Yoane 2:11 - Mɨkan wu Fi

¹¹ Yeso a ghɨ́ a ntsambyi anu zə yerɨnɨ-yerɨnɨ zen lá a Kana a mu Galili; ɨwu wɛrə a kyɛ́ʼ nɨfáŋ ɨni, bɨyɛʼ ɨbyi tiʼ nɨŋ mɨntəm ɨma wə ɨnye ə.

Yoane 2:11 Referans Kwoze

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Yoane 3:2

Ŋwɔn məwen a ghɛ́n a mbó Yeso nɨ ɨtfúʼ tse ɨ soŋ wəmbo ngə́, “Rabai, bɨgɨ zhi ngə́ o nɨ ndiʼ aŋwaʼnɨ wa a lonɨ a mbó Ŋwi; mbɨ́ʼ ngə́ ŋwɔn tsɛrə a chi keʼ ghɨ ɨnu tsɨ yerɨnɨ-yerɨnɨ tsen tsa o ghɨnə, tɨgha Ŋwi a tsi bo zɨə.”

Yoane 6:2

Ɨnɔ ɨbɛn wu wi zɔ́ŋ ayi, mbɨ́ʼ ngə́ bo zɛ́nə ɨnu tsɨ yerɨnɨ-yerɨnɨ tsa a ghɨ́nɨ́ a ntsúʼ ɨbɛn ə.

Yoane 6:30

Bo chwɨ́gɨ́ ngə́, “O mɨ ghɨ lá a zɨŋ anu zə yerɨnɨ-yerɨnɨ taŋ á bɨgɨ chi zɛn ɨ tiʼ nɨŋ mɨntəm ɨmɨgɨ a nye gho le? O mɨ ghɨ lá ake le?

Yoane 6:26

Yeso a chwɨ́gɨ́ ngə́, “Tsɛʼ a nkənu ma soŋə awɨŋ ə: nɨ lǒ aghan lá mbɨ́ʼ ngə́ nɨ kɨ kfurɨ abán za nzhwurɨ ntiʼ ntsi nɨ atsum za nɨ kɨ chinə ndǒ, ka a be ayi be mbɨ́ʼ ngə́ nɨ kɨ zuʼ nkɨ nji ɨnu tsɨ yerɨnɨ-yerɨnɨ ɨtsan tsa.

Yoane 6:14

Mbáʼ ɨbɛn ba ɨwu a bɨ zɛ́nɨ́ anu zə yerɨnɨ-yerɨnɨ za Yeso a ghɨ́nɨ́ lá, bo sóŋ ngə́, “Tsɛʼ a nkənu, nə nɨ Ntom Ŋwi za ɨ tsínɨ́ ɨ ghɨ yen atuəshe lá!”

2 Korɨnto 4:17

Mbɨ́ʼ ngə́ mɨngɨ́ʼ wen wa bɨgɨ zɛ́nə́ a nye məkum a nkfu wen, a kyáŋtə́ awɨgɨ a nkwárɨ́ nɨfáŋ nə wi nə nɨnkoŋ na nɨ tsanɨ ngɨ́ʼ za tsum ə.

Yoane 14:13

Ma ghɨ tíʼ ghɨ anu atsum za nɨ bitɨnɨ nɨ ɨkum ɨghan, taŋ á bɨ tsa a ndzum Mɔn ndiʼ nɨfáŋ nɨ Tarɨ ə.

Yoane 12:41

Asaya a sóŋ a məzen mbɨ́ʼ ngə́ wɛrə a zɛ́n nɨfáŋ ɨni nkɨ ngam mbɨ́ʼ ayi ɛ.

Yoane 12:37

A báʼtɨ́ ngɨ ɨnu tsɨ yerɨnɨ-yerɨnɨ tsen a ɨnɔ ɨnɔ a ɨshi ɨmɨgɨ bo ɨ ghɨnɨ lá, bo bvúrɨ́ nkeʼ mɨntəm ɨma wə ɨnye nɨŋ,

Yoane 2:23

Mbáʼ Yeso a bvúrɨ́nɨ́ ntsí a Yerosalɛm a nkfu nɨdorɨ nɨ Tsa-yɛʼnɨ na, bə ghaʼnɨ nɨ́ŋ mɨntəm ɨma wə ɨnye mbáʼ bo zɛ́nɨ́ ɨnu tsɨ yerɨnɨ-yerɨnɨ tsa a ghɨ́nə́.

Yoane 1:50

Yeso a sóŋ wəmbo ngə́, “O nɨŋ ntəm ɨgho a nye me lá tsɛʼ mbɨ́ʼ ngə́ ma soŋ a mbó gho ngə́ ma lo ndzɛ́n agho a shwúrɨ́ atɨ a figɨ za le? O ghɨ zɛ́n ɨnu tsɨ wi tsa tsɨ tsanɨ a məziŋ ə!”

1 Yoane 5:13

Ma ŋwaʼnə a zen a mbó bən taŋ á nɨ chi zhi ngə́ nɨ tsi nɨ ntsi ntən nɨnkoŋ — bən ba nɨ nɨŋnɨ mɨntəm ɨmən a nye Mɔn Ŋwi lá.

Yoane 4:46

Ma lan, Yeso a bə́ ngɛn a Kana a mu Galili adiʼ wa a bə́ŋnɨ́ nkyi a nye mɨluʼ lá. Ŋwɔn afaʼ wu ngwi wu gobɨna a tsí ɨwu wa mɔn ɨyi wu mbáŋnɨ́ a kɨ́nə́ ngǒ a Kabɛrɨnaum ə.

