Yoane 4:10 - Mɨkan wu Fi

¹⁰ Yeso a chwɨ́gɨ́ ayi ngə́, “O lo bá be zhi azúm za Ŋwi a ghánə́ abɔʼnɨ ŋwɔn wa a bítɨ́nɨ́ nkyi wu nonɨ a mbó gho lá, muŋ o baŋnɨ mbitɨ ayi nɨ nkyi, a mɨ tiʼ gha nkyi a mbó gho, abə́ŋ a nkyi za a ghánɨ́ ntsi ntɨŋ ə.”

Yoane 4:10 Referans Kwoze

Yoane 4:14

lá ŋwɔn tsum wa a mɨ no nkyi wa ma mɨ gha, a láʼ keʼ nji nkyi bə ndzáŋə́. Nkyi wa ma mɨ gha a mbó bo mɨ tiʼ bəŋ ɨ be tso náŋə́bə́rə a mu ɨnye bo wa ɨ mɨ gha nkyi wa ɨ ghánɨ́ ntsi ntən abɔʼnɨ ntsi ntən nɨnkoŋ a mbó bo ghe.”

Nkyɛʼə 7:17

mbɨ́ʼ ngə́ Mɔn Mbyindzɨ wa, zɨ wa a nɨ tɨtərɨ abərɨ za mɨ be ntsiŋ mɨnyam ɨwa, ɨ tsɨŋnɨnə awa ɨ tsagɨnə a mbó bɨnáŋə́bə́rə ba bɨ ghánɨ́ nkyi ntsi ntɨŋ ə. Ŋwi a mɨ tiʼ chiʼ nkyi nɨzɛʼ ɨtsum a ɨmɨgɨ bo ghe.”

Nkyɛʼə 21:6

Wɛrə a kwíʼ sóŋ ngə́, “Ma ghɨnə ɨnu tsiŋ ɨtsum ə! Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe. Ma mɨ gha a mbó ŋwɔn tsum wa nji nkyi záŋnə́ ayi mɨtən ngə́ á no nkyi wa ɨ lonɨ a mu náŋə́bə́rə wa nkyi ɨyi ghánɨ́ ntsi ntən tɨgha a tfu a wɛrə ghe.

Yoane 3:16

Mbɨ́ʼ ngə́ Ŋwi a kɔ́ŋ atuəshe be tɨ́sə́n, wɛrə a tíʼ ngá a Mɔn ɨyi wu Mbáŋnɨ́ wa a núnɨ́ zɨzɨ, taŋ ŋwɔn tsum wa a nɨŋnɨ ntəm ɨyi a ɨnye zɨ, a mɨ keʼ kfo, lá ɨ tsi nɨ ntsi ntən nɨnkoŋ ə.

Nkyɛʼə 22:17

Azhwi za abɔʼnɨ Mɨngən wa bɨ soŋ ngə́, “Yiŋə!” Ŋwɔn tsum wa a zuʼnɨ a məzen a mɨ kɨ zagɨ soŋ ngə́, “Yiŋə!” Ŋwɔn tsum wa nji nkyi záŋnə́ ayi, a kə ndǒ, á yen nkwarɨ nkyi wa ɨ ghánɨ́ ntsi ntən tso azúm zə ghanɨ ə.

Roma 8:32

Tsɛʼ a nkənu a mɨ keʼ Ŋwi be. Zɨ wa a sé ghɨʼtɨ a Mɔn ɨyi, lá ɨ nyɛʼtɨ bɨ zhwitɨ ayi mbɨ́ʼ atú azɨgɨnə bɨtsum, njingə a mɨ keʼ ɨdzúm ɨtsum a mbó bɨgɨnə gha adaŋədaŋə le?

1 Korɨnto 10:4

nkɨ no ndəŋndəŋ mɨluʼ ma azhwi a ghánə́. Bo nó a za Ŋwi a ghɨ́nɨ́ ngə́ á fu a nye aláŋsə́ ngɔʼ azhwi za ɨ kɨ́nə́ ndzɔŋə awa lá. Aláŋsə́ ngɔʼ azhwi məza a bé lá Kristo zɨmboŋ ə.

Yoane 6:35

Yeso a sóŋ a mbó bo ngə́, “Ma nɨ abán a ntsi ntɨŋ ə. Ŋwɔn tsum wa a yenɨ a mbó me a láʼ keʼ nɨ nji chyɛ; ŋwɔn wa a nɨŋnɨ ntəm ɨyi a nye me, nji nkyi láʼ keʼ ayi zaŋə.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Yoane 6:51

Ma nɨ abán za a ghánɨ́ ntsi ntən za a lónɨ́ a fɔməbvurə ɨ shiʼə. Be ŋwɔn a kfurɨ abán məzen, muŋ a mɨ tsi ntən nɨnkoŋ ə. Abán za ma mɨ ghɨ gha a mbó ɨbɛn bɨ atuəshe a nɨ ɨnyam ɨnye ɨzan za ma ghánə́ taŋ atuəshe a chi tsi atú ntɨŋ ə.”

2 Korɨnto 9:15

A bɨgɨnə gha a mɨya a mbó Ŋwi mbɨ́ʼ azúm zə ghanɨ azhi məzen za ntsu chi keʼ soŋ lá!

Alukasɨ 11:13

Be bən wa nɨ bɨ́gɨ́nɨ́, nɨ zhi adzaŋ a ngá ɨdzúm tsɨ shiʼnɨ a mbó ɨbɔ ɨbən, a ghɨ tiʼ bə be ɨ nə́ a mbó Tarɨ a fɔməbvurə a ngá Azhwi zə Fɛmnɨ a mbó ɨbɛn ba bɨ bitɨnɨ wəmbo le!”

Ɛfɛso 2:8

Mbɨ́ʼ ngə́ a ndzum abeməntəm azən, a loŋ awən ntsa a ndzum abɔŋəntəm azhi; nkeʼ be be a ngɨ bɨŋ ə, a nɨ be azúm zə ghanɨ za Ŋwi a ghanɨ adaŋədaŋə ghe.

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Yoane 16:3

Ɨbɛn ghɨ ghɨ ɨnu tsen a nye bən mbɨ́ʼ ngə́ ka bo zhi awa a Tarɨ kə aghə.

Ɨfaʼ 9:11

Maʼmbyí a sóŋ wəmbo ngə́, “Kyaŋtɨ ɨnye ɨzo ndo ngɛn a nye kɔŋ-ndóm wa bɨ tɔ́ŋnə́ ngə́ Stretɨ lá. O ghɛn nkuʼ ɨwu, tsɔʼnɨ aku a ndá ŋwɔn tse wa bɨ tɔ́ŋnə́ ngə́ Yudasɨ, kon ngɛn mbitɨ ngə́ o lǒ a ŋwɔn tse wa a lonɨ a Tasusɨ ɨkum ɨyi be Sɔlɨ ə. O mɨ kwatɨ ayi á ntsáʼtə́ a Ŋwi ə,

Ɛbal 6:4

Ka ndóm tse be ayi ɨwu a ngɨə á ɨbɛn bə mbəŋ mɨntəm ɨma a nye mɨbvu ɨma, ɨbɛn ba bɨ kwɛ́nə ntsi a mu nkaʼ Ŋwi, njwiʼtɨ azúm zə ghanɨ za a lonə a fɔməbvurə nkɨ nchintɨ bo bɨ ɨbɛn bə mɔʼɔ nkwarɨ Azhwi zə Fɛmnɨ ə.