Yoane 4:21 - Mɨkan wu Fi

²¹ Yeso a sóŋ wəmbo ngə́, “Mangye, nɨŋ ntəm ɨgho a nye me ghe. Nkfu ghɨ yen za ɨbɛn ghɨ keʼ a Tarɨ bə ngúʼsɨ́ atú mbám zen kə a Yerosalɛm ə.

Yoane 4:21 Referans Kwoze

1 Timotyo 2:8

Ma lǒ ngə́ adiʼ atsum za nɨ ghotɨnɨ ɨwu a ngúʼsɨ́ Ŋwi, á mbáŋnɨ́ tsaʼtɨ a Ŋwi ə. A mətsiŋ mbáŋnɨ́ be mbáŋnɨ́ tsa tsɨ tsɔʼnɨ ɨtumbəm ɨtsa ndɛn a mbó Ŋwi ə. A nkfu za bo biʼnɨ mbó ɨma atɨ́ a ntsaʼtɨ Ŋwi, bo mɨ zagɨ ghɨ mə lan tɨ alwɛntɔŋ kə akwənkɨ bo bɨ ɨbɛn bə mɔʼɔ ghe.

Ɛfɛso 2:18

A ntsǎ ndzum Kristo, bɨgɨnə bɨtsum, bə Yuda abɔʼnɨ ba a se bə Yuda be a mu táʼ azhwi wa, bɨgɨnə chi ghɛn a mbyi Tarɨ ə.

Yoane 4:23

Lá nkfu ɨ yiŋə, ɨ kɨnə nkuʼə, mbáʼ a ntsǎ a ndzum mɨtən mɨ Azhwi a Ŋwi, ɨbɛn mɨ ghuʼsɨ a Tarɨ adzaŋ za wɛrə a lanɨnɨ mbe, ngǎ ngótɨ́ aghuʼsɨ wəmbo adzaŋ za a lɔnə ghe.

Matyo 18:20

Mbɨ́ʼ ngə́ be ɨbɛn bi bɨbá kə bi bɨtárə́ ghotɨ táʼ adiʼ nɨ ɨkum ɨghan, ma mɨ tsi a tɨtərɨ bo ghe.”

Ɛfɛso 3:14

Mbɨ́ʼ anu məzen ma kwem mɨkwiʼtɨ ɨman a ɨshi Tarɨ,

Yoane 16:32

Nkfu ɨ yiŋə, ɨ kwɛnə nkɨ ngyiŋə, mbáʼ bɨ mɨ dzagɨ awən bɨtsum á ŋwɔn tsum ɨ mɔ́ʼɔ́ mɔ́ʼɔ́ a bə nkwɛn ngɛn a njwuʼ zɨ, á ma tiʼ ngɔŋ me me ghe. Lá ma lanɨ nkaʼ me me chyɛ, mbɨ́ʼ ngə́ Tarɨ a tsi bɨgɨ zɨə.

Yoane 16:2

Bɨ mɨ kɨŋ awən a mu ndáŋwi bə Yuda, nkfu ghɨ kɨ yen za ŋwɔn tsum wa a mɨ zhwitɨ awən a mɨ kwaʼtɨ ngə́ zɨə faʼə lá a mbó Ŋwi ə.

Yoane 5:28

A keʼ awən kɨʼnə; nkfu yiŋə mbáʼ bɨkfú bɨtsum ghɨnɨ zuʼ nji ɨzhi

1 Bita 1:17

Nɨ tɔ́ŋə́ ayi ngə́ Tarɨ, a nkfu za nɨ tsaʼtɨnə a Ŋwi a mbó Ŋwi, zɨ wa a sáʼnə́ a ŋwɔn tsum nɨ ndəŋndəŋ ɨfɨʼ, ndzɔŋə anu za ŋwɔn tsum ɨ mɔ́ʼɔ́ mɔ́ʼɔ́ a ghɨnɨ; ma lan, á nɨ tiʼə nchyɛ̌ abvuʼ a ntsi mbyi azən atuəshe wen adiʼ wa nɨ tsinɨ ɨwu tso bɨngyen-yenɨ lá a mbɔ́gɨ́tɨ́ wɛrə ghe.

Ɨfaʼ 6:14

Bɨgɨ zúʼ a fu wə ntsu ngə́ Yeso ŋwɔn Nazarɛ wen a mɨ saʼ Ndáŋwi zɨ Ngwi, ɨ kɨ kwebtɨ mbɔm tsum za ɨ tsinɨ a mbó bɨgɨnə ɨ sɨŋə za Mǒse a ghánɨ́ a mbó bɨgɨnə ghe!”

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yoane 5:25

Tsɛʼ a nkənu, tsɛʼ a nkənu, ma soŋə a mbó bɨŋ ə, nkfu ghɨ kuʼ, a kɨ mbe zɛrə tɨtsɔŋnɨ, mbáʼ ɨkfú ɨbɛn ghɨnɨ zuʼ nji Mɔn Ŋwi wu Mbáŋnɨ́, á ba bɨ zuʼnɨ bə ntsi ntɨŋ ə.

Alukasɨ 21:24

Bɨ ghɨ zhwítɨ́ a bə tse nɨ bɨlumban, ɨ lɔgɨ a bə mɔʼɔ a nye ngaŋ atsáŋ ɨ ghɛn nɨ bo nɨ ɨlaʼ tsə daŋ; á ba a se bə Yuda be nyəŋtɨ a Yerosalɛm nɨ mɨku nkuʼnɨ njwi za Ŋwi a lɛnɨ ngə́ nkfu ɨza mɨ miə.”

Matyo 28:19

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ,

Nkyɛʼə 21:22

Ma sá zɛ́n nɨshwim a mu ntáʼmbagə wu wi wa, mbɨ́ʼ ngə́ nɨshwim ɨni nɨ Maʼmbyí Ŋwi Tamɨtən Mɨtsum bo Mɔn Mbyindzɨ wa.