Yoane 3:11 - Mɨkan wu Fi

¹¹ Tsɛʼ a nkənu, tsɛʼ a nkənu, ma soŋ a mbó gho ghe: bɨgɨ ghamə lá a za bɨgɨ zhinə, nkə́ sóŋə́ lá a za bɨgɨ tsinɨ ɨwu nkɨ ndzɛn; lá nɨ keʼ mbémə́ a za bɨgɨ sóŋnə́ a mbó bɨŋ ə.

Yoane 3:11 Referans Kwoze

Yoane 8:38

Ma ghamə mbɨ́ʼ anu za ma zɛnɨ a lo a mbó Ta ɨghan, lá nɨ ghɨnə a za Ta ɨwən a soŋnɨ a mbó bɨŋ ə.”

Yoane 14:24

Ŋwɔn tsum wa ka a kɔŋ ayi aghan, ka a ndzúʼnə́ ayi ɨnu tsa ma diʼnə ghe. Ɨnu tsa nɨ zuʼnɨ ma diʼ ka ɨ be ayi ɨtsə, tsɨ lo lá a mbó Tarɨ, zɨ wa a tságɨ́nɨ́ aghə.

Yoane 12:49

Məzen a nɨ nkənu, mbɨ́ʼ ngə́ ka ma gham aghan lá nɨ ɨmə mɨtən, lá Tarɨ wa a tságɨ́nɨ́ aghan, a fɨ́ʼtɨ́ anu za ma mɨ zagɨ ghamə.

Yoane 8:14

Yeso a chwɨ́gɨ́ ngə́, “Ngáŋ, be a kwɛ mbe ngə́ ma nɨ atɛmə-ndzě a mbó atuəmbəm azan, muŋ anu za ma sóŋnə́ a nɨ nkənu, mbɨ́ʼ ngə́ ma zhi adiʼ za ma lonɨ ɨwu nkɨ nji a za ma ghɛnə ɨwu ə. Ka nɨ zhi awən adiʼ za ma lonɨ ɨwu kə za ma ghɛnə ɨwu ə.

Yoane 7:16

Yeso a chwɨ́gɨ́ ngə́, “Anu za ma diʼnə lá, a se azan be, a lo be a mbó Ŋwi, zɨ wa a tságɨ́nɨ́ aghə.

Yoane 1:18

Ŋwɔn tse a láʼnə mbvurɨ tɨ zɛn a Ŋwi ə. Mɔn ɨyi wen zɨzɨ, wa a benɨ ndəŋndəŋ tso Ŋwi nkɨ mbə ntsi wə bagɨ abó, wɛrə a ghɨ bɨ zhi a Ŋwi ə.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

Yoane 1:11

A yén alaʼ zɨ, lá ɨbɛn ɨbyi sé ayi kwarə.

Alukasɨ 10:22

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a ŋwɔn wa a nɨ Mɔn ntsa a Tarɨ, ŋwɔn tse a keʼ kɨ nji a ŋwɔn wa a nɨ Tarɨ ntsa a Mɔn, nkwiʼtɨ ɨbɛn ba Mɔn a zarɨnɨ ngə́ á bɨ zhi a Tarɨ ə.”

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Ɨfaʼ 22:18

za wə mu, ma zɛ́n a Maʼmbyí, wɛrə a soŋ a mbó me ngə́, ‹Kɨənɨ fu a Yerosalɛm tsɛʼ nɨ ngyaŋ ɨnye, mbɨ́ʼ ngə́ ɨbɛn ba bɨ tsinɨ ɨghan mɨ keʼ bem anu za o mɨ soŋ mbɨ́ʼ aghə.›

Yoane 5:43

Ma yen nɨ mɨtən mɨ Ta ɨghə, lá nɨ keʼ aghan kwarə; lá ŋwɔn tse a be yen nɨ ɨmyi mɨtən muŋ nɨ mɨ kwarɨ ayi ɛ.

Yoane 3:13

Ka ŋwɔn tse a kɔ́ʼnə ngɛn ayi a fɔməbvurə ntsatɨ a Mɔn Ŋwɔn wa a lónɨ́ ɨwu ɨ shiʼ ngyiŋə.”

Yoane 3:5

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə jwi nɨ nkyi abɔʼnɨ Azhwi, a chi keʼ a mu nɨfɔ nɨ Ŋwi kuŋə.

Yoane 3:3

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Matyo 23:37

“Yerosalɛm, Yerosalɛm! O zhwítɨ́ ntóm Ŋwi nkə́ ntúmtɨ́ ɨbɛn ba Ŋwi a tsagɨnə a mbó gho nɨ mɨngɔʼ ə! Nkfu tsə ghaʼnɨ ma kwaʼtɨnə a ngótɨ́ ɨbɛn ɨbo bɨtsum a mu mbó me tso mbáʼ má ngúbɨ́ a ghótɨ́nɨ́ ɨbɔ ɨbyi a mu mɨbabɨnɨ ɨmyi, o ton agho ə!

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

Yoane 3:12

Be a be ngə́ ma fɨʼtɨnə ɨnu atuəshe a mbó bən, nɨ keʼ mɨntəm ɨmən ɨwu nɨŋ, nɨ ghɨ tíʼ tsa lá ɨ nə́ ɨ nɨŋ mɨntəm ɨmən ɨwu mbáʼ be ma fɨʼtɨ awən nɨ tsɨ fɔməbvurə le?

Yoane 8:26

Ma tsi nɨ ɨnu tsɨ ghaʼtɨ a sóŋə́ mbɨ́ʼ awɨŋ ə, abɔʼnɨ tsɨ ghaʼnɨ a sáʼ bən ɨ soŋ ngə́ nɨ vwo ɨsáʼ ə. Lá wɛrə wa a tságɨ́nɨ́ aghan, a sóŋə́ tsɛʼ nkənu, ma tiʼə nkə́ sóŋə́ tsɛʼ za ma zuʼnɨ wəmbo a mbó mbyi tsum ə.”