Yoane 4:1 - Mɨkan wu Fi

¹ Bə Farisao zúʼ ngə́ Yeso a kə́ nchyɛ̌ nɨ bɨyɛʼ nkə́ ngǎ nkyi a mbó ɨbɛn ntsǎ a Yoane ghe.

Yoane 4:1 Referans Kwoze

Yoane 3:26

Ma lan, bo ghɛ́n a mbó Yoane ɨ soŋ wəmbo ngə́, “Ndiʼ Aŋwaʼnɨ, o wáʼtə́ a ŋwɔn wa bɨŋ zɨ tsínɨ́ a ndaŋ ndzɨŋə Yorɨdan lá, ŋwɔn wa o ghámnɨ́ mbɨ́ʼ ayi lá le? Zɛn lá, wɛrə a ghǎ nkyi, ŋwɔn tsum a ghěn wəmbo ə!”

Yoane 3:22

Məzen a ghɨnə ntsá, Yeso bo bɨ bɨyɛʼ ɨbyi ghɛn a mu mbuʼ Yudiya; adiʼ wa wɛrə a tsínɨ́ ɨwu bo bo atú ndvuŋ nkfu tse ngǎ nkyi ɛ.

2 Korɨnto 4:5

Nə nɨ anu za ka bɨgɨ sóŋə́ awɨgɨ lá anu mbɨ́ʼ ɨtumbəm ɨtsɨgɨ; bɨgɨ sóŋə́ lá anu mbɨ́ʼ a Yeso Kristo, zɨ wa nɨ Maʼmbyí, bɨgɨ kɨ ntiʼ mbe ngaŋ afaʼ ɨtsən mbɨ́ʼ atú a Yeso ghe.

1 Korɨnto 15:47

Ntsambyi Adam bɨ káʼ ayi lá nɨ ɨshe, wɛrə a ló lá a mbó ɨshe; ndzɔŋ ndzum Adam a ló lá a fɔməbvurə, mbe lá Kristo ghe.

1 Korɨnto 2:8

Wu tse a tɨtərɨ bɨta bɨ ɨlaʼ atuəshe wiŋ sé zúʼ nkɨ njí a zóŋ məwiŋ ə. Bo bá bé zhi muŋ bo sé kwemtɨ a Maʼmbyí, wa a nɨ wu nɨfáŋ atɨ abaŋnɨ-baŋnɨ ə.

Ɨfaʼ 10:36

Nɨ zhi nkən wa wɛrə a tságɨ́nɨ́ a mbó ɨbɛn bə Izrai lá, wɛrə a kə́ nchwítɨ́ Nkən wu Shiʼnɨ wu mbɔnɨ ntsa a ndzum Yeso Kristo, zɨ wa a nɨ Maʼmbyí ŋwɔn tsum lá.

Nkyɛʼə 19:16

Bɨ ŋwáʼnɨ́ a nye tɔgɨ ɨyi abɔʼnɨ nɨtuʼ ɨni ngə́, “Ɨfɔ bɨfɔ abɔʼnɨ Maʼmbyí bɨmaʼmbyí ɛ”.

Jemsɨ 2:1

Ɨbɔmbɨma ɨban, tso ɨbɛn ba bɨ nɨŋnɨ mɨntəm ɨma a nye Maʼmbyí Yeso Kristo ɨwɨgɨnə, Maʼmbyí wu nɨfáŋ, nɨ mɨ zagɨ ɨ keʼ ngɨ̌ ɨnu a nye ɨbɛn atú atú ndzɔ̌ŋ adzaŋ za nkyerɨ za ɨ benə.

Alukasɨ 2:11

Ɨ sɨŋə wɛnə, a Ntáʼmbagə wu wi wu Devidɨ, bɨ jwi a Ndoŋə awən wa a nɨ Kristo – mbáʼ a nɨ Maʼmbyí ɛ.

Alukasɨ 19:34

Bo chwɨ́gɨ́ ngə́, “Maʼmbyí a lǒ a zɛrə ghe,”

Alukasɨ 19:31

Be ŋwɔn tse a bitɨ awən ngə́ nɨ kyəgə a zɛrə ngə́ ke, sóŋnə wəmbo ngə́ Maʼmbyí a lǒ a zɛrə ghe.”

Alukasɨ 1:76

Gho mɔn ɨghan bɨ mɨ tiʼ tɔŋ agho nɨ Ntom Ŋwi Akɔ́ʼɔ́ntsɨrə ghe. O mɨ ghɛn a mbyi Maʼmbyí ɨ kyaŋtɨ ndómnji ɨyi,

Alukasɨ 7:13

Mbáʼ Maʼmbyí a zɛ́nɨ́ a nkfugɨ mangye wa lá, nko a mɨlɨŋnɨ wə ɨnye tsɛʼ nkan, ɨ soŋ wəmbo ngə́, “Koʼ kwiʼ mbugə.”

Alukasɨ 7:19

ntsagɨ a mbó Maʼmbyí á bɨ bitɨ ayi ngə́, “Lá nɨ gho wa Yoane a kɨ́nə́ sóŋə́ ngə́ a ghɨ yen lá, kə bɨgɨ ntsiŋə a wə daŋ le?”

1 Korɨnto 1:17

Kristo a sé tsagɨ aghan a ngá nkyi ɛ. Wɛrə a tságɨ́ aghan lá a sóŋ Nkən wu Shiʼnɨ, ɨ kɨ soŋ a wɛrə keʼ tsa be a ndzum nɨgham nɨ zóŋ ŋwɔn mɨsɔŋ a ntsu, taŋ ɨ lə̌tú ngə́ á bɨ keʼ lɔgɨ mɨtən mɨ nɨvwo nɨ Kristo atɨ abaŋnɨ-baŋnɨ ngɛn nɨ mɛrə ghe.