Yoane 3:5 - Mɨkan wu Fi

⁵ Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə jwi nɨ nkyi abɔʼnɨ Azhwi, a chi keʼ a mu nɨfɔ nɨ Ŋwi kuŋə.

Yoane 3:5 Referans Kwoze

Ɨfaʼ 2:38

Bita a chwɨ́gɨ́ a mbó bo ngə́, “Ŋwɔn nɨ bɨŋ tsum a tsi nɨ nyɛʼ mɨbvu ɨmyi, ɨ tiʼ kwarɨ nkyi nɨ ɨkum Yeso Kristo, taŋ á Ŋwi a tiʼ ndɨgɨnɨ mɨbvu ɨmyi; ɨ tiʼ kɨ gha Azhwi zə Fɛmnɨ a mbó bən, zɛrə za a lá azúm zə ghanɨ za wɛrə a káʼnɨ́ lá.

Ɛfɛso 5:26

Wɛrə a ghɨ́ a məzen nɨ mɨtən mɨ nɨgham ɨni lá taŋ ɨ gha ndáŋwi tso azúm zə ghanɨ zə wi a mbó Ŋwi, mbáʼ wɛrə a sugɨnə a zɛrə nɨ nkyi ɨ fɛm,

1 Bita 3:21

mbáʼ a bénɨ́ lá alɨgɨ za a kɨ́nə́ ndǐʼ nkwarɨ nkyi za ɨ loŋnə awən tɨtsɔŋnɨ ə. Ka ɨ be ayi lá ɨsɨŋ za bɨ sugɨnə a nye mbəmnye, lá ɨ be lá akaʼ za bɨ ghɨnɨ a mbó Ŋwi ndo a mu ntəm wu shiʼnɨ ə. Ɨ loŋə awən ntsǎ lá a ndzum nzhwemnə za Yeso Kristo a zhwémnɨ́nɨ́ a mbó nɨvwo

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Matyo 3:11

Ma ghǎ nkyi a mbó bən lá nɨ nkyi ngəŋ a ndiʼə ngə́ nɨ bəŋnə mɨntəm ɨmən a nye mɨbvu ɨmɨŋ ə, lá ŋwɔn wa a yenə a ndzum me a mɨ ghanɨ nkyi a mbó bən nɨ Azhwi zə Fɛmnɨ abɔʼnɨ ɨmugɨ ə. A tsa aghan be tɨsɨŋə; ka ma byi nyam nkuʼnɨ aghan a ntiʼtɨ ngobɨ ɨchi ɛ.

Yoane 3:3

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Marɨkusɨ 16:16

Ŋwɔn tsum wa a nɨŋnɨ ntəm ɨyi ɨwu nkɨ nkwarɨ nkyi, bɨ ghɨ loŋ ayi ɛ, lá ŋwɔn tsum wa a sé nɨŋ ntəm ɨyi ɨwu, bɨ ghɨ tsənkɨ ayi a Njwi Nɨsáʼ ə.

1 Korɨnto 2:12

Ka bɨ gha ayi lá azhwi atuəshe zen a mbó bɨgɨnə ghe; bɨgɨnə baŋnɨ nkwarɨ be Azhwi za Ŋwi a tsagɨnɨ, taŋ á bɨgɨ chi zhi atsum za Ŋwi a ghanɨ a mbó bɨgɨnə ghe.

Yoane 1:13

Bo sé bé ɨbɔ bɨ Ŋwi lá adzaŋ za ŋwɔn a bénə́ mɔn, lá be ngə́, bɨ sé jwi awa tso ɨbɔ bɨ tarɨ wu atuəshe; Ŋwi zɨmboŋ a bé Ta ɨwa ghe.

1 Yoane 5:1

Ŋwɔn tsum wa a nɨŋnɨ ntəm ɨyi ɨwu ngə́ Yeso a nɨ Wa bɨ Zɔ́ʼnɨ́ wa, a nɨ mɔn Ŋwi ə; ŋwɔn tsum wa a kɔŋnɨ a tarɨ a kɨ nkɔŋ a mɔn ə.

