Yoane 16:5 - Mɨkan wu Fi

⁵ Lá, tɨtsɔŋnɨ ma ghěn a mbó ŋwɔn wa a tságɨ́nɨ́ aghan, lá ŋwɔn nɨ bən wu tse a keʼ bitɨ adiʼ za ma ghɛnə ɨwu ə.

Yoane 16:5 Referans Kwoze

Yoane 13:36

Samɔn Bita a bítɨ́ ayi ngə́, “Maʼmbyí, o ghěn lá ɨ ghé le?” Yeso a chwɨ́gɨ́ ngə́, “O chi koʼ zɔŋ aghan adiʼ wa ma ghɛnə tɨtsɔŋnɨ ə, lá a nkfu ndzum, o ghɨ zɔŋ aghə.”

Yoane 7:33

Yeso a sóŋ ngə́, “Ma mɨ tsi bɨgɨnə a nye məbaŋtɨ, ɨ zɔŋtɨ ɨ lo ɨ ghɛn a mbó zɨ wa a tságɨ́nɨ́ aghə.

Yoane 16:28

Ma ló lá a mbó Tarɨ, ntiʼ ngyen a mu mbyi ɛ. Tɨtsɔŋnɨ, ma nyɛʼtə atuəshe ngěn a mbó Tarɨ ə.”

Yoane 17:4

Ma diʼnə nɨfáŋ ɨno atuəshe; ma mɛtɨnə ɨfaʼ wa o ghánɨ́ ngə́ á ma faʼə.

Yoane 16:10

za bo kwaʼtɨnɨ ngə́ a nɨ anu zə chinɨnɨ ka a kuʼnɨ ayi mbɨ́ʼ ngə́ ma ghěn a mbó Tarɨ á nɨ keʼ aghan kwiʼ ndzɛn;

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Ɛbal 1:3

Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

Yoane 13:3

Yeso a zhí ngə́ Ta ɨyi a kwɛ́nə nga mɨtən mɨtsum a mbó zɨ; wɛrə a zhí ngə́ zɨə ló a mbó Ŋwi nkə́ mbɨ́ŋə́ ngěn a mbó Ŋwi ə.

Yoane 16:16

Yeso a kwíʼtɨ́ ngə́, “A nye məkum a nkfu nɨ mɨ keʼ aghan bə ndzɛn, akum a nkfu zə mɔʼɔ a bə ndzɔŋtɨ, nɨ zɛn aghə.”

Yoane 14:28

Nɨ zúʼ ma soŋ a mbó bən ngə́, ‹Ma mɨ nyɛʼtɨ awən lá ɨ ghɨ bə yen a mbó bɨŋ ə.› Nɨ be kɔŋ aghan tsɛʼ a nkənu, muŋ nɨ tsi nɨ nɨdorɨ ngə́ ma ghěn a mbó Tarɨ ə; mbɨ́ʼ ngə́ wɛrə nɨ ŋwɔn wu ngwi ntsa aghə.

Yoane 6:62

Nɨ ghɨ tíʼ soŋ ngə́ ke mbáʼ be nɨ zɛn a Mɔn Ŋwɔn a bə nkɔʼ ngɛn adiʼ wa a kwɛ́nɨ́ ntsí ɨwu a mbyi lá le?

Yoane 17:13

Tɨtsɔŋnɨ ma yiŋə a mbó gho, lá ɨ soŋ ɨnu tsenə a mbó bə atuəshe lá taŋ á bo chi tsi nɨ nɨdorɨ ɨnan a mu mɨntəm ɨma a nɨ́lónɨ́ ə.

Yoane 16:17

Bɨyɛʼ ɨbyi ba bə mɔʼɔ bítɨ́ a tɨtərɨ bo nɨbo ngə́, “Məzen a diʼ lá ngə́ ke le? A soŋ a mbó bɨgɨnə ngə́ a nye məkum a nkfu bɨgɨnə mɨ keʼ ayi bə ndzɛn, akum a nkfu zə mɔʼɔ a bə ndzɔŋtɨ, bɨgɨnə zɛn ayi ɛ; a kɨ nkwiʼ soŋ ngə́, ‹A nɨ mbɨ́ʼ ngə́ ma ghěn a mbó Tarɨ ə.›