Yoane 17:3 - Mɨkan wu Fi

³ Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Yoane 17:3 Referans Kwoze

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Yoane 17:25

Tarɨ wu nchinɨnɨ! Ka atuəshe a zhi ayi agho, lá ma zhi agho, bɨyɛʼ benə kɨ nji ngə́ o tságɨ́ aghə.

Yoane 3:17

Ŋwi a sé tsagɨ a Mɔn ɨyi wu Mbáŋnɨ́ atuəshe lá a sáʼ atuəshe; a báŋnɨ́ ntsagɨ be ngə́ á yen ndoŋ a zɛrə ghe.

1 Yoane 4:6

Lá bɨgɨnə tsi be a mbó Ŋwi ə. Ŋwɔn tsum wa a zhinɨ a Ŋwi a zuʼə a ntsu bɨgɨnə; Ŋwɔn tsum wa a se a mbó Ŋwi tsi, ka a njwíʼtə́ ayi a ntsu bɨgɨnə ghe. Ma lan, nə tiʼ mbe adzaŋ za bɨgɨnə chinɨ zhi a líʼ wa a tsinɨ a tɨtərɨ Azhwi a nkənu bo azhwi afənu ə.

Yoane 17:23

á ma tsi a mbúm bɨgɨ bo, o kɨ ntsi a mbúm bɔgə, taŋ á bo be táʼ azúm ɨ ghɛn mɛtɨ, taŋ á atuəshe a chi zhi ngə́ o tságɨ́ aghan, nkɨ nkɔŋ awa adzaŋ za o kɔŋnɨ aghan lá.

Yoane 17:21

Ma tsaʼtə a Ŋwi ngə́ á bo tsi a mbúm ə. Tarɨ! Ma tsaʼtə a Ŋwi ngə́ á bo tsi a mbúm bɔgə, tsɛʼ tso mbáʼ tɨ tsinɨ a mbúm lá. Ma tsaʼtə Ŋwi ngə́ á bo tsi a mbúm, taŋ á atuəshe a nɨŋ ntəm ɨyi ɨwu ngə́ o tságɨ́ aghə.

Yoane 3:34

Ŋwɔn wa Ŋwi a tsagɨnɨ lá, a ghamə lá mɨgham mɨ Ŋwi ə; mbɨ́ʼ ngə́ Ŋwi a ghǎ Azhwi azhi wəmbo tɨ ɨfɨʼ ə.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

2 Tesalonaika 1:8

nɨ ɨmugɨ wa ɨ kwárɨ́nə́, a nɨ́ŋ ngɨ́ʼ a nye ɨbɛn ba bɨ tonɨ a Ŋwi nkeʼ nkə́ ndzúʼnɨ́ Nkən wu Shiʼnɨ wa mbɨ́ʼ a Maʼmbyí ɨwɨgɨnə, Yeso lá.

Yoane 17:8

Ma ghá nkən wa o ghánɨ́ a mbó me a mbó bo, bo kɨ nkwarɨ a wɛrə; bo zhi ngə́ a nɨ nkənu ngə́ ma ló lá a mbó gho, bo kɨ nɨŋ mɨntəm ɨma ɨwu ngə́ o tságɨ́ aghə.

Yoane 14:26

Nkwatɨ, Azhwi zə Fɛmnɨ wa Tarɨ a ghɨ tsagɨ nɨ ɨkum ɨghan lá, a ghɨ diʼ awən nɨ anu atsum, ɨ kɨ ghɨ á nɨ waʼtɨ ɨnu ɨtsum tsa ma kwɛnə soŋ a mbó bɨŋ ə.

Yoane 8:19

Bo bítɨ́ ayi ngə́, “Ta ɨgho a mé le?” Yeso a chwɨ́gɨ́ ngə́, “Ka nɨ zhi awən aghan, nkeʼ a Ta ɨghan kɨ njiɛ. Nɨ be zhi aghan, muŋ nɨ kɨ nji a Ta ɨghə.”

1 Korɨnto 15:34

A nɨ bə́ mbən a nye ɨkwaʼtɨ ɨtsən tsə shiʼnɨ nkɨ nkyɛntɨ ngɨ̌ mɨbvu ə. Ma soŋ ntəm ɨghan a mbó bən ngə́ bən bə tsɛrə se a Ŋwi zhyɛ. Ma soŋ a məzen tso anu adɨrətú a mbó bɨŋ ə.

1 Tesalonaika 1:9

Ɨbɛn bɨtsum ghamə mbɨ́ʼ adzaŋ za nɨ kwárɨ́nɨ́ awɨgɨ mbáʼ bɨgɨ yénɨ́ ngántɨ́ awən, abɔʼnɨ adzaŋ za nɨ bə́ŋnɨ́ mɨntəm ɨmən a nye ɨbɔ bɨ abe, ntiʼ ngɛn a mbó Ŋwi, a faʼə a mbó zɨ, zɨ wa a nɨ wu nkənu nkɨ ntsi ntən lá.

Yoane 10:36

Lá a mbó me, Tarɨ a ghɨ́ aghan ma fɛm ntiʼ ntsagɨ aghan a mu mbyi ɛ. Nɨ tiʼ ntsa lá ɨ nə́ a sóŋə́ ngə́ ma ghǎm nɨgham nɨ ndzɔm Ŋwi mbɨ́ʼ ngə́ ma sóŋ ngə́ ma nɨ Mɔn Ŋwi wu Mbáŋnɨ́ le?