Yoane 5:23

taŋ á ŋwɔn tsum a ghɨ́ nkɔ́ʼsɨ́ a Mɔn Mbáŋnɨ́ atɨ́ a nye ndəŋndəŋ ndóm wa bɨ kɔ́ʼsɨ́nə́ a Tarɨ atɨ́ ə. Ŋwɔn wa a se a Mɔn Mbáŋnɨ́ atɨ́ kɔʼsɨ, ka a kɨ nkɔʼsɨ ayi atɨ́ a Tarɨ, zɨ wa a tsagɨnɨ ayi ɛ.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

2 Korɨnto 3:18

Mɨshi ɨmɨgɨnə tsi tɨkə bɨ kubɨnɨ lá, bɨgɨnə bɨtsum diʼnə nɨfáŋ nɨ Maʼmbyí, bɨgɨnə kwebtɨnə taŋ ɨ tsinə nɨ nɨfáŋ ɨni ɨ lo a nye táʼ ɨfɨʼ ɨ ghɛn a nye za ɨ tsinɨ a mbyi ɛ. Nɨfáŋ məniŋ lǒ lá a mbó Maʼmbyí, zɨ wa a nɨ Azhwi ə.

Yoane 11:15

lá mbɨ́ʼ atú azən ma dorɨtɨ ngə́ ma lo nkaʼ ɨwu tsi, taŋ á nɨ chi nɨŋ mɨntəm ɨmən a nye me ghe. Bɨgɨnə ghɛn wə mbyɛn ə.”

Yoane 1:17

Ŋwi a ghá a nyɔngɔŋ ntsa lá a ndzum Mǒse, lá abɔŋəntəm abɔʼnɨ nkənu yén ntsa lá a ndzum Yeso Kristo ghe.

Yoane 1:43

Njwi zɨ mɔʼɔ bənə ndan, Yeso a tsɔʼ a mu ntəm zɨ a ngén a Galili ə. A zɛ́n a Firɨbɔ, ɨ soŋ wəmbo ngə́, “Zɔŋ aghə!”

Yoane 2:1

A ghɨnə mbé a nye njwi tsa tsɨ kúʼnɨ́ tsi tárə́, nɨzɔ́ʼ nə tse tsi a mu ntáʼmbagə Kana a mu Mbuʼ Galili ə. Nɨmi bɨ Yeso a tsí ɨwu ə.

Yoane 4:3

Ma lan, mbáʼ Yeso a zúʼnɨ́ anu za bɨ kɨ́nə́ sóŋə́, wɛrə a nyɛ́ʼtɨ́ a Yudiya mbə ngɛn a Galili ə.

Yoane 4:54

Nə bé anu zə yerɨnɨ-yerɨnɨ za a kúʼnɨ́ ɨdiʼ tsi bá mbáʼ Yeso a lonə a Yudiya ngɛn a Galili ngɨə.

Yoane 7:31

Lá ɨbɛn bə ghaʼnɨ a tɨtərɨ ɨnɔ wa nɨ́ŋ mɨntəm ɨma a nye zɨ, ntiʼ mbitɨ ngə́, “Wa bɨ Zɔ́ʼnɨ́ a ghɨ ngyén, muŋ a mɨ ghɨ ɨnu tsɨ yerɨnɨ-yerɨnɨ tsa tsɨ tsanɨ a tsə ŋwɔn wen le?”

Yoane 9:16

Bə Farisao ba bə tse sóŋ ngə́, “Ŋwɔn wa a lonɨ ngɨ a məzen a chi keʼ a mbó Ŋwi lo, mbɨ́ʼ ngə́ ka a ndzúʼnə́ ayi a nyɔngɔŋ Njwi Alaʼ Ŋwi ə.” Lá bə mɔʼɔ bítɨ́ ngə́, “Be ngaŋ ngɨ mɨbvu, a ghɨ ɨbə́ŋ ɨnu tsə yerɨnɨ-yerɨnɨ tsen lá ɨ nə́ le?” Ayɛbtɨ a tíʼ ntsí a tɨtərɨ bo ghe.

Yoane 10:41

Ɨbɛn bə ghaʼnɨ yén wəmbo ə. Bo sóŋ ngə́, “Yoane a sé ɨnu tsɨ yerɨnɨ-yerɨnɨ ghɨə, lá anu atsum za a sóŋnɨ́ mbɨ́ʼ a ŋwɔn wɛnə a bé nkənu ə.”

Yoane 11:47

Bɨntumshe bə wi abɔʼnɨ bə Farisao tíʼ mbomnkɨ bo bɨ Ngaŋ Sáʼ Abyɛn, ntiʼ soŋ ngə́, “Bɨgɨnə mɨ ghɨ lá ɨ nə́ le? Ze ɨnu tsɨ yerɨnɨ-yerɨnɨ tsa ŋwɔn wen a ghɨnə ghe!

Yoane 12:18

Lá nɨ anu za a ghɨ́nɨ́ ɨnɔ wa fu ngɛn mbom ayi ɛ — mbɨ́ʼ ngə́ bo zúʼ ngə́ a ghɨ́ anu zə yerɨnɨ-yerɨnɨ məziŋ ə.

Yoane 16:27

mbɨ́ʼ ngə́ Tarɨ zɨmboŋ a kɔŋ awɨŋ ə. A kɔŋ awən mbɨ́ʼ ngə́ nɨ kɔŋ aghan, nɨ kɨnə nkɨ nɨŋ mɨntəm ɨmən ɨwu ngə́ ma lo a mbó Tarɨ ə.

Yoane 16:30

Tɨtsɔŋnɨ bɨgɨ zhi ngə́ o zhi ɨnu ɨtsum; ka a ndǒ ayi ngə́ á ŋwɔn tse a bitɨ agho nɨ ɨbítɨ ə. Məzen a ghɨ bɨgɨ nɨŋ mɨntəm ɨmɨgɨ ɨwu ngə́ o ló lá a mbó Ŋwi ə.”