Yoane 2:2 - Mɨkan wu Fi

² Bɨ kɨ́ ngón a Yeso bo bɨ bɨyɛʼ ɨbyi a nɨzɔ́ʼ məna ə.

Yoane 2:2 Referans Kwoze

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

1 Korɨnto 7:39

Ka mangye nɨzɔ́ʼ a tsi ayi nɨ ɨ bə zɔ́ʼ a ŋwɔn daŋ mbáʼ be ndóm ɨyi a bvurɨ atú ntɨŋ ə; lá be ndóm ɨyi a kfo, wɛrə a chi bə zɔ́ʼ mbáŋnɨ́ tsum za wɛrə a kɔŋnɨ tsɛʼ mbáʼ be ɨ be ŋwɔn wa a nɨŋnɨ ntəm ɨyi a nye Kristo ghe.

Ɛbal 13:4

A mangye bo ndóm nkɔ́ʼsə́ mɨzɔ́ʼ mɨtsum atɨ́, á achwurɨ a keʼ ɨwu be, mbɨ́ʼ ngə́ Ŋwi a ghɨ sáʼ ɨbɛn ba bɨ ghɨnɨ ɨnu ntɔrɨ ɨlɛbɨ abɔʼnɨ ba bɨ chwurɨnə ghe.

1 Korɨnto 10:31

Ma lan, kə o dzɨ mɨdzɨ kə ɨ no mɨluʼ, ghɨ anu atsum a ngá nɨfáŋ a mbó Ŋwi ə.

Matyo 25:45

Ɨfɔ a mɨ chwɨgɨ a mbó bo ngə́, ‹Tsɛʼ a nkənu, ma soŋə awɨŋ ə, mbáʼ nɨ sé ghɨ a mbó wa a kɨgɨnɨ ntsa bɨtsum a tɨtərɨ ben lá, nɨ sé ghɨ lá a mbó me ghe.›

Matyo 25:40

Ɨfɔ a mɨ chwɨ́gɨ́ a mbó bo ngə́, ‹Tsɛʼ a nkənu, ma soŋə awɨŋ ə, adzaŋ za nɨ ghɨ́nɨ́ a mbó táʼ wɛnə wa a bénɨ́ wu nkɨʼnɨ ntsa bɨtsum a tɨtərɨ ɨbɔmbɨma ɨban lá, nɨ ghɨ́ lá a mbó me ghe.›

Matyo 12:19

A mɨ keʼ kwənkɨ kə ɨ tɔnkɨ, kə ɨ gham mɨgham nɨ nji zɨ ntən a mu bɨkɔŋ ə.

Nkyɛʼə 3:20

Zuʼnə! Ma tɛm a ntsu ndá, mbúʼtə́ ghe; be ŋwɔn tse a zuʼ nji ɨzan, ɨ ŋaʼ ntsu ndá, ma kon a ndá zɨ, ntiʼ dzɨ bɨgɨ zɨə. Wɛrə mɨ kɨ dzɨ bɨgɨ zɨə.

Yoane 2:3

Mɨluʼ ghɨnə mí, nɨmi bɨ Yeso a soŋ a mbó Yeso ngə́, “Ka bo bə nkwiʼ ntsi a wa nɨ mɨluʼ ə.”

Yoane 2:12

Məzen a tsanə, Yeso abɔʼnɨ nɨmi ɨyi, ɨbɔmbɨma ɨbyi bə mbáŋnɨ́, nkwiʼtɨ bɨyɛʼ ɨbyi ghɛn a Kabɛrɨnaum ntsi ɨwu atú njwi tsɨ tse ghe.

Yoane 2:17

Bɨyɛʼ ɨbyi wáʼtɨ́ ngə́ aŋwaʼnɨ a Ŋwi a soŋ ngə́, “O Ŋwi, nkɔŋə za ma kɔŋnɨ ndá ɨzo ɨ kɨ́ə tso ɨmugɨ a mu ɨnye me ghe.”

Yoane 2:22

Mbáʼ bɨ zhwémnɨ́nɨ́ ayi a mbó nɨvwo, bɨyɛʼ ɨbyi tíʼ ngwáʼtɨ́ ngə́ a sóŋnə a məzen; ntiʼ nɨŋ mɨntəm ɨma a nye aŋwaʼnɨ a Ŋwi abɔʼnɨ anu za Yeso a sóŋnə́.

Yoane 3:22

Məzen a ghɨnə ntsá, Yeso bo bɨ bɨyɛʼ ɨbyi ghɛn a mu mbuʼ Yudiya; adiʼ wa wɛrə a tsínɨ́ ɨwu bo bo atú ndvuŋ nkfu tse ngǎ nkyi ɛ.