Yoane 7:29

Lá ma zhi ayi, mbɨ́ʼ ngə́ ma lo wəmbo, a kɨ ntsagɨ zɨ ntsagɨ aghə.”

Yoane 6:57

Tsɛʼ tso mbáʼ Tarɨ, zɨ wa a tsinɨ ntən a tságɨ́nɨ́ aghan lá, mbɨ́ʼ a wɛrə, ma kɨ ntsi ntɨŋ ə. Ndəŋndəŋ, ŋwɔn tsum wa a kfurɨnɨ ɨnyam ɨnye ɨzan, a mɨ tsi ntən mbɨ́ʼ aghə.

Yoane 5:44

Nɨ kɔŋ mbontɨ ɨtumbəm ɨtsən nɨ bən nɨ bɨŋ ə, lá nɨ se kɔŋ ngɨə ngə́ á ŋwɔn wa a nunɨ zɨzɨ, mbe Ŋwi a bontɨ awɨŋ ə; nɨ chi tiʼ nɨŋ mɨntəm ɨmən a nye me lá ɨ nə́ le?

Yoane 11:42

Ma zhi ngə́ o zúʼə aghan nkfu tsum, lá ma soŋ a məzen lá mbɨ́ʼ atú a ɨbɛn ba bɨ tɛmnkɨnɨ ɨghan, taŋ á bo nɨŋ mɨntəm ɨma ɨwu ngə́ o tságɨ́ aghə.”

Alukasɨ 9:48

ntiʼ soŋ a mbó bo ngə́, “Ŋwɔn tsum wa a kwarɨnɨ a mɔn wen ɨ shiʼnɨ nɨ ɨkum ɨghan, a kwarɨ aghə ɨ shiʼnɨ ə; ŋwɔn tsum wa a kwarɨnɨ aghan ɨ shiʼnɨ, a kɨ nkwarɨ a ŋwɔn wa a tságɨ́nɨ́ aghan ɨ shiʼnɨ ə. Mbɨ́ʼ ngə́ ndwɨgɨnɨ a tɨtərɨ bən bɨtsum a nɨ ŋwɔn wu ngwi ə.”

Marɨkusɨ 9:37

“Ŋwɔn tsum wa a kwarɨnɨ a mɔn tso wen a ɨkum me a kwarɨ lá aghə; ŋwɔn tsum wa a kwarɨnɨ aghan, ka a kwarɨ ayi lá tsɛʼ aghan, a kwarɨ lá a ŋwɔn wa a tságɨ́nɨ́ aghə.”

1 Korɨnto 8:4

Ma lan, mbɨ́ʼ mɨdzɨ ma bɨ ghanɨ a mbó ɨbɔ bɨ abe: bɨgɨnə zhi ngə́ mɔn abe a nɨ azúm za ka a tsi ayi nɨ ntsi ntɨŋ ə; bɨgɨnə zhi ngə́ a tsi tsɛʼ táʼ Ŋwi ə.

Yoane 17:18

Ma tságɨ́ awa a mu mbyi tsɛʼ adzaŋ za o tságɨ́nɨ́ aghan a mu mbyi lá.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

Filibi 3:10

Atsum atsum za ma lɔnə, a nɨ nji Kristo ɨ kɨ zhwiʼtɨ ɨ zɛn mɨtən ma mɨ tsínɨ́ wə ɨnye a nkfu za wɛrə zhwémnɨ́nɨ́ a mbó nɨvwo, ɨ kɨ ze ngɨ́ʼ tso wɛrə, ɨ tiʼ kɨ kfo tso zɨ,

Ɛbal 3:1

Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

2 Bita 1:2

A abɔŋəntəm abɔʼnɨ mbɔnɨ be ɨtsən a nɨ́lónɨ́ ntsa a ndzum adzaŋ za nɨ zhinɨ a Ŋwi bo Yeso Maʼmbyí ɨwɨgɨnə ghe.

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

2 Bita 1:8

Nə nɨ ɨbə́ŋ ɨnu tsa nɨ lɔnə a mu ntsi mbyi ɨtsɨŋ ə. Be nɨ kɨ ntsi nɨ tsɛrə tsɨ ghaʼ tsɛʼ nkan muŋ tsɨ mɨ ghɨ á nɨ ngɨ̌ mɨnu, ɨ kə́ ghɨnə a mɛrə ɨ shiʼnɨ a nye adzaŋ za nɨ zhinɨ a Maʼmbyí Yeso Kristo ɨwɨgɨnə lá.

1 Yoane 1:2

A nkfu za ntsi mbyi məzen ɨ fúnɨ́ a ɨshe, bɨgɨ zɛ́n a zɛrə; ma lan bɨgɨ ghamə mbɨ́ʼ a zɛrə, nkə́ ngámə́ a mbó bən mbɨ́ʼ ntsi ntən nɨnkoŋ za ɨ tsínɨ́ bo Tarɨ, bɨ tiʼ ngɨ bɨgɨ zhi lá.

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

1 Yoane 2:23

Ŋwɔn tsum wa a tónə́ ayi a Mɔn, a kə́ ntúŋə́ ayi a Tarɨ; ŋwɔn tsum wa a bémnə́ a Mɔn Ŋwi, a kɨnə nkɨ mbem a Tarɨ ə.