Yoane 4:6 - Mɨkan wu Fi

⁶ Abɨ́ a nkyi a Yakɔb a tsí ɨwu ə. Mbɨ́ʼ ngə́ Yeso a kán mbɨ́ʼ nɨyen ɨni, a shíʼtɨ́ ntsí a mbyɛn abɨ́ a nkyi za. A bé tso ntənɨ nyom ə.

Yoane 4:6 Referans Kwoze

Ɛbal 4:15

Mbɨ́ʼ ngə́ bɨgɨnə tsi nɨ ntumshe wu ngwi wa a kónə́ a mɨlɨŋnɨ a nye mbě ɨzɨgɨnə tso ɨbɛn bɨ mɨsɔŋ a ntsu za ɨ ghɨnɨ ɨbvu nkfu tsɨ mɔʼɔ ghe. Bɨ kwáʼnɨ́ ayi a nye mɨndóm mɨtsum ma bɨ kwaʼnɨnə awɨgɨnə, lá wɛrə a sé ɨbvu ghɨə.

Ɛbal 2:17

Ma lan, nə nɨ anu za mbáʼ a tsínɨ́ nɨ mbe tso ɨbɔmbɨma ɨbyi a nye mɨndóm mɨtsum, taŋ ɨ be ntumshe wu ngwi ɨwa, wa a faʼnə tsɛʼ nɨ táʼ ntəm abɔʼnɨ akômɨlɨŋnɨ a mu afaʼ azhi a mbó Ŋwi, taŋ á Ŋwi a lɨgɨnɨ mɨbvu mɨ ɨbɛn ə.

Matyo 8:24

Mɨmboŋnɨ kɨfɛrɨ wu ntən a zhwúʼ ntsa a mu sagɨrə wa, adzaŋ za mbáʼ nkyiɛ yiŋənɛmə kɨ́nə́ ntsɔ́ʼ abáŋ a nkyi za nkɔʼə mbɨ́ŋə́ shiʼə nɨ zɛrə; lá Yeso a lyenə ayi ɛ.

Matyo 27:45

A ghɨnə mbé a ntənɨ nyom, ndzumnɨ ɨ kubɨnɨ alaʼ za atsum ɨ kɔʼ kuʼ a nye bɨnyom bɨtárə́ ghe.

Matyo 4:2

Wɛrə a tíʼ nchigɨ nji tsə ntsaʼtɨ Ŋwi atú njwi mɨghúm mi nɨkwa abɔʼnɨ mɨtfúʼ mɨghúm mi nɨkwa ghe. A mɛtɨnə nji tiʼə ndzaŋə ayi ɛ.

2 Korɨnto 8:9

Nɨ zhi abɔŋəntəm a Maʼmbyí Yeso Kristo ɨwɨgɨnə ghe; wɛrə a tsí nɨ afuʼ tsɛʼ nkə, lá ngɨ atuəmbəm azhi a nye afúm mbɨ́ʼ atú azən, taŋ ɨ ghɨ awən a nye ngaŋ afuʼ ɨ tsa a ndzum afúm azhi ɛ.

Yoane 11:9

Yeso a chwɨ́gɨ́ a mbó bo ngə́, “Be nəzhwɨgɨnɨ ɨ tsi lá nɨ bɨnyom nɨghúm ntsɔb bá le? Be ŋwɔn a ngyíŋə́ nəzhwɨgɨnɨ, a chi keʼ kɔmkɨ ngvo mbɨ́ʼ ngə́ a zě nkaʼ wa ɨ fúgɨ́nə́ a mu mbyi ɛ.

Alukasɨ 9:58

Yeso a chwɨ́gɨ́ wəmbo ngə́, “Bɨnɨmaŋ tsi nɨ mɨngvo, bɨsɨ́ŋ tsi nɨ mɨnkan, lá Mɔn Ŋwɔn a se tsi nɨ adiʼ zə nyɔŋnɨ atú azhi ɨwu ɨ zhwitə.”

Alukasɨ 2:7

A jwí a ntsambyi mɔn ɨyi a be mɔn mbáŋnɨ́ bɨ lwɛrɨ nɨ ɨbagɨ ɨtsɛʼ ɨ nyɔŋ a mu akəbɨ a ndzɨgɨ mɨnyam mbɨ́ʼ ngə́ abárɨ́ a sé bé a mbó bo a mu ndá ngaŋ nɨghan za.

Yoane 4:5

A Samaria, wɛrə a yén nkón a ntáʼmbagə za bɨ kɨ́nə́ ntɔ́ŋə́ ngə́ Saika ghe. Saika wen a tsí ɨ fátɨ́ abɨŋ a ɨshe za Yakɔb a ghánɨ́ a mbó mɔn ɨyi wu mbáŋnɨ́ Yosɛb ə.

Yoane 4:7

Mangye Samaria tse a yén a ntúʼ nkyi a mu abɨ́ a nkyi za. Yeso a sóŋ a mbó mangye wa ngə́, “Gha nkyi á ma no.”

Yoane 4:12

A lá ta ɨwɨgɨnə wu kɔ́ʼɔ́nguʼ, Yakɔb, wa a ghánɨ́ abɨ́ a nkyi zen a mbó bɨgɨnə ghe; zɨ abɔʼnɨ ɨbɔ ɨbyi nɨ mɨnyam ɨmyi bɨtsum nó nkyi wa ɨ lónɨ́ a mu abɨ́ a nkyi ziŋ ə. Ma wiʼtɨ ngə́ ka o soŋə agho lá ngə́ o tsa a Yakɔb ə, kə ndé?”