Yoane 2:16 - Mɨkan wu Fi

¹⁶ Wɛrə a sóŋ a mbó ɨbɛn ba bɨ kɨ́nə́ fǐŋ bɨbvugɨrə-fɨkon ba ngə́, “Lɔgɨnə ɨdzúm tsenə ntsa fukɨnə nɨ tsɛrə ɨghə! Nɨ kyɛntɨ a ngɨ ndá Ta ɨghan a nye adiʼ a mɨtan ə!”

Yoane 2:16 Referans Kwoze

Matyo 21:13

A sóŋ a mbó bo ngə́, “Bɨ ŋwaʼnɨ a mu aŋwaʼnɨ a Ŋwi ngə́, ‹Bɨ ghɨ tɔŋənɨ Ndáŋwi zɨ Ngwi ɨzan ngə́ adiʼ a ntsaʼtɨ Ŋwi ə.› Lá nɨ ghɨ a zɛrə a nye kfúʼə mɨzɛrə ghe!”

Marɨkusɨ 11:17

A tíʼ ndiʼ ɨbɛn ngə́: “Bɨ ŋwaʼnɨ a mu aŋwaʼnɨ a Ŋwi ngə́ Ŋwi a sóŋ ngə́, ‹Bɨ ghɨ tɔ́ŋ ndá ɨzan nɨ adiʼ a ntsaʼtɨ Ŋwi a mbó ɨbɛn bɨ ɨlaʼ ɨtsum ə.› Lá nɨ bənkɨ a zɛrə a nye adiʼ a ndyɛmtɨ mɨzɛrə ghe!”

Alukasɨ 2:49

Yeso a chwɨ́gɨ́ a mbó bo ngə́, “Nɨ kɨ chyɛ ndánə́ ngágɨ́ ɨnye ɨtsən ndǒ aghan lá ngə́ ke le? Nɨ kɨ se zhi ngə́ ma kɨ tsi nɨ nchyɛ a ndá Ta ɨghan le?”

2 Bita 2:3

A mu ɨnu amiɛnɨngám ɨtsa, bɨdiʼ bɨ aŋwaʼnɨ bɨ ɨchwenu biŋ ghɨ ghɨ abi a nye adzaŋ za bo sóŋnɨ́ njalaʼ tsa bo kyaŋtɨnɨ a mbó bɨŋ ə. A nɨ abaŋ zə sa tɨtsɔŋnɨ mbáʼ Ŋwi, zɨ wa nɨ Tabyɛn ɨwa a kyaŋtɨnɨ ɨnye ɨzhi a ntsənkɨ bo ghe!

Yoane 5:17

Yeso a chwɨ́gɨ́ awa ngə́, “Ta ɨghan a faʼə tsɛʼ nkfu tsum ə, ma tsi nɨ ɨ zagɨ ɨ kə́ faʼnə ghe.”

1 Timotyo 6:5

ndɨʼkə nkfu tsum a tɨtərɨ ɨbɛn ba ka ɨtú ɨtsa faʼə ayi, ba ka bɨ bə mbvurɨ ntiʼtɨ awa nkənu ə. Bo wiʼtɨ ngə́ nji Ŋwi nɨ ndómnji nchyɛ nɨ nkáb ə.

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Yoane 10:29

Ta ɨghan, zɨ wa a ghánɨ́ a tsɛrə a mbó me, a tsa a ŋwɔn tsum, ŋwɔn wu tsɛrə a chi keʼ a tsɛrə a mu mbó Tarɨ shwuʼə.

Yoane 8:49

Yeso a chwɨ́gɨ́ ngə́, “Ka ma tsi aghan nɨ dzɨŋ ə. Ma kɔ́ʼsə́ a Ta ɨghan atɨ́, nɨ baŋnə ntságə́ aghə.

Matyo 21:12

Yeso a kón a mu Ndáŋwi zɨ Ngwi, nkɨŋ ɨbɛn ba bɨ kɨ́nə́ fiŋə nkə́ ndzǔŋ ɨdzúm ɨwu ə. A tíʼ mbənkɨ ɨtɛkɨ ngaŋ nkwebtɨ nkáb abɔʼnɨ ɨlaŋ ɨbɛn ba bɨ kɨ́nə́ fǐŋ bɨbvugɨrə-fɨkon ə.

Matyo 22:5

Lá bɨghən bɨ nɨzɔ́ʼ na wágɨ́nɨ́ mɨnkən ma, ɨfɛtɨ mɨfəŋ ɨma ngɛn ɨ númə́ ngɨ̌ mɨnu ɨma ghe. Táʼ a ghɛ́n a ɨshwom zɨ, wu mɔʼɔ a ghɛn adiʼ a mɨtan zɨ,

Yoane 2:15

Ma lan, wɛrə a báʼ mɨnkɨ a nye ngwan, nkɨŋ ɨbɛn ba bɨtsum bɨ fukɨ a Ndáŋwi zɨ Ngwi, nkwiʼtɨ mbyindzɨ tsa abɔʼnɨ bɨnkɔʼndzum ba. Wɛrə a tíʼ mbənkɨ ɨtɛkɨ ngaŋ nkwebtɨ nkáb tsa atfúŋ atfúŋ, ndzagɨ nkáb atɨŋə ɨtsa ghe.