Yoane 4:2

(Tsɛʼ a nkənu, Yeso zɨmboŋ a sé nkyi a mbó ŋwɔn tse gha; a bé bé bɨyɛʼ ɨbyi mbáʼ bɨ kɨ́nə́ ngǎ ghe.)

Yoane 4:8

(Bɨyɛʼ ɨbyi kwɛ́nə ngɛn a ntáʼmbagə a ndzúŋ mɨdzɨ ə.)

Yoane 4:33

Ma lan, bɨyɛʼ ɨbyi tíʼə mbítə́ a tɨtərɨ bo nɨbo ngə́, “Lá be ngə́ ŋwɔn tse a yen nɨ mɨdzɨ wəmbo le?”

Yoane 6:8

Andɨrɨya, ngyɛʼ ɨyi wu mɔʼɔ wa a bénɨ́ mɨma Samɔn Bita, a sóŋ ngə́,

Yoane 6:12

Bo bɨtsum ghɨnə ndzɨ́ nzhwurɨ, Yeso a soŋ a mbó bɨyɛʼ ɨbyi ngə́, “Nɨ sɛʼ ɨbagɨ mɨdzɨ tsa tsɛʼ ɨtsum, á bɨgɨnə keʼ a mə tsɛrə nyɛʼnə.”

Yoane 6:16

Nyom a ghɨnə ndzə́ŋ, bɨyɛʼ bɨ Yeso shiʼ ngɛn a sagɨrə wa,

Yoane 6:60

Nɨghaʼ ɨbɛn wa a kɨ́nə́ ndzɔŋə a Yeso zúʼ a məzen, mbitɨ ngə́, “Anu zen za a diʼnɨ lá a tən tɨsɨŋə. Ɨwa a chi bem anu məzen le?”

Yoane 6:66

Mbɨ́ʼ a məzen, ɨbɛn bə ghaʼnɨ ba bɨ kɨ́nə́ ndzɔŋə a Yeso bə́n awa, nkeʼ ayi a mbɨ́ŋə́ ndzɔŋə ghe.

Yoane 6:67

Yeso a tíʼ mbítɨ́ bɨyɛʼ ɨbyi ba nɨghúm ntsɔb bá ngə́, “Ɨzɨŋ nkfu, nɨ mɨ kɔŋ ɨ kɨ lo awən le?”

Yoane 6:70

Yeso a chwɨ́gɨ́ ngə́, “Ma tsɔ́ʼ awən nɨghúm ntsɔb bá ghe, kə ndé? Lá táʼ ŋwɔn nɨbən a nɨ dəbɨrɨ ə!”

Yoane 6:71

Yeso kə́ ngamə lá mbɨ́ʼ a Yudasɨ, mɔn Samɔn Iskario ghe. Yudasɨ a báʼtɨ́ mbé bé táʼ a tɨtərɨ bɨyɛʼ ba nɨghúm ntsɔb bá lá, a tsí nɨ ɨ ghɨ dzɨ a mɨnaŋ atú Yeso ghe.

Yoane 7:3

Ma lan, ɨbɔmbɨma bɨ Yeso bə mbáŋnɨ́ tíʼ sóŋ wəmbo ngə́, “Nyɛʼtɨ adiʼ zen ngɛn agho a Yudiya, taŋ á bɨyɛʼ ɨbo zen ɨnu tsa o ghɨnə ghe.

Ɨfaʼ 11:26

A ghɨnə ndzɛ́n ayi, ndɔgɨ ayi bo zɨ ghɛn Antyokɨ ə. Atú táʼ alom wu fɨgɨnɨ bo wa bi bɨbá kə́ mbomnkə bo bɨ ɨbɛn bɨ ndáŋwi, ndǐʼ ɨbɛn ba bɨ gháʼnɨ́ be tɨsɨŋə. Bɨ fóm ntɔ́ŋ ɨbɛn ba bɨ nɨ́ŋnɨ́ mɨntəm ɨma a nye Kristo ngə́ Ɨbɛn ba bɨ zɔŋnə a Kristo lá Antyokɨ ə.

Ɨfaʼ 11:29

Bɨyɛʼ ba tsɔ́ʼ a mu mɨntəm ɨma ngə́ táʼ ŋwɔn nɨ bo a mɨ tsagɨ akwatɨ a nye ndvuŋ wa zɨə chinɨ tsagɨ a mbó ɨbɛn ba bo bo nɨ́ŋnɨ́ mɨntəm ɨma a nye Kristo ba bɨ kɨ́nə́ nchyɛ̌ a Yudiya ghe.