1 Yoane 2:29

Nɨ zhi ngə́ Kristo a chinə; nɨ tsi nɨ ɨ tiʼ zhi ngə́ ŋwɔn tsum wa a ghɨnɨ a za a kuʼnɨnɨ a nɨ mɔn Ŋwi ə.

Galesha 6:15

Ka líʼ a tsi ayi ɨwu ngə́ ŋwɔn a tsəŋ alagɨ azhi kə nkeʼ tsəŋə; líʼ wa a tsinɨ ɨwu a nɨ ngə́ á ŋwɔn a be azúm zə kaʼnɨ zə fi ə.

Roma 14:17

Mbɨ́ʼ ngə́ nɨfɔ nɨ Ŋwi se be lá anu mbɨ́ʼ mɨdzɨ kə mɨluʼ ə. Nɨ be lá anu mbɨ́ʼ nchinə, mbɔnɨ abɔʼnɨ nɨdorɨ na Azhwi zə Fɛmnɨ a ghánə́ ghe.

Matyo 28:19

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ,

Matyo 18:3

ɨ soŋ a mbó bo ngə́, “Tsɛʼ a nkənu, ma sóŋə́ a mbó bɨŋ ə, be nɨ tú bənkɨ ɨ tiʼ tso ɨbɔ bə kɨʼnɨ, nɨ láʼ keʼ kon a mu Nɨfɔ nɨ fɔməbvurə ghe.

1 Bita 1:2

Bɨ tsɔ́ʼ awən ndzɔ̌ŋ adzaŋ za Ŋwi, zɨ wa nɨ Tarɨ, a kɨ́nə́ ndǒ, nkɨ ngɨ awən a nye ɨbɛn bə fɛmnɨ ntsa a ndzum Azhwi azhi, ngə́ á nɨ ndzúʼnə́ a Yeso Kristo, á alɛm azhi za bɨ chwírɨ́nɨ́ atɨ abaŋnɨ-baŋnɨ a tiʼ sugɨ awɨŋ ə. A abɔŋəntəm abɔʼnɨ mbɔnɨ tsi a mbó bən a nɨ́lónɨ́ ə.

Ɨfaʼ 3:19

Tiʼ lá nyɛʼnə mɨbvu ɨmən, mbəŋ mɨntəm ɨmən nga a mbó Ŋwi, taŋ á Ŋwi a chi lɨgɨnɨ mɨbvu ɨmɨŋ ə. Be nɨ ghɨ mə lan,

Alukasɨ 13:3

Ngáŋ tsɛʼ a nkənu ə! Ma tiʼə soŋə a mbó bən ngə́ be nɨ tú bəŋ mɨntəm ɨmən a nye mɨbvu ɨmən ɨ tsi a bagɨ Ŋwi, muŋ nɨ ghɨ kfókɨ́ bɨtsum tso bo ghe.

Matyo 5:20

Ma tiʼə sóŋə́ a mbó bən ngə́, nɨ chi ghɨ kón a mu Nɨfɔ nɨ fɔməbvurə tsɛʼ mbáʼ be nɨ lə atú a nchyɛ́ tsɛʼ a mu abeməntəm mbɔŋtɨ ntsa bɨdiʼ bɨnyɔngɔŋ abɔʼnɨ bə Farisao a ngɨə anu za Ŋwi a lɔnə ghe.”

Roma 8:2

Mbɨ́ʼ ngə́ nyɔngɔŋ wa a tsinɨ a shwúrɨ́ mɨtən mɨ Azhwi wa a ghɨnə bɨgɨnə tsinə atú ntən bɨgɨnə bɨ Kristo, a kyɛtɨnə mɨnkɨ mɨ abuʼ ma nyɔngɔŋ ɨbvu abɔʼnɨ nɨvwo kórɨ́nə́ awɨgɨnə ɨwu ə.

