Yoane 17:1 - Mɨkan wu Fi

¹ Yeso a ghɨnə mɛ́tɨ́ a sóŋ ɨnu tsiŋ ɨtsum, ndyiŋ fɔməbvurə ɨ soŋ ngə́, “Tarɨ, nyom a kuʼnə ghe. Gha nɨfáŋ a mbó Mɔn ɨgho wu mbáŋnɨ́, taŋ á Mɔn ɨgho wu mbáŋnɨ́ a chi gha nɨfáŋ a mbó gho ghe.

Yoane 17:1 Referans Kwoze

Yoane 12:23

Yeso a chwɨ́gɨ́ a mbó bo ngə́, “Nyom a kuʼnə á Mɔn Ŋwɔn a kwarɨ nɨfáŋ nə wi ə.

Ɨfaʼ 3:13

Ŋwi, zɨ wa a nɨ wu Abraʼm, Isak nɨ Yakɔb, Ŋwi wu bɨta ɨbɨgɨnə bə kɔ́ʼɔ́nguʼ, wɛrə a ghanə nkɔʼsə atɨ́ zɨ ngwi a mbó ngaŋ afaʼ ɨzhi Yeso ghe. Lá nɨ tíntɨ́ ayi ngá a mbó bɨsáʼ bɨ alaʼ nkɨ nton awən ayi a ɨshi Branto le buŋ Branto a kwɛ́nə ntsɔʼ a mu ntəm zɨ ngə́ zɨə mɨ nyɛʼtɨ ayi ɛ.

Yoane 7:39

Yeso a kə́ ngamə lá mbɨ́ʼ Azhwi za ɨbɛn ba bɨ nɨ́ŋnɨ́ mɨntəm ɨma a nye zɨ bɨ ghɨnɨ kwárə́. A nkfu məwa bɨ bvúrɨ́ Azhwi tɨ gha, mbɨ́ʼ ngə́ bɨ bvúrɨ́nə a Yeso tɨ kɔʼsɨ a mu nɨfáŋ ə.

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

Yoane 11:4

Yeso a ghɨnə ndzúʼ a zɛrə ɨ soŋ ngə́, “Ndwitɨ nɨghɔ niŋ mɨ keʼ be nɨvwo nɨ Lǎtsorə ghe; məzen a fu lá taŋ ɨ gha nɨfáŋ a mbó Ŋwi, a mɨ kɨ be ndóm wa Mɔn Ŋwi wu Mbáŋnɨ́ a mɨ tsa ɨwu ɨ kwarɨ nɨfáŋ ə.”

Marɨkusɨ 14:41

Mbáʼ wɛrə a yénɨ́ nkwátɨ́ awa a nye nkfu tsa tsɨ kúʼnɨ́ tsi tárə́ lá, wɛrə a sóŋ a mbó bo ngə́, “Nɨ bvurɨ nɔŋ ndyě nkə́ njwítə́ awən le? Ɨfɨʼ ɨ kuʼnə ghe! Nyom a yenə ghe! Zɛnə, bɨ tiʼnə ngǎ a Mɔn Ŋwɔn a mbó adaʼ a ngaŋ ngɨ mɨbvu ə.

Yoane 11:41

Bɨ bɨŋsɨ ngɔʼ za ndotɨ nɨ zɛrə ghe. Yeso a bíʼ ɨmɨgɨ ɨmyi atɨ́ ɨ soŋ ngə́, “Ta ɨghan, ma gha a mɨya a mbó gho mbɨ́ʼ ngə́ o zúʼə aghə.

Yoane 8:20

Yeso a ghám mɨgham məmen lá a nkfu za a kɨ́nə́ ndǐʼ ɨbɛn a mu Ndáŋwi zɨ Ngwi, ntɛm a mbyɛn kwasɨ ndá wa a bénɨ́ nɨlɛnɨ nɨ nkáb lá. Lá ŋwɔn tsɛrə a sé ayi chwa, mbɨ́ʼ ngə́ nkfu wɛrə ɨ bvúrɨ́nə tɨ kuʼə.

Yoane 7:30

Ma lan, bo lɔ́btɨ́ a nkó zɨ, lá ŋwɔn tse a sé ayi nɨ abó mɔmtɨ, mbɨ́ʼ ngə́ nkfu wɛrə ɨ bvúrɨ́nə tɨ kuʼə.

Yoane 16:32

Nkfu ɨ yiŋə, ɨ kwɛnə nkɨ ngyiŋə, mbáʼ bɨ mɨ dzagɨ awən bɨtsum á ŋwɔn tsum ɨ mɔ́ʼɔ́ mɔ́ʼɔ́ a bə nkwɛn ngɛn a njwuʼ zɨ, á ma tiʼ ngɔŋ me me ghe. Lá ma lanɨ nkaʼ me me chyɛ, mbɨ́ʼ ngə́ Tarɨ a tsi bɨgɨ zɨə.

Yoane 13:1

A bvúrɨ́ táʼ njwi á Nɨdorɨ nɨ Tsa-yɛʼnɨ lɔgɨ adiʼ ə. Yeso a zhí ngə́ nyom a kúʼnə wa zɨə mɨ lo nyɛʼtɨ mbyi zen, ɨ tiʼ ghɛn a mbó Tarɨ ə. Nkfu tsum, wɛrə a kɔ́ŋ ɨbɛn bɨ atuəshe wen ba bɨ bénɨ́ ɨbyi ɛ. Wɛrə a kɔ́ŋ awa ɨ kɔʼ kuʼ a ndwitə ghe.

Alukasɨ 22:53

Ma kɨ chyɛ nchyɛ̌ bɨgɨnə njwi tsum a Ndáŋwi zɨ Ngwi lá nɨ sé zhwəŋtɨ a nkó me ghe. Lá, nyom ɨwən a kuʼnə a ngɨ mɨnu, nkfu za mbáʼ mɨtən mɨ ndzumnɨ tíʼnə́ sáʼə ghe.”

Alukasɨ 18:13

Nkwárɨ́ ashɛbɨ wa a tɛ́m nəghagɨ nchi keʼ tsɛʼ ɨshi ɨyi biʼtɨ a fɔməbvurə, ɨ nyɔŋ abó azhi a nɨgo zɨ a mu adzə́ŋnɨ ɨ soŋ ngə́, ‹Ŋwi, ko a mɨlɨŋnɨ ɨghə, ngaŋ ngɨ mɨbvu ə!›