ kə́ ndzě, Ŋwi wa a nunɨ zɨzɨ lá! A be lá.

Judɨ 1:25

a mbó Ŋwi, wa a nunɨ zɨzɨ, ndoŋ ɨwɨgɨnə, ɨ tsa a ndzum Yeso Kristo Maʼmbyí ɨwɨgɨnə, á nɨfáŋ, nɨfɔ, adaʼ abɔʼnɨ mɨtən tsi wəmbo, ɨ lɔgɨnɨ bɔŋ á mbyi biʼnɨ, tɨtsɔŋnɨ, ɨ ghɛn gha nɨnkoŋ ə! A be lá.