Alukasɨ 13:24

“Kɨ́rɨ́ adaʼ azo a ntsǎ a ntsundá wu shwɛrɨkɨnɨ; mbɨ́ʼ ngə́ ɨbɛn bə ghaʼnɨ, bɨ ghɨ lonɨ ntsǎ ɨwu, lá ɨ ghuʼ kɨ́káŋ ə.

Alukasɨ 13:5

Ngáŋ tsɛʼ a nkənu ə! Ma tiʼə soŋə a mbó bən ngə́ be nɨ tú bəŋ mɨntəm ɨmən a nye mɨbvu ɨmən ɨ tsi a bagɨ Ŋwi, muŋ nɨ ghɨ kfókɨ́ bɨtsum tso bo ghe.”

Matyo 19:24

Ma kə nkwiʼə sóŋə́ a mbó bən ngə́, a yaŋnɨ a mbó aŋaŋuʼə ɨ tosɨ tsa a mu ngvo ɨsáʼ ntsa adzaŋ za be ŋwɔn afuʼ zə wi a kon a mu Nɨfɔ nɨ Ŋwi ə.”

Matyo 21:31

A tɨtərɨ ɨbɔ ben bɨbá, a ghɨ́ wɨŋə ngɨ́ anu za ta ɨyi a kɨ́nə́ ndǒ ghe?” Bo chwɨ́gɨ́ ngə́, “Wu ndəmə wa.” Yeso a sóŋ a mbó bo ngə́, “Tsɛʼ a nkənu, ma sóŋə́ a mbó bɨŋ ə, ngaŋ nkwarɨ ashɛbɨ abɔʼnɨ ɨkwarɨ kúŋə́ ngěn a mu Nɨfɔ nɨ Ŋwi a mbyi bɨŋ ə.

Marɨkusɨ 9:47

Be nɨdɨgɨ ɨno ghɨ ngə́ o ghɨ ɨbvu, twɛʼ a nɛrə ɨ fɨgə! A kwɛ mbɔŋtɨ a mbó gho a nkúŋə́ a mu nɨfɔ nɨ Ŋwi nɨ táʼ nɨdɨgɨ ntsa ngə́ á bɨ maʼ agho a mu ɨmugɨ nɨnkoŋ wa nɨ ɨmɨgɨ ɨmo mi mɨmbá ghe.

Marɨkusɨ 10:14

Yeso a ghɨnə ndzɛ́n a məzen lá, ntɔŋ ɨyi lwi tsɛʼ a nkə. A tíʼ sóŋ a mbó bɨyɛʼ ɨbyi ngə́, “A nɨ nyɛʼtɨ á ɨbɔ ba yen ɨ wɨŋ ə, á nɨ keʼ awa a nkɨ́ŋə́ mbɨ́ʼ ngə́ nɨfɔ nɨ Ŋwi tsi lá a mbó ɨdzaŋ tso mətsiŋ ə.

Yoane 3:4

Nɨkorɨmbo a bítɨ́ a Yeso ngə́, “Bɨ chi jwi a ŋwɔn mbáʼ a lvuŋnə lá ɨ nə́ le? A chi bə kwiʼ kon a mɨto nɨmi ɨyi á bɨ jwi ayi a nye nkfu tsa tsɨ kuʼnɨ tsi bá le?”

1 Korɨnto 15:50

Ɨbɔmbɨma ɨban, anu za ma sóŋnə́ lá a nɨ ngə́ za bɨ nyɛ́tɨ́nɨ́ nɨ ɨnyam ɨnye abɔʼnɨ alɛm a chi keʼ tsi nɨ anu a ngɨə nɨ Nɨfɔ nɨ Ŋwi ə, za a kfónə́ lá, a chi keʼ tsi nɨ za ka a nkfǒ ayi ɛ.